నగరం నిద్రపోతున్న వేళ

ప్రేమ్ రాజ్ దర్శకత్వంలో 2011లో విడుదలైన తెలుగు సినిమా

నగరం నిద్రపోతున్న వేళ, 2011 జూన్ 24న విడుదలైన తెలుగు సినిమా. గురుదేవా క్రియేషన్స్ ప్రైవేట్ లిమిటెడ్ బ్యానరులో నంది శ్రీహరి నిర్మించిన ఈ సినిమాకు ప్రేమ్ రాజ్ దర్శకత్వం వహించాడు. ఇందులో జగపతి బాబు, ఛార్మీ కౌర్, ఆహుతి ప్రసాద్ నటించగా, యశో కృష్ణ సంగీతం సమకూర్చాడు. ఈ సినిమ బాక్సాఫీస్ వద్ద పరాజయం పొందింది.[2][3]

నగరం నిద్రపోతున్న వేళ
నగరం నిద్రపోతున్న వేళ సినిమా పోస్టర్
దర్శకత్వంప్రేమ్ రాజ్
రచనప్రేమ్ రాజ్
నిర్మాతనంది శ్రీహరి
తారాగణంజగపతి బాబు
ఛార్మీ కౌర్
ఆహుతి ప్రసాద్
ఛాయాగ్రహణంలక్ష్మీ నరసింహన్
కూర్పుమార్తాండ్ కె. వెంకటేష్
సంగీతంయశో కృష్ణ
నిర్మాణ
సంస్థ
గురుదేవా క్రియేషన్స్ ప్రైవేట్ లిమిటెడ్ [1]
విడుదల తేదీ
2011 జూన్ 24 (2011-06-24)
సినిమా నిడివి
133 నిముషాలు
దేశంభారతదేశం
భాషతెలుగు

కథా సారాంశం మార్చు

ఒక తెలుగు న్యూస్ ఛానెల్‌లో పనిచేస్తున్న యువ జర్నలిస్ట్ నిహారిక, 'బోరింగ్' వార్తలను తీసుకువచ్చినందుకు ఆమె యజమాని చేత చివాట్లు తింటుంటుంది. ఆ తరువాత ఆమె కొన్ని వివాదాస్పద విషయాల కోసం వెతకడం ప్రారంభిస్తుంది. అందుకోసం ఆమె రాత్రి ఒంటరిగా హైదరాబాద్‌లోకి వెళుతుంది. తన దగ్గరున్న పెన్ కెమెరాతో ఒక రాజకీయ నాయకుడి రహస్య చర్చను షూట్ చేయడానికి నిహారిక వెలుతుంది. ఆ వీడియో బయటకు వస్తే అతని బండారం బట్టబయలు అవుతుంది. రాత్రి సమయంలో నిహారిక హైదరాబాద్ చీకటి రహస్యాలు చూడటం ప్రారంభిస్తుంది. ఆ సందర్భంలో తాగుబోతు శివరామ ప్రసాద్‌ను కలుస్తుంది. అతనితో కలిసి రాజకీయ సమస్యను పరిష్కరించడానికి ప్రయత్నిస్తుంది. అప్పుడు ఆమెకు ఎలాంటి సమస్యలు ఎదురయ్యాయి, వాటిని ఆమె ఎలా అధిగమించింది అన్నది మిగతా కథ.

నటవర్గం మార్చు

పాటలు మార్చు

Untitled

ఈ సినిమాకు యశో కృష్ణ సంగీతం సమకూర్చాడు. ఆదిత్యా మ్యూజిక్ ద్వారా పాటలు విడుదలయ్యాయి.[4]

సం.పాటపాట రచయితగాయకులుపాట నిడివి
1."నటరాజు పూజ (రచన: సుద్దాల అశోక్ తేజ)"సుద్దాల అశోక్ తేజశంకర్ మహదేవన్4:42
2."నిద్ర పోతున్నది (రచన: సుద్దాల అశోక్ తేజ)"సుద్దాల అశోక్ తేజఎస్.పి. బాలసుబ్రహ్మణ్యం5:50
3."సమరసింహ (రచన: గోరటి వెంకన్న)"గోరటి వెంకన్నగోరటి వెంకన్న5:50
4."ఎక్కడి దాకా (రచన: అనంత శ్రీరామ్)"అనంత శ్రీరామ్హరిహరన్, హరిణి5:45
5."మా మమ్మీ (రచన: భాస్కరభట్ల రవికుమార్)"భాస్కరభట్ల రవికుమార్రంజిత్, సుచిత్ర5:06
6."అక్షరానికి (రచన: సుద్దాల అశోక్ తేజ)"సుద్దాల అశోక్ తేజవందేమాతరం శ్రీనివాస్4:31
మొత్తం నిడివి:31:58

మూలాలు మార్చు

  1. "Titles". FilmiB.
  2. "Heading-2". Gulte.com.
  3. "Heading-3". 123Telugu.
  4. "Songs". Raaga.

బయటి లింకులు మార్చు