పి.ఎస్.నారాయణస్వామి

పులియూర్ సుబ్రమణియం నారాయణస్వామి ( 1934 ఫిబ్రవరి 24 – 2020 అక్టోబరు 16) ఒక కర్ణాటక సంగీత గాత్ర విద్వాంసుడు.

పులియూర్ సుబ్రమణియం నారాయణస్వామి
PSN.jpg
పి.ఎస్.నారాయణస్వామి
వ్యక్తిగత సమాచారం
జననం(1934-02-24)1934 ఫిబ్రవరి 24
అనతాండవపురం, మయిలదుత్తురై,
మద్రాసు ప్రెసిడెన్సీ, బ్రిటీషు ఇండియా
మరణం2020 అక్టోబరు 16(2020-10-16) (వయస్సు 86)
సంగీత శైలికర్ణాటక సంగీతం
వృత్తిగాయకుడు
వెబ్‌సైటుhttps://www.psnarayanaswamy.org/

జీవిత విశేషాలుసవరించు

ఇతడు తమిళనాడు లోని అనతాండవపురం గ్రామంలో పి.ఎన్.సుబ్రమణియన్, మధురాంబాళ్ దంపతులకు 1934, ఫిబ్రవరి 24న జన్మించాడు. ఇతని తండ్రి వృత్తి రీత్యా వైద్యుడైనప్పటికీ సంగీతం పట్ల అభిరుచి మెండుగా ఉండేది.

ఇతడు వసంత నారాయణస్వామిని వివాహాం చేసుకున్నాడు. ఈ దంపతులకు లక్ష్మి, మైథిలి, ఉమ అనే ముగ్గురు కుమార్తెలు కలిగారు. ఇతని మనుమరాలు మనస్విని గాయనిగా పేరు గడించింది.

వృత్తిసవరించు

ఇతడు ముదికొండన్ వెంకట్రామ అయ్యర్, తిరుప్పంబరం సోమసుందరం పిళ్ళై, టి.ఎం.త్యాగరాజన్, సెమ్మంగుడి శ్రీనివాస అయ్యర్‌ల వద్ద గాత్ర సంగీతం నేర్చుకున్నాడు. ఇతడు కుంభకోణం రాజమణి శాస్త్రి వద్ద వీణావాదన నేర్చుకున్నాడు. ఇతడు సంగీతగురువుగా ప్రశంసలను పొందాడు.[1]

ఇతడు తన 12వ యేట "బాల గాన కళారత్నం" బిరుదును పొందాడు. ఇతడు ఆకాశవాణిలో పనిచేశాడు.[2] 1999లో మద్రాసు సంగీత అకాడమీ ఇతనికి "సంగీత కళాచార్య" బిరుదును ఇచ్చింది.[3] 2003లో భారత ప్రభుత్వం మూడవ అత్యున్నత పౌరపురస్కారం పద్మభూషణ్‌తో సత్కరించింది.[1][4][5][6] కేంద్ర సంగీత నాటక అకాడమీ 2005లో కర్ణాటక సంగీతం - గాత్రం విభాగంలో సంగీత నాటక అకాడమీ అవార్డును ప్రదానం చేసింది.

ఇతడు తన 87వ యేట 2020, అక్టోబరు 16న చెన్నై, మైలాపూర్‌లోని తన స్వగృహంలో మరణించాడు.[7]

మూలాలుసవరించు

  1. 1.0 1.1 "Saluting a great teacher". The Hindu. 20 February 2014. Retrieved 26 August 2015.
  2. "Musician-teacher par excellence". The Hindu. 13 June 2003. Archived from the original on 19 నవంబర్ 2004. Retrieved 26 August 2015. {{cite web}}: Check date values in: |archive-date= (help)
  3. "Sangita Kala Acharya". The Music Academy. Retrieved 25 February 2019.
  4. "Kalam presents Padma awards". Rediff. 3 April 2003. Retrieved 26 August 2015.
  5. "Words of wisdom from a vidwan!". Narayana Vishwanath. New Indian Express. 10 December 2011. Retrieved 26 August 2015.
  6. "Vocalist, dance exponent honoured". The Hindu. 15 December 2005. Retrieved 26 August 2015.
  7. SPECIAL CORRESPONDENT. "Carnatic vocalist P.S. Narayanaswamy dead". The Hindu. No. 17 October 2020. Retrieved 25 February 2021.

బయటి లింకులుసవరించు