మహారాష్ట్ర క్రికెట్ అసోసియేషన్ స్టేడియం
మహారాష్ట్ర క్రికెట్ అసోసియేషన్ స్టేడియం (పాత పేరు : సుబ్రతా రాయ్ సహారా స్టేడియం) పూణే నగరానికి సమీపంలో ఉన్న క్రికెట్ స్టేడియం. పూణేకి వాయవ్యంగా 28 కి.మీ దూరంలో గహుంజే గ్రామానికి సమీపంలో ముంబై-పూణే ఎక్స్‌ప్రెస్‌వే వైపున 2012 ఏప్రిల్‌లో దీన్ని నిర్మించారు. ఇది మహారాష్ట్ర క్రికెట్ అసోసియేషన్ యాజమాన్యంలో, నిర్వహణలో ఉంది. ఇది మహారాష్ట్ర క్రికెట్ జట్టు, మహారాష్ట్ర మహిళా క్రికెట్ జట్టులకు హోమ్ గ్రౌండ్, మహారాష్ట్ర క్రికెట్ అసోసియేషన్ (MCA) ప్రధాన కార్యాలయం. దీని సామర్థ్యం 37,406.ఈ గ్రౌండ్‌లోని ఆడిటోరియంలో ఏ సీటు నుంచి చూసినా మైదానం మొత్తం కనిపించేలా డిజైన్ చేశారు. మైదానంలో ఇసుక నేలను వేసి గడ్డి వేయటం వలన ఎంత వర్షం కురిసినా నిమిషాల వ్యవధిలోనే నీరు ఇంకిపోయి మళ్లీ త్వరగా ఆడేందుకు రంగం సిద్ధమవుతుంది. రాత్రిపూట పోటీలను నిర్వహించడానికి ఇక్కడ ఫ్లడ్‌లైట్లను అమర్చారు.[5]
| MCA స్టేడియం | |
 MCA స్టేడియం దృశ్యం | |
| మైదాన సమాచారం | |
|---|---|
| ప్రదేశం | గహుంజే, పూణే, మహారాష్ట్ర, భారతదేశం |
| భౌగోళికాంశాలు | 18°40′28″N 73°42′24″E / 18.67444°N 73.70667°E |
| హోమ్ క్లబ్ | |
| స్థాపితం | 2012[1] |
| సామర్థ్యం (కెపాసిటీ) | 37,406[2] |
| యజమాని | మహారాష్ట్ర క్రికెట్ అసోసియేషన్ |
| వాస్తుశిల్పి | మైఖేల్ హాప్కిన్స్,[1] Hopkins Architects[3] |
| కాంట్రాక్టరు | M/S Shapoorji Pallonji & Co. Ltd[4] |
| ఆపరేటర్ | మహారాష్ట్ర క్రికెట్ అసోసియేషన్ |
| వాడుతున్నవారు | మహారాష్ట్ర క్రికెట్ జట్టు మహారాష్ట్ర మహిళల క్రికెట్ జట్టు భారత క్రికెట్ జట్టు భారత మహిళా క్రికెట్ జట్టు పుణె వారియర్స్ ఇండియా (2012– 2013) కింగ్స్ XI పంజాబ్ (2015) రైజింగ్ పూణే సూపర్‌జెయింట్ (2016–2017) చెన్నై సూపర్ కింగ్స్ (2018-2019) |
| ఎండ్‌ల పేర్లు | |
| పెవిలియన్ ముగింపు హిల్ ఎండ్ | |
| అంతర్జాతీయ సమాచారం | |
| మొదటి టెస్టు | 2017 23-25 ఫిబ్రవరి: భారతదేశం v  ఆస్ట్రేలియా |
| చివరి టెస్టు | 2019 10-13 అక్టోబర్: భారతదేశం v మూస:Country data దక్షిణ ఆఫ్రికా |
| మొదటి ODI | 2013 13 అక్టోబర్: భారతదేశం v ఆస్ట్రేలియా |
| చివరి ODI | 202128 మార్చి: భారతదేశం v మూస:Country data ఇంగ్లండ్ |
| మొదటి T20I | 2012 20 డిసెంబర్: భారతదేశం v మూస:Country data ఇంగ్లండ్ |
| చివరి T20I | 2023 5 జనవరి: భారతదేశం v మూస:Country data శ్రీలంక |
| 2023 5 జనవరి నాటికి Source: Ground Info | |
చరిత్ర
మార్చుపుణెలోని నెహ్రూ స్టేడియంలో మ్యాచ్‌ల టిక్కెట్ల పంపిణీపై పుణె మున్సిపల్ కార్పొరేషన్, మహారాష్ట్ర క్రికెట్ అసోసియేషన్ మధ్య వివాదం ఏర్పడింది. భారతదేశంలో ఇండియన్ ప్రీమియర్ లీగ్‌కు పెరుగుతున్న ప్రజాదరణను పరిగణనలోకి తీసుకుని, క్రికెట్ అసోసియేషన్ కొత్త స్టేడియాన్ని నిర్మించాలని నిర్ణయించింది. ఈ స్టేడియం కోసం ముంబై-పూణే ఎక్స్‌ప్రెస్‌వే వెంబడి పూణే వెలుపల గహుంజే గ్రామానికి సమీపంలో ఉన్న స్థలాన్ని ఎంపిక చేశారు. స్టేడియం నిర్మాణ వ్యయం ₹ 150 కోట్లు. నిర్మాణంలో చాలా భాగం పూర్తయింది, అయితే చివరి దశ నిర్మాణం ఇంకా పూర్తి కాలేదు. ఈ అరేనాను బ్రిటిష్ ఆర్కిటెక్ట్ సర్ మైఖేల్ హాప్కిన్స్ రూపొందించారు. 2001 ఏప్రిల్ 1 న అప్పటి ఐ.సి.సి అధ్యక్షుడు, కేంద్ర వ్యవసాయ శాఖ మంత్రి శరద్ పవార్ కొత్త స్టేడియాన్ని ప్రారంభించారు. సుబ్రతా రాయ్ యొక్క సహారా ఇండియా పరివార్ 2013 లో ఈ స్టేడియం పేరు హక్కులు కొనుగోలు చేసింది. స్టేడియానికి సుబ్రతా రాయ్ సహారా స్టేడియం అని పేరు పెట్టారు. ఐపీఎల్‌లో సహారా పూణే వారియర్స్ జట్టుకు ఇది హోమ్ గ్రౌండ్.
