నిమ్మకాయల చిన్న రాజప్ప

(నిమ్మకాయల చినరాజప్ప నుండి దారిమార్పు చెందింది)

నిమ్మకాయల చినరాజప్ప ఆంధ్రప్రదేశ్ రాష్ట్రానికి చెందిన రాజకీయ నాయకుడు, తెలుగు దేశం పార్టీ సభ్యుడు. అతను 2019 జూన్ 2 నుండి జూన్ 2019 వరకు ఆంధ్రప్రదేశ్ లో ఉపముఖ్యమంత్రిగా, హోం మంత్రిగా భాద్యతలు నిర్వహించాడు. [1] 2014 సార్వత్రిక ఎన్నికలలో పెద్దాపురం శాసనసభా నియోజకవర్గం నుండి శాసనసభ్యునిగా గెలుపొందాడు. 2007-2013 మధ్య శాసనమండలిసభ్యుడిగా ఉన్నాడు. అతను తెలుగుదేశం పార్టీ ఆవిర్భావం నుంచి పార్టీలో కొనసాగుతూ అంచెలంచెలుగా ఎదుగుతూ మంత్రి స్థాయికి చేరాడు. 2004-2006 మినహా 1989 నుంచి ఇప్పటివరకు తూర్పుగోదావరి జిల్లా టీడీపీ అధ్యక్ష పదవిలో కొనసాగుతున్నాడు[2][3][4] [5]

నిమ్మకాయల చినరాజప్ప
మాజీ హోం & ఉప ముఖ్యమంత్రి, ఆంధ్రప్రదేశ్
In office
8 జూన్ 2014 – జూన్ 2019
అంతకు ముందు వారుపంతం గాంధీ మోహన్
నియోజకవర్గంపెద్దాపురం నియోజకవర్గం
శాసనమండలి సభ్యుడు
In office
15 అక్టోబరు 2007 – ఏప్రిల్ 2019
వ్యక్తిగత వివరాలు
జననం (1953-10-01) 1953 అక్టోబరు 1 (వయసు 70)
అమలాపురం, తూర్పు గోదావరి జిల్లా
రాజకీయ పార్టీతెలుగుదేశం పార్టీ
నివాసంDr. No. 2-120, పెదగాడవిల్లి, ఉప్పలగుప్తం మండలం, తూర్పు గోదావరి జిల్లా
వెబ్‌సైట్http://chinarajappa.com
2017లో ఆంధ్ర విశ్వవిద్యాలయ పూర్వ విద్యార్థుల సంఘం 3వ వార్షిక సమావేశంలో ఉపాధ్యక్షుడు ఎం. వెంకయ్య నాయుడుతో పాటు ఆంధ్రప్రదేశ్ ఉప ముఖ్యమంత్రి ఎన్. చినరాజప్ప, డాక్టర్ కామినేని శ్రీనివాస్, గంటా శ్రీనివాస రావు ఇతర ప్రముఖులు

