వసీం అక్రమ్‌ పాకిస్తాన్ మాజీ క్రికెట్ ఆటగాడు, టెలివిజన్ వ్యాఖ్యాత. క్రికెట్ చరిత్రలో తనకంటూ ఒక ప్రత్యేక స్థానాన్ని వసీం అక్రమ్‌ సంపాదించుకున్నాడు. 17 ఏళ్ల తన క్రీడాజీవితంలో మేటి పేస్‌ బౌలర్లలో ఒకడిగా ఖ్యాతి గడించాడు. క్రికెట్ నుంచి తప్పుకున్న తర్వాత కోచ్‌గా, కామెంటేటర్‌గా, మోడల్‌గానూ బహుముఖ పాత్రల్లో రాణిస్తున్నాడు. వ్యక్తిగత జీవితంలోనూ ప్రత్యేకమైన వ్యక్తినని చాలాసార్లే ప్రూవ్‌ చేసుకున్నాడు వసీం అక్రమ్. క్యాన్సర్ వ్యాధితో అతడి భార్య హ్యూమా 2009 అక్టోబ‌రులో చెన్నైలోని ఓ ఆస్పత్రిలో మ‌ర‌ణించింది. అప్పటి నుంచి అక్రమ్ ఒంట‌రి గానే కాలం గడుతున్నాడు.[1][2][3][4][5][6][7]

వసీం అక్రమ్
وسیم اکرم
2018 లో వసీమ్‌ అక్రమ్‌
వ్యక్తిగత సమాచారం
పూర్తి పేరు
వసీం అక్రమ్
పుట్టిన తేదీ (1966-06-03) 1966 జూన్ 3 (వయసు 58)
లాహోర్, పంజాబ్, పశ్చిమ పాకిస్తాన్
మారుపేరువాజ్, స్వింగ్ సుల్తాన్, వకార్‌తో కలిపి టు డబ్ల్యూస్, కింగ్ ఆఫ్ స్వింగ్
ఎత్తు1.88 మీ. (6 అ. 2 అం.)
బ్యాటింగుఎడమచేతి వాటం
బౌలింగుఎడమచేతి ఫాస్ట్
పాత్రఆల్ రౌండరు
అంతర్జాతీయ జట్టు సమాచారం
జాతీయ జట్టు
తొలి టెస్టు (క్యాప్ 102)1985 జనవరి 25 - న్యూజిలాండ్ తో
చివరి టెస్టు2002 జనవరి 9 - బంగ్లాదేశ్ తో
తొలి వన్‌డే (క్యాప్ 53)1984 నవంబరు 23 - న్యూజిలాండ్ తో
చివరి వన్‌డే2003 మార్చి 1 - ఇండియా తో
వన్‌డేల్లో చొక్కా సంఖ్య.3
దేశీయ జట్టు సమాచారం
YearsTeam
2003హాంప్‌షైర్ కౌంటీ క్రికెట్ క్లబ్
1992–2002పాకిస్థాన్ ఇంటర్నేషనల్ ఎయిర్‌లైన్స్ క్రికెట్ జట్టు
1988–1998లాంకషైర్ కౌంటీ క్రికెట్ క్లబ్
1985–1987; 1997-1998, 2000-2001లాహోర్
1984–1986పాకిస్తాన్ ఆటోమొబైల్స్ కార్పొరేషన్ క్రికెట్ జట్టు
కెరీర్ గణాంకాలు
పోటీ టెస్టులు వన్‌డే ఫ.క్లా లి ఎ
మ్యాచ్‌లు 104 356 257 594
చేసిన పరుగులు 2898 3717 7161 6993
బ్యాటింగు సగటు 22.64 16.52 22.73 18.90
100లు/50లు 3/7 0/6 7/24 0/17
అత్యుత్తమ స్కోరు 257* 86 257* 89*
వేసిన బంతులు 22627 18186 50278 29719
వికెట్లు 414 502 1042 881
బౌలింగు సగటు 23.62 23.52 21.64 21.91
ఒక ఇన్నింగ్సులో 5 వికెట్లు 25 6 70 12
ఒక మ్యాచ్‌లో 10 వికెట్లు 5 0 16 0
అత్యుత్తమ బౌలింగు 7/119 5/15 8/30 5/10
క్యాచ్‌లు/స్టంపింగులు 44/0 88/0 97/0 147/0
మూలం: ESPNCricinfo, 2012 ఏప్రిల్ 4