2013లో పూణె వారియర్స్ జట్టుపై నిషేధం విధించడంతో పాటు సహారా పరివార్ ఆర్థిక సంక్షోభంలో కూరుకుపోవడంతో ఈ స్టేడియం వినియోగం తగ్గింది. సహారా నుండి అంగీకరించిన రెమ్యునరేషన్ రాకపోవడంతో, అసోసియేషన్ ఈ స్టేడియాన్ని మళ్లీ మహారాష్ట్ర క్రికెట్ అసోసియేషన్ స్టేడియంగా పేరు మార్చింది.
2015 ఇండియన్ ప్రీమియర్ లీగ్‌లో కింగ్స్ ఎలెవన్ పంజాబ్ జట్టు ఆడిన కొన్ని మ్యాచ్‌లు ఇక్కడ జరిగాయి.[6].మహిళల టీ20 ఛాలెంజ్ 2022 ఇక్కడ జరిగాయి.[7] మహారాష్ట్ర ప్రీమియర్ లీగ్ (MPL) ప్రారంభ సీజన్‌ ఇక్కడే జరిగింది. ఈ లీగ్‌ను మహారాష్ట్ర క్రికెట్ అసోసియేషన్ నిర్వహిస్తుంది, ఇందులో 6 జట్లు ఉన్నాయి.
అంతర్జాతీయ క్రికెట్
మార్చు2012–13 సీజన్‌లో ఇంగ్లండ్ భారతదేశంలో పర్యటించినపుడు జరిగిన ట్వంటీ 20, ఇక్కడ జరిగిన మొదటి అంతర్జాతీయ ఆట. అప్పటి నుంచి అనేక అంతర్జాతీయ మ్యాచ్‌లకు ఈ స్టేడియం వేదికగా నిలిచింది. మొదటి వన్డే ఇంటర్నేషనల్ భారత ఆస్ట్రేలియాల మధ్య 2013 అక్టోబరులో జరిగింది. ఈ స్టేడియంలో మొదటి టెస్ట్ మ్యాచ్, భారత ఆస్ట్రేలియాల మధ్య 2017 ఫిబ్రవరిలో జరిగింది.
2023 క్రికెట్ ప్రపంచ కప్ ప్రపంచ కప్‌లో 5 ఆటలకు ఆతిథ్యం ఇవ్వడానికి మహారాష్ట్ర క్రికెట్ అసోసియేషన్ స్టేడియాన్ని ఎంపిక చేసారు.
మూలాలు
మార్చు- ↑ 1.0 1.1 "Maharashtra Cricket Association Stadium, Pune: History, Pitch Report, Average Score, ODI, T20I, Test Match, IPL Records, Stats | Cricket News – India TV". 2 April 2018.
- ↑ "MCA's International Stadium, Gahunje". 27 March 2021. Archived from the original on 12 నవంబరు 2021. Retrieved 3 ఆగస్టు 2023.
- ↑ "MCA Pune International Cricket Centre". Hopkins. Archived from the original on 23 ఏప్రిల్ 2012. Retrieved 3 May 2012.
- ↑ http://www.cricketmaharashtra.com/MCA[permanent dead link] stadium.html
- ↑ "Maharashtra Cricket Association Stadium - Cricket Ground in Pune, India". ESPNcricinfo (in ఇంగ్లీష్). Retrieved 2023-08-03.
- ↑ "టాప్ టీమ్స్ మధ్య పోటాపోటీ పోరు.. టాస్ గెలిచిన హార్ధిక్ పాండ్యా". Samayam Telugu. Retrieved 2023-08-03.
- ↑ "తొలి మ్యాచ్‌లో తలపడనున్న ట్రైల్‌బ్లేజర్స్‌,సూపర్‌నోవాస్‌." Sakshi. 2022-05-23. Retrieved 2023-08-03.