జీవిత విశేషాలు మార్చు

నిమ్మకాయల చినరాజప్ప 1953, అక్టోబరు 1వ తేదీన వెంకట రంగయ్య, కొండమ్మ దంపతులకు జన్మించాడు. రాజప్ప జన్మస్థలం పెదగాడవల్లి, ఉప్పలగుప్తం మండలం, కోనసీమ జిల్లా. రాజప్పకు భార్య, ఒక కుమార్తె, ఒక కుమారుడు ఉన్నారు. సాధారణ రైతు కుటుంబంలో పుట్టిన రాజప్ప తన తండ్రి నుండి వారసత్వంగా వచ్చిన వ్యవసాయాన్ని కొనసాగిస్తూ, ఎం.ఏ వరకూ చదివివాడు. తరువాత 1983లో స్వర్గీయ నందమూరి తారక రామారావు స్థాపించిన తెలుగుదేశం పార్టీలో చేరి క్రియాశీలక సభ్యునిగా కొనసాగాడు. 1986 లో తూర్పుగోదావరి జిల్లా పార్టీ ఉపాధ్యక్షునిగా ఎన్నికయ్యాడు. 1987 లో ఉప్పలగుప్తం మండలం ఎమ్.పి.పి.గా ఎన్నికై మండలాన్ని జిల్లాలోనే ఉత్తమ మండలంగా తీర్చి దిద్దిన ఘనత వహించాడు. 1992లో తూర్పుగోదావరి జిల్లా తెలుగుదేశం పార్టీ అధ్యక్షునిగా ఎన్నికై 2014 వరకూ సుదీర్ఘ కాలం ఆ పదవిలో కొనసాగి తన సమర్థతను నిరూపించుకున్నాడు. 1995లో ఆంధ్రప్రదేశ్ రాష్ట్ర మెడికల్ అండ్ హెల్త్ ఛైర్మన్ గా, 1998 లో సివిల్ సప్లైస్ ఛైర్మన్ గా, 2001లో కెనరా బ్యాంక్ డైరెక్టర్ గా వివిధ పదవులను అధిరోహించి ఆయా సంస్థలను సమర్థవంతంగా పాలించాడు. 2007 నుండి 2013 వరకూ ఎమ్మెల్సీగా కూడా పనిచేశాడు. 2014 సాధారణ ఎన్నికలలో పార్టీ అధ్యక్షుడు చంద్రబాబు అదేశానుసారం మెట్ట ప్రాంతమైన పెద్దాపురం నియోజకవర్గం నుండి పోటీ చేసి భారీ ఆధిక్యంతో గెలుపొందాడు. విశ్వసనీయతకు మారుపేరుగా సాధారణ కార్యకర్త స్థాయి నుండి అనేక పదవులు చేపట్టి పార్టీ జయాపజయాలలో కీలక పాత్ర పోషించిన రాజప్ప మొదటి నుండి పార్టీ సిద్దాంతాలకు కట్టుబడి పనిచేసాడు. రాజప్ప విశ్వనీయత, సమర్ధతే ఆయనకు మొదటిసారి ప్రత్యక్ష ఎన్నికలలో భారీ విజయాన్ని అదించడంతో పాటు అదినేత నుండి ప్రశంసలనూ కురిపించింది.

దీంతో పాటే అతనిని నవ్యాంధ్రప్రదేశ్ మొదటి ప్రభుత్వంలో రెండు కీలక పదవులు వరించాయి. రాష్ట్ర ఉపముఖ్యమంత్రిగా, హోంమంత్రిగా, విపత్తు నివారణ శాఖా మాత్యులుగా కీలక పదవులు లభించాయి. కోనసీమ ముద్దుబిడ్డగా, కీ.శే. బాలయోగి రాజకీయ వారసుడిగా కోనసీమతో పాటు తనకు ఇంతటి విజయాన్ని అందించిన పెద్దాపురం నిజయక వర్గం కూడా అన్ని రంగాలలో ముందుకు నడిపిస్తాను అని ఇచ్చిన మాటకు... తనదైన శైలిలో ముందుకు దూసుకుపోతున్నారు. తనకు రాజకీయ భవిష్యత్తు ఇచ్చింది కోనసీమ అయితే ఎక్కడ నుండో వచ్చి ఇక్కడ పోటీ చేసిన తనను గుండెల్లో పెట్టుకుని భారీ విజయాన్ని అందించిన పెద్దాపురం నియోజకవర్గం ప్రజలకు జీవితాంతం రుణపడి ఉంటానని అన్నప్పుడు ఆయన వినమ్రత, ఎంత ఎదిగినా ఒదిగి ఉండే గుణం కనిపిస్తుంది. రాష్ట్ర హోంమంత్రి అయినా తనకు ఇంతటి విజయాన్ని అందించిన పెద్దాపురంలో మాత్రం రాజప్ప సాధారణ శాసనసభ్యుని వలె మెలుగుతూ అందరినీ ఎంతో ఆప్యాయతతో పలుకరిస్తాడు.

మూలాలు మార్చు

  1. "Council of Ministers of Andhra Pradesh". Archived from the original on 12 జూన్ 2014. Retrieved 11 June 2014.
  2. సాక్షి దినపత్రిక - 9-6-2014
  3. ":: Council of Ministers ::". www.aponline.gov.in. Archived from the original on 8 October 2013. Retrieved 22 December 2015.
  4. "Kapus Elated Over Rajappa Becoming Dy CM". The New Indian Express. Rajahmundry. 10 June 2014. Archived from the original on 23 డిసెంబర్ 2015. Retrieved 22 December 2015. {{cite news}}: Check date values in: |archive-date= (help)
  5. "Council of Ministers of Andhra Pradesh". Archived from the original on 10 జూన్ 2018. Retrieved 11 June 2014.