అక్రమ్ అన్ని కాలాలలోనూ అత్యుత్తమ ఫాస్ట్ బౌలర్లలో ఒకరిగా, అలాగే క్రికెట్ చరిత్రలో గొప్ప ఎడమచేతి వాటం ఫాస్ట్ బౌలర్లలో ఒకడిగా పరిగణించబడ్డాడు. అతను తరచుగా ది సుల్తాన్ ఆఫ్ స్వింగ్గా గౌరవిస్తారు. 2013 అక్టోబరులో, విస్డెన్ క్రికెటర్స్ అల్మానాక్ వారి 150వ వార్షికోత్సవాన్ని పురస్కరించుకుని ఆల్-టైమ్ టెస్ట్ వరల్డ్ XIలో స్థానం పొందిన ఏకైక పాకిస్థానీ క్రికెటర్ వసీం అక్రమ్. కెప్టెన్‌గా, అతను 1999 క్రికెట్ ప్రపంచ కప్‌లో పాకిస్తాన్‌ను ఫైనల్స్‌కు తీసుకెళ్లాడు, అక్కడ వారు ఆస్ట్రేలియాతో 8 వికెట్ల తేడాతో ఓడిపోయారు.

వసీం గణనీయమైన పేస్‌తో బౌలింగ్ చేయగల లెఫ్టార్మ్ ఫాస్ట్ బౌలరు. 881 వికెట్లతో లిస్ట్ A క్రికెట్‌లో అత్యధిక వికెట్లు తీసిన ప్రపంచ రికార్డు అతని పేరిట ఉంది. వన్డే వికెట్ల పరంగా మొత్తం 502 వికెట్లతో శ్రీలంక ఆఫ్ స్పిన్ బౌలర్ ముత్తయ్య మురళీధరన్ తర్వాత రెండో స్థానంలో ఉన్నాడు. రివర్స్ స్వింగు వ్యవస్థాపకులలో ఒకడిగా, రివర్స్ స్వింగ్ బౌలింగ్‌లో అత్యుత్తమ బౌలరుగా అతన్ని పరిగణిస్తారు.[8]

వన్ డే క్రికెట్‌లో 500 వికెట్లు తీసుకున్న మొదటి బౌలరు వసీమ్. 2003 ప్రపంచ కప్ సమయంలో ఆ రికార్డు సాధించాడు. 2002లో, విజ్డెన్ విడుదల చేసిన ఆల్ టైమ్ అత్యుత్తమ ఆటగాళ్ల జాబితాలో వసీం 1223.5 రేటింగ్‌తో వన్‌డేల్లో ఆల్ టైమ్ అత్యుత్తమ బౌలర్‌గా ర్యాంక్ పొందాడు. అలెన్ డోనాల్డ్, ఇమ్రాన్ ఖాన్, వకార్ యూనిస్, జోయెల్ గార్నర్, గ్లెన్ మెక్‌గ్రాత్, మురళీధరన్ ల కంటే ముందున్నాడు.[9] వసీమ్ ఆడిన 356 వన్‌డే మ్యాచ్‌లలో 23 సార్లు నాలుగు-వికెట్ల పంట సాధించాడు.[8] 2009 సెప్టెంబరు 30 న ICC క్రికెట్ హాల్ ఆఫ్ ఫేమ్‌లోకి ప్రవేశించిన ఐదుగురు కొత్త సభ్యులలో అక్రమ్ ఒకడు.[10][11] అతను కోల్‌కతా నైట్ రైడర్స్‌కు బౌలింగ్ కోచ్.[12] అయితే, అతను కరాచీలో కుటుంబంతో ఎక్కువ సమయం గడపాల్సిన అవసరం ఉందని పేర్కొంటూ, IPL 6 లో ఆ పదవి నుండి విరామం తీసుకున్నాడు.[13] అతని స్థానంలో లక్ష్మీపతి బాలాజీని తీసుకున్నారు.

