దేవరపల్లి (పర్చూరు)

ప్రకాశం జిల్లా పర్చూరు మండలం లోని గ్రామం
(దేవరపల్లి, పర్చూరు నుండి దారిమార్పు చెందింది)


దేవరపల్లి ప్రకాశం జిల్లా, పర్చూరు మండలంలోని గ్రామం.

దేవరపల్లి
రెవిన్యూ గ్రామం
దేవరపల్లి is located in Andhra Pradesh
దేవరపల్లి
దేవరపల్లి
నిర్దేశాంకాలు: 16°00′46″N 80°16′51″E / 16.0127°N 80.2809°E / 16.0127; 80.2809Coordinates: 16°00′46″N 80°16′51″E / 16.0127°N 80.2809°E / 16.0127; 80.2809 Edit this at Wikidata
దేశంభారతదేశం
రాష్ట్రంఆంధ్రప్రదేశ్
జిల్లాప్రకాశం జిల్లా
మండలంపర్చూరు మండలం Edit this on Wikidata
విస్తీర్ణం
 • మొత్తం820 హె. (2,030 ఎ.)
జనాభా
(2011)
 • మొత్తం1,930
 • సాంద్రత240/కి.మీ2 (610/చ. మై.)
ప్రాంతీయ ఫోన్ కోడ్+91 (08594 Edit this at Wikidata)
పిన్(PIN)523169 Edit this at Wikidata

భౌగోళికంసవరించు

పర్చూరుకి ఉత్తరపు వైపున సుమారు 5 కిలోమీటర్ల దూరంలో, సమీప పట్టణమైన చీరాల నుండి 22 కి. మీ. దూరంలో ఉంది. గ్రామములో సర్వే నం. 159/1 లోని కృష్ణంరాజు చెరువు (పెద్ద చెరువు) 39.37 ఎకరాలలో విస్తరించియున్నది.[1]

భూమి వినియోగంసవరించు

భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 88 హెక్టార్లు
  • వ్యవసాయం సాగని, బంజరు భూమి: 12 హెక్టార్లు
  • నికరంగా సాగుచేయబడె మెట్ట భూమి: 719 హెక్టార్లు

జనాభా వివరాలుసవరించు

2011 భారత జనగణన గణాంకాల ప్రకారం ఈ గ్రామం 539 ఇళ్లతో, 1930 జనాభాతో 820 హెక్టార్లలో విస్తరించి ఉంది. గ్రామంలో మగవారి సంఖ్య 977, ఆడవారి సంఖ్య 953. [2]. 2001 వ.సంవత్సరం జనాభా లెక్కల ప్రకారం గ్రామ జనాభా 2,065. ఇందులో పురుషుల సంఖ్య 1,021, మహిళల సంఖ్య 1,044, గ్రామంలో నివాస గృహాలు 583 ఉన్నాయి.

విద్యా సౌకర్యాలుసవరించు

 
మండల పరిషత్ ప్రాథమిక పాఠశాల

గ్రామంలో ప్రభుత్వ ప్రాథమిక పాఠశాలలు రెండు ఉన్నాయి. ప్రాథమికోన్నత పాఠశాల పర్చూరులో ఉన్నది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల పర్చూరులోను, ఇంజనీరింగ్ కళాశాల చీరాలలోనూ ఉన్నాయి. సమీప వైద్య కళాశాల గుంటూరులోను, పాలిటెక్నిక్‌ నాగులపాలెంలోను, మేనేజిమెంటు కళాశాల చీరాలలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం చీరాలలోను, దివ్యాంగుల ప్రత్యేక పాఠశాల ఒంగోలు లోనూ ఉన్నాయి.

వైద్య సౌకర్యంసవరించు

సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, ప్రాథమిక ఆరోగ్య ఉప కేంద్రం, పశు వైద్యశాల పర్చూరులో వుంది. మాతా శిశు సంరక్షణ కేంద్రం ఊరిలో వుంది.

తాగు నీరుసవరించు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. నీటి కోసం రెండు చెరువులు వున్నాయి.

సమాచార, రవాణా సౌకర్యాలుసవరించు

సబ్ పోస్టాఫీసు సౌకర్యం ఉంది. సమీప పర్చూరు మండలకేంద్రానికి పంచాయితీరాజ్ రహదారి వుంది. అక్కడినుండి రాష్ట్రరహదారి సౌకర్యం వుంది. సమీప రైల్వే స్టేషన్ చీరాలలో వున్నది.

మార్కెటింగు, బ్యాంకింగుసవరించు

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం పర్చూరులో వున్నాయి.

ప్రధాన పంటలుసవరించు

మెట్ట భూమి అయినందున, గ్రామంలో సెనగ పొగాకు, మిరప, ప్రత్తి సాగుచేస్తారు.

మూలాలుసవరించు

  1. "ఈనాడు ప్రకాశం; 2017,ఆగష్టు-23; 1వపేజీ".
  2. "Village Amenities for Prakasam District of Andhra Pradesh, 2011".