దేవాంగ్ గాంధీ
దేవాంగ్ జయంత్ గాంధీ (జననం 1971 సెప్టెంబరు 6) మాజీ భారత క్రికెట్ ఆటగాడు . కుడిచేతి ఓపెనింగ్ బ్యాటరైన దేవాంగ్ చాలా అరుదుగా కుడిచేతి మీడియం-పేస్ బౌలింగు వేసేవాడు. అతను బెంగాల్, హాడ్లీ, థండర్స్లీ క్రికెట్ క్లబ్, ఎసెక్స్ జట్ల తరపున ఆడాడు.
| వ్యక్తిగత సమాచారం | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పుట్టిన తేదీ | 1971 సెప్టెంబరు 6 భావ్‌నగర్ గుజరాత్ | |||||||||||||||||||||
| బ్యాటింగు | కుడిచేతి వాటం | |||||||||||||||||||||
| బౌలింగు | కుడిచేతి మీడియం | |||||||||||||||||||||
| కెరీర్ గణాంకాలు | ||||||||||||||||||||||
| ||||||||||||||||||||||
మూలం: ESPNcricinfo, 2022 నవంబరు 18 | ||||||||||||||||||||||
| వ్యక్తిగత సమాచారం | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పుట్టిన తేదీ | 1971 సెప్టెంబరు 6 Bhavnagar, గుజరాత్ | |||||||||||||||||||||
| బ్యాటింగు | కుడిచేతి వాటం | |||||||||||||||||||||
| బౌలింగు | కుడిచేతి మీడియం | |||||||||||||||||||||
| కెరీర్ గణాంకాలు | ||||||||||||||||||||||
| ||||||||||||||||||||||
మూలం: ESPNcricinfo, 2022 నవంబరు 18 | ||||||||||||||||||||||
1999-2000 ఆస్ట్రేలియా పర్యటనలో వేగంగా వచ్చే బంతులను ఆడడంలో గాంధీ బలహీనత బయట పడినప్పటికీ, దేశీయంగా అతని ఫామ్ స్థిరంగా ఉండేది. అతని అంతర్జాతీయ కెరీర్‌కు భారతదేశంలో మంచి ఆరంభం లభించింది. న్యూజిలాండ్‌లో సదాగోపన్ రమేష్‌తో వరుస భాగస్వామ్యాలతో గాంధీ టెస్టు సగటు 50 దాటింది. ఆస్ట్రేలియా పర్యటనలో పేలవమైన ప్రదర్శనలతో అతనిని జట్టునుండి తొలగించారు. గాంధీ రంజీ ట్రోఫీలో బెంగాల్ తరపున దేశవాళీ క్రికెట్ ఆడాడు. దులీప్ ట్రోఫీలో ఈస్ట్ జోన్ 2005-06 సీజన్ తర్వాత రిటైర్ అయ్యాడు. నార్త్ వేల్స్ క్రికెట్ లీగ్‌లో ఆడే గ్వెర్‌సిల్ట్ పార్క్ CC కోసం గాంధీ రెండు సీజన్‌లు ఆడాడు. అతను భారత క్రికెట్ జాతీయ సెలెక్టర్‌గా నియమితుడయ్యాడు. ఓపెనింగ్ బ్యాట్స్‌మెన్‌గా దేవాంగ్ గాంధీ, 4 టెస్టులు, 3 వన్‌డేలలో ఆడాడు. అంతర్జాతీయ కెరీర్ ప్రారంభంలో అతనిపై చాలా అంచనాలు ఉన్నప్పటికీ, షార్ట్ పిచ్ బౌలింగ్‌ను ఆడడంలో గాంధీ అసమర్థత కారణంగా ఎక్కువ రోజులు జట్టులో ఆడలేకపోయాడు.
1999లో మొహాలీలో న్యూజిలాండ్‌తో జరిగిన తొలి టెస్టులో అతను తొలి అంతర్జాతీయ మ్యాచ్ ఆడాడు. తొలి ఇన్నింగ్స్‌లో డకౌట్‌గా వెనుదిరిగినా, రెండో ఎస్సైలో 75 పరుగులు చేసి జట్టులో తన స్థానాన్ని సుస్థిరం చేసుకున్నాడు. సదాగోపన్ రమేష్‌తో కలిసి ఓపెనింగ్ వికెట్‌కు 137 పరుగులు జోడించాడు. రెండో టెస్టులోనూ అతని మంచి ఫామ్ కొనసాగింది. అతను గేమ్‌లో భారతదేశం తరఫున టాప్ స్కోరర్‌గా నిలిచాడు, 88, 31 నాటౌట్‌ పరుగులు చేసాడు. భారత్ ఆ మ్యాచ్‌ను 8 వికెట్ల తేడాతో గేమ్‌ను గెలుచుకుంది.
భారత్ సిరీస్‌ను 1-0తో గెలుచుకోవడం, మూడు టెస్టుల తర్వాత అతని సగటు 50కి చేరుకోవడంతో, చాలా మంది గాంధీ బలీయమైన ఓపెనర్‌గా నిలదొక్కుకున్నాడని భావించారు. న్యూజిలాండ్ సిరీస్‌లో అతను సాధించిన విజయంతో, అతను 1999-00లో ఆస్ట్రేలియా పర్యటనకు ఎంపికయ్యాడు. అయితే, ఆ పర్యటన గాంధీకి వినాశకరమైన వ్యవహారంగా మారింది.
అడిలైడ్‌లో జరిగిన మొదటి టెస్ట్ మ్యాచ్‌లో షార్ట్ బాల్‌కు వ్యతిరేకంగా అతని పేలవమైన టెక్నిక్ బైటపడింది. అతని స్కోర్‌లు 4, 0. అంతే కాకుండా, పైకి లేస్తున్న బంతిని ఆడడంలో అతనిలో ఎప్పుడూ సులువు కనబడలేదు. గ్లెన్ మెక్‌గ్రాత్ అతని బలహీనతను ఉపయోగించుకుని భారత జట్టును మొదటి నుండే ఒత్తిడిలో పెట్టాడు.
టెస్టుల తర్వాత జరిగిన ముక్కోణపు సిరీస్‌లో గాంధీ, ఆస్ట్రేలియాతో రెండు వన్డేలు ఆడాడు. అతను ఆ రెండు గేమ్‌లలో 6, 13 స్కోర్‌లు చేశాడు. మళ్లీ భారతదేశం తరపున ఆడలేదు. అతను తన కెరీర్‌లో 95 ఫస్ట్-క్లాస్ మ్యాచ్‌లు ఆడి, 42.73 సగటుతో 6111 పరుగులు చేశాడు. అతను 2006 ఏప్రిల్‌లో పదవీ విరమణ చేశాడు.
మూలాలు
మార్చు- దేవాంగ్ గాంధీ ఫస్ట్-క్లాస్ క్రికెట్ నుండి రిటైరయ్యాడు, 2006 ఏప్రిల్ 27