అంతర్జాతీయ కెరీర్

మార్చు

టెస్టు క్రికెట్

మార్చు

అక్రమ్ 1985లో న్యూజిలాండ్‌పై పాకిస్తాన్ తరపున టెస్టు క్రికెట్‌లోకి అడుగుపెట్టాడు.[14] తన రెండవ టెస్ట్ మ్యాచ్‌లో 10 వికెట్లు పడగొట్టాడు.[15] పాకిస్తాన్ జట్టులోకి ఎంపిక కావడానికి కొన్ని వారాల ముందు, అతను ఎవరికీ తెలియని క్లబ్ క్రికెటర్, తన కళాశాల జట్టులో కూడా చేరలేకపోయాడు. పాకిస్థాన్‌లో, లాహోర్‌ లోని గడ్డాఫీ స్టేడియంలో ట్రయల్స్‌కు వచ్చినపుడు మొదటి రెండు రోజులు బౌలింగ్ చేసే అవకాశం రాలేదు. మూడవ రోజు, అతనికి అవకాశం వచ్చింది; అతని ప్రదర్శన చూసిన జావేద్ మియాందాద్‌, అతన్ని జాతీయ జట్టులో చేర్చాలని పట్టుబట్టాడు.[16] ఎటువంటి ముఖ్యమైన దేశీయ అనుభవం లేకుండానే అక్రమ్‌కు పాకిస్థాన్‌కు ఆడే అవకాశం లభించింది.

1980ల చివరలో అంతర్జాతీయ క్రికెట్‌లో అక్రమ్ ఎదుగుదల వేగంగా సాగింది. అతను 1988లో వెస్టిండీస్‌లో పర్యటించిన పాకిస్థాన్ జట్టులో సభ్యుడు. అయితే, 1980ల చివరలో గజ్జ గాయం అతని కెరీర్‌కు ఆటంకం కలిగించింది. రెండు శస్త్రచికిత్సల తరువాత, అతను 1990లలో స్వింగ్, బౌలింగ్‌ కచ్చితత్వంపై ఎక్కువ దృష్టి సారించి ఫాస్ట్ బౌలర్‌గా తిరిగి ఉద్భవించాడు.[17]

పాకిస్థాన్ తరఫున టెస్టు క్రికెట్‌లో 414 వికెట్లతో అత్యధిక వికెట్లు తీసిన బౌలరు వసీం అక్రం.[18]

వన్ డే ఇంటర్నేషనల్

మార్చు

అక్రమ్ తన ODI కెరీర్‌ను 1984లో జహీర్ అబ్బాస్ కెప్టెన్సీలో పాకిస్థాన్‌లో న్యూజిలాండ్‌తో జరిగిన మ్యాచ్‌లో ప్రారంభించాడు.[19] అతను 1985 బెన్సన్ & హెడ్జెస్ వరల్డ్ ఛాంపియన్‌షిప్‌లో ఆస్ట్రేలియాతో జరిగిన తన 3వ ODIలో ఐదు వికెట్లు తీసాడు. అతని వికెట్లలో కెప్లర్ వెసెల్స్, డీన్ జోన్స్, కెప్టెన్ అలన్ బోర్డర్ ఉన్నారు. వసీం అక్రమ్ ప్రస్తుతం అంతర్జాతీయ వన్డే క్రికెట్‌లో పాకిస్థాన్ తరఫున అత్యధిక వికెట్లు తీసిన బౌలరు.[20]

ప్రపంచం లోనే అత్యుత్తమ బౌలరుగా

మార్చు
వసీం అక్రం ఆడిన అంతర్జాతీయ మ్యాచ్‌ల గణాంకాల సారాంశం[21]
  మ్యాచ్‌లు గెలుపు ఓటమి డ్రా టై ఫలితం తేలనివి
టెస్టులు[22] 104 41 27 36 0
వన్‌డే[23] 356 199 145 6 6

1992లో ఆస్ట్రేలియా, న్యూజిలాండ్‌ లలో జరిగిన క్రికెట్ ప్రపంచ కప్‌లో పాకిస్తాన్ ఛాంపియన్‌ అయినపుడు పాకిస్తాన్ జట్టులో అక్రమ్ ముఖ్యమైన వ్యక్తి. ఫైనల్‌లో ఇంగ్లండ్‌తో జరిగిన మ్యాచ్‌లో అతను 19 బంతుల్లో 33 పరుగులు చేసిన ఇన్నింగ్స్‌తో పాకిస్తాన్‌ను 6 వికెట్లకు 249 పరుగుల స్కోరు సాధించింది. ఆ తర్వాత అక్రమ్, ఇంగ్లీష్ బ్యాటింగ్ ఇన్నింగ్స్‌లో ప్రారంభంలోనే ఇయాన్ బోథమ్ వికెట్ తీసుకున్నాడు; తర్వాత బౌలింగ్ అటాక్‌లోకి తిరిగి వచ్చి, రివర్స్ స్వింగ్‌ జాలంతో అలెన్ లాంబ్, క్రిస్ లూయిస్‌లను ఒకే ఓవర్‌లో వరుస బంతుల్లో బౌల్డ్ చేసాడు. ఆ ప్రదర్శనలు అతనికి ఫైనల్లో మ్యాన్ ఆఫ్ ది మ్యాచ్ అవార్డును తెచ్చిపెట్టాయి.[24][25] 1993లో, షార్జాలో శ్రీలంకపై అక్రమ్ వరుసగా రెండు సార్లు 4 వికెట్లు సాధించాడు, ఇందులో 8 వికెట్లలో 7 ఎల్‌బిడబ్ల్యూ లేదా బౌల్డ్‌గా ఉన్నాయి.[26]

