బాబ్జీ

బాబ్జీ ప్రముఖ తెలుగు చలనచిత్ర దర్శకుడు, నటుడు రచయిత, నిర్మాత.

బాబ్జీ
జననం	(1966-04-25)1966 ఏప్రిల్ 25 పెద్ద దోర్నాల, ప్రకాశం జిల్లా, భారతదేశం
వృత్తి	చలనచిత్ర దర్శకుడు, నటుడు
జీవిత భాగస్వామి	శ్రీకళ
పిల్లలు	అఖిల్ సన్నీ, కమల్

జననం - విద్యాభ్యాసం

బాబ్జీ 1966, ఏప్రిల్ 25న సబాహు బాబు, పార్వతీదేవి దంపతులకు ప్రకాశం జిల్లా, పెద్ద దోర్నాల గ్రామంలో జన్మించాడు. ప్రకాశం జిల్లాలోని బెస్తవారిపేట, గిద్దలూరు, పొదిలి, ఎర్రగొండపాలెం, మార్కాపురంలో బాబ్జీ విద్యాభ్యాసం సాగింది. బి.యస్సీ. వరకు చదువుకున్నాడు.

వివాహం - పిల్లలు

శ్రీకళతో బాబ్జీ వివాహం జరిగింది. వీరికి ఇద్దరు కుమారులు (అఖిల్ సన్నీ, కమల్)

సినిమారంగ ప్రస్థానం

తాత, నాన్న కమ్యూనిస్టు పార్టీ లో పనిచేయడంతో, బాబ్జీకి చిన్నప్పటిపుండే కమ్యూనిస్టు భావాలు ఉండేవి. నేను స్కూల్‌లో ఉన్నప్పుడే శ్రీశ్రీ మహాప్రస్థానం చదవి ఉత్తేజితుడై, ఆ స్ఫూర్తితో సామాజిక అంశాలపై పాటలు రాశాడు. స్టూడెంట్‌గా ఉన్నప్పుడే ఎస్‌ఎఫ్‌ఐలో కీలక బాధ్యతలు నిర్వహిస్తూ, ప్రజలను చైతన్య పరిచేందుకు ప్రజానాట్యమండలిలో చేరాడు. బాబ్జీ రాసిన పాటల్లో వంద వరకూ పాపులర్ అయ్యాయి.

చిన్నప్పటినుంచే బాబ్జీకి సినిమాలంటే ఇష్టం ఉండేది. మాదాల రంగారావు సినిమాలు చూసి ప్రభావితుడయ్యేవాడు. దర్శకుడిగా కాకముందు అనేక సినిమాలకు రచయతగా పనిచేవాడు. 1997లో స్వీయ దర్శకత్వంలో నల్లపూసలు, 2000లో ఎన్.టి.ఆర్.నగర్, 2016లో రఘుపతి వెంకయ్య నాయుడు సినిమాలు తీశాడు.

దర్శకత్వం

1. నల్లపూసలు (1997)
2. ఎన్.టి.ఆర్.నగర్ (2000)
3. రఘుపతి వెంకయ్య నాయుడు (2016)

అవార్డులు - పురస్కారాలు

1. నల్లపూసలు చిత్రానికి ఉత్తమ నూతన దర్శకుడిగా బంగారు నంది బహుమతి తోపాటు వంశీ బర్కిలీ అవార్డ్స్, భరతముని నాలుగు అవార్డులు, మహానటి సావిత్రి అవార్డులు, చైతన్యకళా వేదిక అవార్డులతో కలిపి మొత్తం 39 అవార్డులు వచ్చాయి.
2. ఎన్.టి.ఆర్.నగర్ చిత్రం దక్షిణ భారతదేశం లోని ప్రముఖ హీరోల డూప్‌లనే హీరోలుగాచేసి తీసిన తొలి సినిమా ఇదే. భరతముని దశాబ్దపు ఉత్తమ ప్రయోగాత్మక చిత్ర దర్శకుడు అవార్డుతోపాటు మొత్తం 18 అవార్డులు వచ్చాయి.