రమణీయం
ఎ.యస్. రామశాస్త్రి వ్రాసిన తెలుగు కథల పుస్తకం రమణీయం . అనామకుడు అనే కలం పేరుతొ వ్రాసాడు. ఈ పుస్తకంలో ఆలుమగల దాంపత్య కాలచక్రం గురించి కవి రమణీయంగా వివరించాడు. ఏడాదికి ఆరు ఋతువులు వున్నట్టే ఆలుమగల దాంపత్య కాలచక్రంలోనూ వుంటాయని, పెళ్ళి, సంతోషం, సంసారం, సంగరం, సంతానం, సంతృప్తి అనే మజిలీల మీదుగా - కామం పెరిగి, విరిగి, తరిగి నిష్కామభరితమైన స్నేహంగా, ప్రేమగా యెలా పరివర్తనం చెందుతుందో కవి మనకు ఈ పుస్తకం ద్వారా చెప్పాడు. నిన్న కన్న బిడ్డ ఇవాళ పిల్లలవుతారు, ఇవ్వాల పిల్లలు - రేపటికి తల్లిదండ్రులు, ఎల్లుండికి తాతలూ, అవ్వలూ అవుతారు కవి మనకు రమణీయంలో ఈ కాలచక్రాన్ని సీత, రామం పాత్రల రూపంలో మనకు కళ్లకు కట్టినట్లు రమణీయంగా చెప్పాడు.
కథా విశేషం
మార్చుసీతారాముళ్లనే బావమరదళ్ల - ధరిమిలా ఆలూమగళ్ల - ఆ పైన తల్లీతండ్రుళ్ల - ఆ పిమ్మట అవ్వాతాతళ్ల కథలివి, వీళ్ళందరూ కలిపి ఇద్దరే (సీత, రామం). ప్రేమలో పడడం, పెళ్లాడడం, కామించడం, రెచ్చిపోవడం, అలిసి పోవడం, క్రమంగా కోరికలు వెలిసి పోవడం, కలుపు గడ్డి కల్పవృక్షంలా కనబడడం, తేలిగ్గా నాలిక్కరుచుకోవడం, నవ్వుకోవడం ఇదే ఈ పుస్తకంలోని కథల తాత్పర్యం!
కథాక్రమం
మార్చుఈ పుస్తకంలోని కథలు ఈ క్రింది విదంగా వుంటాయి
- రమణీయం
- అంకురం
- ఓ దశాబ్దం
- మధురం..... మధురం.....
- చతుర్దాంకం
- అవునా?
- అలిగిన వేళ
- వానప్రస్థం
ముద్రణ వివరాలు
మార్చురమణీయం మొదటి ముద్రణ 2008 జనవరిలొ బాపు, ముల్లపూడి వెంకటరమణ చేతుల మీదుగా వాహిని బుక్ ట్రస్ట్ వారి ఆర్థిక సహాయంతో విడుదలైంది. దీనికి ముఖపత్ర పేజి విన్యాసం చేసినది, బొమ్మలు గీసినది బాపు.