1992-1993 దక్షిణాఫ్రికాలో జరిగిన టోటల్ ఇంటర్నేషనల్ సిరీస్‌లో (పాకిస్థాన్, వెస్టిండీస్, దక్షిణాఫ్రికాలు ఆడాయి), అతను దక్షిణాఫ్రికాపై 5 వికెట్లు తీశాడు. అతని 143వ మ్యాచ్‌లో 200వ వికెట్‌ను అందుకున్నాడు.[27][28][29] 1993 క్యాలెండర్ సంవత్సరంలో అక్రమ్ 46 వికెట్లు తీశాడు. వన్డేల్లో అతని అత్యుత్తమ సంవత్సరం అది. అతని సగటు 19 కంటే తక్కువ, ఎకానమీ రేటు ఓవర్‌కు 3.8 కంటే తక్కువ. అతను 1993లో ఆరుసార్లు 4 వికెట్ల పంట తీసుకున్నాడు. అతను అత్యధికంగా 4 వికెట్ల పంట సాధించిన సంవత్సరం అది.[29] 1996 క్రికెట్ ప్రపంచ కప్‌లో అక్రమ్, భారత్‌తో జరిగిన క్వార్టర్ ఫైనల్ మ్యాచ్‌కు దూరమయ్యాడు, ఆ మ్యాచ్‌లో పాకిస్తాన్ ఓడిపోయి ప్రపంచ కప్ నుండి నిష్క్రమించింది. వసీమ్ కెరీర్ తరచుగా వివాదాలతో కలుషితమైంది. 1993 ఏప్రిల్‌లో కరీబియన్‌లో పాకిస్తాన్ కెప్టెన్‌గా అతని తొలి పర్యటన. గ్రెనడాలో జట్టు ఆగిన సమయంలో, ముగ్గురు సహచరులు-వకార్ యూనిస్, ఆకిబ్ జావేద్, ముస్తాక్ అహ్మద్‌లు, ఇద్దరు మహిళా బ్రిటిషు టూరిస్టులతో పాటు అరెస్టయ్యాడు. అతని వద్ద మార్జువానా (గంజాయి) ఉందని అభియోగాలు మోపారు.[30] 1994, 1996 మధ్య అతను 39 మ్యాచ్‌లలో 84 వికెట్లు తీశాడు.[29]

1992 జనవరి నుండి 1997 డిసెంబరు వరకు అక్రమ్, 131 మ్యాచ్‌లు ఆడి, 21.86 సగటుతో 198 వికెట్లు పడగొట్టాడు, వన్‌డేలలో 14 సార్లు 4-వికెట్ల పంట తీశాడు.

అవార్డులు రికార్డులూ

మార్చు

1993లో తన క్రీడా విజయాలకు అక్రమ్‌కు విజ్డెన్ క్రికెటర్ ఆఫ్ ది ఇయర్ అవార్డు లభించింది. అతను 2003లో మోస్ట్ స్టైలిష్ స్పోర్ట్స్ పర్సన్‌గా లక్స్ స్టైల్ అవార్డును అందుకున్నాడు.

