తొర్రూర్ (అబ్దుల్లాపూర్‌మెట్ మండలం)
తొర్రూర్,తెలంగాణ రాష్ట్రం, రంగారెడ్డి జిల్లా, అబ్దుల్లాపూర్‌మెట్ మండలానికి చెందిన గ్రామం.[1]
జిల్లాల పునర్వ్యవస్థీకరణలో
మార్చు2016 అక్టోబరు 11న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత రంగారెడ్డి జిల్లాలోని హయాత్‌నగర్‌ మండలంలో ఉండేది. పునర్వ్యవస్థీకరణలో దీన్ని కొత్తగా ఏర్పాటుచేసిన అబ్దుల్లాపూర్‌మెట్ మండలంలోకి చేర్చారు.[2]
| తొర్రూర్ | |
| — రెవిన్యూ గ్రామం — | |
  తొర్రూర్ |
|
| అక్షాంశరేఖాంశాలు: 17°17′09″N 78°38′44″E / 17.2857591°N 78.6455475°E | |
|---|---|
| రాష్ట్రం | తెలంగాణ |
| జిల్లా | రంగారెడ్డి జిల్లా |
| మండలం | అబ్దుల్లాపూర్ మెట్ |
| ప్రభుత్వం | |
| - సర్పంచి | |
| ఎత్తు | 505 m (1,657 ft) |
| జనాభా (2011) | |
| - మొత్తం | 4,912 |
| - పురుషుల సంఖ్య | 2,522 |
| - స్త్రీల సంఖ్య | 2,390 |
| - గృహాల సంఖ్య | 1,033 |
| పిన్ కోడ్ | 501 511 |
| ఎస్.టి.డి కోడ్ | 08415 |
గ్రామ నామ విశేషం
మార్చుఈ గ్రామనామం పశుసంబంధమైనది. తొర్రూరు అన్న పేరు బాగా ప్రాచీనమైనదని పరిశోధకులు తేల్చారు. కొత్తరాతియుగం, బృహత్‌శిలా యుగానికి చెందిన ప్రాక్తన చారిత్రిక దశ నాటి పేరుగా గుర్తించారు. కొత్త రాతియుగంలో పశుపాలన, వ్యవసాయం విస్తృతిపొంది, రాగి, ఇనుము వాడకం, లోహపరిశ్రమ అవతరించింది. ఈ అంశాలను సూచిస్తూ ఏర్పడిన గ్రామనామాల్లో తొర్రూరు ఒకటి.[3]. ఈ గ్రామములో ప్రధాన భాష తెలుగు.
గణాంకాలు
మార్చు2011 భారత జనగణన గణాంకాల ప్రకారం గ్రామ జనాభా మొత్తం. 4912, పురుషులు. 2522, స్త్రీలు 2390, నివాస గృహాలు 1033, విస్తీర్ణము. 974 హెక్టార్లు. ప్రజల భాష తెలుగు.
రవాణా సౌకర్యములు
మార్చుఈ గ్రామానికి ఎల్.బి.నగర్ 10 కి.లో మీటర్ల దూరములో ఉంది. ఇక్కడికి, పరిసర ప్రాంతాలకు మంచి రహదారి వ్వవస్త కలిగి యుండి, ఆర్.టి.సి బస్సుల సౌకర్యము కూడా ఉంది. ఈ గ్రామానికి 10 కి.మీ. లోపు రైలు వసతి లేదు. కాని ప్రధాన రైల్వేస్టేషను సికింద్రాబాదు ఇక్కడికి 18 కి.మీ దూరములో ఉంది. అక్కడి నుండి దేశములోని పలు ప్రాంతాలకు రైలు వసతి ఉంది.
పాఠశాలలు
మార్చుఈ గ్రామములో ఒక జిల్లాపరిషత్ ఉన్నత పాఠశాల, సరస్వతి విద్యామందిర్ పాఠశాల ఉన్నాయి.[4]
పర్యాటక స్థలాలు
మార్చు
ఈ గ్రామంలోని శ్రీ రేణుకా ఎల్లమ్మ ఆలయం ఎంతో ప్రసిద్ధిపొందినది. సా.శ. 17వ శతాబ్దంలో రేణుకాదేవి ఇక్కడ స్వయంభూగా వెలసినట్లు చారిత్రిక ఆధారాలున్నవి. కొండశిఖరంపై అమ్మవారు కొలువుదీరి, భక్తులను కటాక్షిస్తూ ఉంటుంది. ఆషాఢమాసంలో ఇక్కడ జాతర అంగరంగవైభవంగా జరుగుతుంది.[5]
మూలాలు
మార్చు- ↑ "ఆర్కైవ్ నకలు" (PDF). Archived from the original (PDF) on 2019-06-12. Retrieved 2018-04-01.
- ↑ "రంగారెడ్డి జిల్లా" (PDF). తెలంగాణ గనుల శాఖ. Archived (PDF) from the original on 2021-12-27. Retrieved 2022-08-01.
- ↑ ప్రాచీనాంధ్ర దేశ చరిత్ర - గ్రామీణజీవనం:పి.వి.పరబ్రహ్మశాస్త్రి:పేజీ.26
- ↑ http://www.onefivenine.com/india/villages/Rangareddi/Hayathnagar/Thorur
- ↑ ఈనాడు జిల్లా ఎడిషన్, 25 అక్టోబరు 2013