  • అతని టెస్ట్ కెరీర్‌లో, అక్రమ్ 104 మ్యాచ్‌లలో 23.62 సగటుతో 414 వికెట్లు తీశాడు, ఇది పాకిస్తాన్ రికార్డు, 22.64 సగటుతో 2,898 పరుగులు చేశాడు.[31]
  • వన్డే ఇంటర్నేషనల్స్‌లో, అక్రమ్ 356 మ్యాచ్‌లలో 23.52 సగటుతో 502 వికెట్లు తీశాడు. 16.52 సగటుతో 3,717 పరుగులు చేశాడు.[31][32]
  • అంతర్జాతీయ క్రికెట్‌లో ఆట రెండు రూపాల్లో 400 కంటే ఎక్కువ వికెట్లు తీసిన మొదటి బౌలర్ అక్రం. ఆ తరువాత ముత్తయ్య మురళీధరన్ మాత్రమే దీనిని సాధించాడు.
  • క్రికెట్ ప్రపంచ కప్‌లలో 38 మ్యాచ్‌లలో మొత్తం 55 వికెట్లు తీసిన రికార్డు కూడా అక్రమ్‌కు ఉంది. ఆస్ట్రేలియా ఆటగాడు గ్లెన్ మెక్‌గ్రాత్ 2007 క్రికెట్ ప్రపంచ కప్ సమయంలో 39 మ్యాచ్‌లలో 71 వికెట్లతో ఈ రికార్డును బద్దలు కొట్టాడు. వసీమ్ రికార్డును దాటవేసినప్పుడు, మెక్‌గ్రాత్ ఇలా అన్నాడు, "నాకు వసీం అక్రమ్ అన్ని కాలాలలో అత్యుత్తమ బౌలర్లలో ఒకడు. లెఫ్టార్మ్, కొత్త బంతితో రెండు వైపులా స్వింగ్ చేశాడు. పాత బంతితో అతను చాలా ప్రమాదకరంగా ఉంటాడు. అతని రికార్డును దాటడం నాకు ఎప్పటికీ గుర్తుండిపోతుంది. బహుశా నాణేనికి మరో వైపు ఏమిటంటే, చాన్నాళ్ళు ఆడితే, అక్కడా ఇక్కడా ఒకటోఈ రెండో రికార్డులను బద్దలు కొట్టడం పెద్ద విశేషమేమీ కాదు." ప్రస్తుతం ప్రపంచకప్‌లలో అత్యధిక వికెట్లు తీసిన బౌలర్లలో నాలుగో స్థానంలో ఉన్నాడు.[33]
  • అంతర్జాతీయ క్రికెట్‌లో నాలుగు లేదా అంతకంటే ఎక్కువ హ్యాట్రిక్‌లు సాధించిన ఇద్దరే ఇద్దరు బౌలర్లలో అక్రమ్ ఒకడు (రెండవ బౌలరు లసిత్ మలింగ). టెస్టులు, వన్డే ఇంటర్నేషనల్స్‌లో ఒక్కొక్కటి చొప్పున రెండు హ్యాట్రిక్‌లు సాధించారు. రెండు టెస్ట్ క్రికెట్ హ్యాట్రిక్‌లు సాధించిన నలుగురు బౌలర్లలో అతను మూడవవాడు, ఇతరులు హ్యూ ట్రంబుల్, జిమ్మీ మాథ్యూస్, స్టువర్ట్ బ్రాడ్. రెండు వన్డే ఇంటర్నేషనల్ క్రికెట్ హ్యాట్రిక్స్ సాధించిన ఐదుగురు బౌలర్లలో అక్రమ్ మొదటివాడు. అక్రమ్ టెస్ట్ హ్యాట్రిక్‌లు చాలా ముఖ్యమైనవి, ఎందుకంటే అవి 1998-99 ఆసియా టెస్ట్ ఛాంపియన్‌షిప్‌లో శ్రీలంకతో ఆడిన సిరీస్‌లో వరుస టెస్టు మ్యాచ్‌లలో చేసాడు. ఒక టెస్ట్ మ్యాచ్, ఒక వన్డే ఇంటర్నేషనల్ హ్యాట్రిక్ రెండింటినీ తీసిన ఇద్దరు బౌలర్లలో అక్రమ్ కూడా ఒకరు, మరొకరు పాకిస్తాన్ ఫాస్ట్ బౌలర్, మహ్మద్ సమీ.[34][35]
  • 1990-1991లో లాహోర్‌లో వెస్టిండీస్‌తో జరిగిన టెస్ట్ సిరీస్‌లో ఆడుతూ, టెస్ట్ మ్యాచ్‌లో ఒకే ఓవర్‌లో నాలుగు వికెట్లు తీసిన ఆరుగురు బౌలర్లలో అతను ఒకడు. అక్రమ్ విషయానికొస్తే, ఈ వికెట్లు హ్యాట్రిక్‌లో భాగం కాదు, అతను వేసిన మూడో బంతికి బ్యాటరు ఇచ్చిన క్యాచ్‌ని ఫీల్డరు డ్రాప్ చేసాడు.[36][37]
  • షేక్‌పురాలో జింబాబ్వేపై 363 బంతుల్లో 257 పరుగులు చేసి అక్రం టెస్టు క్రికెట్‌లో ఎనిమిదో నంబర్ బ్యాట్స్‌మెన్‌గా అత్యధిక స్కోరు సాధించాడు. ఈ ఇన్నింగ్స్‌లో 12 సిక్సర్లు ఉన్నాయి, ఇది ఏ టెస్టు ఇన్నింగ్స్‌లోనైనా అత్యధిక సిక్సర్లు బాదిన ప్రపంచ రికార్డు కూడా.[38][39]
  • అతను టెస్ట్ క్రికెట్‌లో అత్యధిక సంఖ్యలో పదిహేడు మ్యాన్ ఆఫ్ ది మ్యాచ్ అవార్డులను పొందిన ఉమ్మడి-మూడవ వ్యక్తి.[40]
  • మిస్బా-ఉల్-హక్ తర్వాత వన్ డే ఇంటర్నేషనల్‌లలో సెంచరీ చేయకుండా అతను రెండవ అత్యధిక పరుగులను సాధించాడు. అతని అత్యధిక స్కోరు 86 పరుగులు.[41]
  • టెస్ట్ మ్యాచ్‌లో మూడు సార్లు పది లేదా అంతకంటే ఎక్కువ వికెట్లు తీసి, ఐనప్పటికీ ఓడిపోయిన జట్టులో ఉన్న ఏకైక టెస్ట్ క్రికెటర్ అక్రం (2013 ఫిబ్రవరి నాటికి).[42]
  • ఒక టెస్ట్ మ్యాచ్‌లోను, అలాగే టెస్టు ఇన్నింగ్స్‌లోనూ 8వ నంబర్ బ్యాట్స్‌మెన్‌గా వచ్చి (363 బంతులు) అత్యధిక బంతులు ఎదుర్కొన్న రికార్డులు అక్రమ్‌ పేరిట ఉన్నాయి.[43]
  • 500 ODI వికెట్లు తీసిన మొదటి బౌలర్ అతను. సీమర్ (502)గా అత్యధిక ODI వికెట్లు తీసిన రికార్డు ఇప్పటికీ నిలిచి ఉంది.[44]
  • ఒకే మైదానంలో 100+ వన్డే వికెట్లు తీసిన వ్యక్తి వసీం అక్రమ్. షకీబ్ అల్ హసన్‌తో కలిసి ఒకే మైదానంలో (షార్జా క్రికెట్ స్టేడియంలో 122) ODI చరిత్రలో అత్యధిక వికెట్లు తీసిన రికార్డును అతనికి సంయుక్తంగా ఉంది. వకార్ యూనిస్, ఒకే మైదానంలో 100+ వన్డే వికెట్లు సాధించిన రెండవ వ్యక్తి, షార్జాలో కూడా చేశాడు. 114 వికెట్లతో ఓవరాల్‌గా రెండో స్థానంలో ఉన్నాడు.
  • కెప్టెన్‌గా అత్యధిక వన్డే వికెట్లు (158) తీసిన ఆటగాడిగా అక్రం రికార్డు సృష్టించాడు.[45]

రిటైర్‌మెంటు తరువాత

మార్చు

మీడియాలో

మార్చు

క్రికెట్ నుండి రిటైర్ అయిన తరువాత అక్రమ్, టెలివిజన్ నెట్‌వర్క్‌ల కోసం క్రికెట్‌ వ్యాఖ్యాతగా పనిచేశాడు. ESPN స్టార్ స్పోర్ట్స్, ARY డిజిటల్‌కు స్పోర్ట్స్ వ్యాఖ్యాతగా చేసాడు. ఆస్ట్రేలియాలో జరిగిన 2009 మహిళల క్రికెట్ ప్రపంచ కప్, 2009 ఇంగ్లండ్‌లో జరిగిన ICC వరల్డ్ ట్వంటీ 20, 2009 దక్షిణాఫ్రికాలో జరిగిన ICC ఛాంపియన్స్ ట్రోఫీ, భారతదేశం, శ్రీలంక, బంగ్లాదేశ్‌లలో జరిగిన 2011 ICC ప్రపంచ కప్‌తో సహా పలు రకాల క్రీడా టోర్నమెంట్‌లకు వ్యాఖ్యాతగా పనిచేసాడు.

 
2015 ఐపీయెల్‌లో వసీం అక్రమ్‌

కోచింగు

మార్చు

2010లో, కోల్‌కతా కోసం ఇండియన్ ప్రీమియర్ లీగ్ జట్టు కోల్‌కతా నైట్ రైడర్స్ బౌలింగ్ కోచ్ కన్సల్టెంట్‌గా అక్రమ్ నియమితుడయ్యాడు. గతంలో భారత కెప్టెన్‌గా ఉన్న సమయంలో సౌరవ్ గంగూలీ, అక్రమ్‌ను భారత్‌కు బౌలింగ్ కోచ్‌గా తీసుకోవాలని ఆసక్తిగా ఉండేవాడు. ఇది ఎన్నడూ జరగనప్పటికీ, అక్రమ్‌ను ఫ్రాంచైజీకి బౌలింగ్ కోచ్ కమ్ మెంటార్‌గా నియమించినప్పుడు అతని కలలు కొంత వరకు నెరవేరాయి.[46] బౌలింగ్ లెజెండ్‌కు అంతర్జాతీయ క్రికెట్‌లో వారి విజయానికి చాలా రుణపడి ఉన్న మహ్మద్ షమీ, ఉమేష్ యాదవ్ వంటి భారత పేసర్లను రూపుదిద్దడంలో అక్రమ్ కీలక పాత్ర పోషించాడు. కోల్‌కతా నైట్ రైడర్స్ కోసం పనిచేస్తున్నప్పుడు, అతను పాకిస్తానీ దేశీయ లెఫ్ట్ ఆర్మ్ ఫాస్ట్ బౌలర్ మహ్మద్ ఇర్ఫాన్‌తో సంతకం చేయడానికి కూడా బాధ్యత వహించాడు.[47] అక్రమ్ పాకిస్తాన్ ఫాస్ట్ బౌలింగ్ శిబిరాలకు శిక్షణ ఇస్తున్నాడు, టీనేజ్ పాకిస్తాన్ బౌలర్లు మహ్మద్ అమీర్, జునైద్ ఖాన్ లను అక్రమ్ వెలుగు లోకి తెచ్చాడు. 2016, 2017 సీజన్లలో PSL ఫ్రాంచైజీ ఇస్లామాబాద్ యునైటెడ్‌కు డైరెక్టరుగా, బౌలింగ్ కోచ్‌గా కూడా పనిచేశాడు.[48] అతను ముల్తాన్ సుల్తాన్స్‌తో డైరెక్టరు, బౌలింగ్ కోచ్‌గా కూడా పనిచేశాడు. అతను ప్రస్తుతం కరాచీ కింగ్స్‌కు చైర్మన్‌గా బౌలింగ్ కోచ్‌గా ఉన్నాడు.[48] కాశ్మీర్ ప్రీమియర్ లీగ్‌కు వైస్ ప్రెసిడెంట్ కూడా.[49][50][51]

రెండవపెళ్ళి

మార్చు

ఆస్ట్రేలియాకు చెందిన షానియేరా థాంప్సన్‌ అనే యువతిని సెకండ్ మ్యారేజీ చేసుకున్నట్లు ఆగస్టు 21, బుధవారం ప్రకటించాడు. ద్వితీయ వివాహం చేసుకోనని గతంలో చెప్పిన మాటను వసీం చెప్పినా అతని రెండో వివాహాన్ని కుటుంబ పెద్దల అంగీకారంతో చేసుకున్నాడు. అక్రమ్ ఆగస్టు 12వ తేదీన పెళ్ళి చేసుకున్నా ఇప్పటి వరకూ ఈ విషయాన్ని గుట్టుగానే ఉంచారు. కేవలం ఈ వివాహానికి వారి కుటుంబ సభ్యులు మాత్రమే హాజరయ్యారని ప్రాథమిక సమాచారం.

మూలాలు

మార్చు
  1. "Who is the greatest ODI bowler of all time?". ESPNcricinfo (in ఇంగ్లీష్).
  2. "The Best Fast Bowlers of All Time". The Sporting Blog.
  3. "Best Cricket Bowlers of All Time". www.stadiumtalk.com (in ఇంగ్లీష్).
  4. Qamar Ahmed (మార్చి 8 2013). "Wasim Akram was the best I ever faced, says Kallis". dawn.com. {{cite web}}: Check date values in: |date= (help)
  5. Khabir Uddin Mughal. "Wasim Akram One of Greatest Bowlers of All Time". Sporteology. Archived from the original on మార్చి 28 2015. Retrieved మార్చి 3 2015. {{cite web}}: Check date values in: |access-date= and |archive-date= (help)
  6. Khabir Uddin Mughal. "Wasim Akram, Best ODI Bowler in History". Sporteology. Archived from the original on మార్చి 2 2015. Retrieved మార్చి 3 2015. {{cite web}}: Check date values in: |access-date= and |archive-date= (help)
  7. Khabir Uddin Mughal. "Top 10 Greatest Cricketers of All Time". Sporteology. Archived from the original on అక్టోబరు 22 2014. Retrieved మార్చి 27 2015. {{cite web}}: Check date values in: |access-date= and |archive-date= (help)
  8. 8.0 8.1 Wasim Akram, ESPNcricinfo, retrieved 21 April 2012
  9. "All-time W100 ODI Top 10s". ESPNCricinfo. 27 January 2003. Retrieved 21 April 2012.
  10. "ICC Cricket Hall of Fame". ESPNCricinfo. Retrieved 21 April 2012.
  11. "Wasim Akram, Steve Waugh inducted into ICC Hall of Fame". MSN Sports. Archived from the original on 2 October 2009. Retrieved 6 August 2010.
  12. "Kolkata Knight Riders". iplt20.com.
  13. "Akram takes break as KKR bowling coach". ESPNcricinfo (in ఇంగ్లీష్). Retrieved 2023-08-06.
  14. "Pakistan in New Zealand Test Series – 2nd Test". ESPNCricinfo. 25 January 1985. Retrieved 21 April 2012.
  15. "Pakistan in New Zealand Test Series – 3rd Test". ESPNCricinfo. 9 February 1985. Retrieved 21 April 2012.
  16. "Miandad-Akram row heating up in Pakistan". zeenews. 4 April 2010. Retrieved 2 August 2010.
  17. Wasim Akram: stats analysis – A stunning match-winner, ESPNCricinfo, 25 April 2010, archived from the original on 21 November 2010, retrieved 21 April 2012
  18. "Top Cricketers Of Pakistan". thecricketstop.[permanent dead link]
  19. "New Zealand in Pakistan ODI Series – 2nd ODI". ESPNCricinfo. 23 November 1984. Retrieved 21 April 2012.
  20. "Benson & Hedges World Championship of Cricket – 5th match, Group A". ESPNCricinfo. 24 February 1985. Retrieved 21 April 2012.
  21. "Statistics / Statsguru / KC Sangakkara/One-Day Internationals". Cricinfo. Archived from the original on 19 September 2015. Retrieved 25 April 2015.
  22. "List of Test victories". Cricinfo. Archived from the original on 8 December 2012. Retrieved 25 April 2012.
  23. "List of ODI victories". Cricinfo. Archived from the original on 2 January 2013. Retrieved 25 April 2012.
  24. Great Moments – Double jeopardy, ESPNCricinfo, 30 April 2007, retrieved 21 April 2012
  25. Benson & Hedges World Cup – Final, England v Pakistan, ESPNCricinfo, 25 March 1992, retrieved 21 April 2012
  26. Wasim Akram: 1993, howstat.com.au, retrieved 21 April 2012
  27. Total International Series – 4th match, ESPNCricinfo, 15 February 1993, retrieved 21 April 2012
  28. Pakistan vs South Africa – 4th match, howstat.com.au, 15 February 1993, retrieved 21 April 2012
  29. 29.0 29.1 29.2 Wasim Akram: 1993, howstat.com.au, 15 February 1993, retrieved 21 April 2012
  30. "Dabbling with drugs". Cricinfo.
  31. 31.0 31.1 Test Career Bowling – Most Wickets Archived 14 జూన్ 2007 at the Wayback Machine. ESPNcricinfo. Retrieved on 30 April 2007.
  32. Career Bowling – Most Wickets, ESPNcricinfo, 30 April 2007, archived from the original on 29 June 2007, retrieved 21 April 2012
  33. Pigeon v Wasim – who's the best? Archived 2017-06-21 at the Wayback Machine.The Sydney Morning Herald. Retrieved on 30 April 2007.
  34. Hat Tricks in Test Matches Archived 15 జూన్ 2007 at the Wayback Machine. ESPNcricinfo. Retrieved on 1 May 2007.
  35. One Day Internationals – Hat Tricks Archived 29 జనవరి 2007 at the Wayback Machine. ESPNcricinfo. Retrieved on 1 May 2007.
  36. Four wickets in an over, and who's the Cockroach?. ESPNcricinfo. Retrieved on 1 May 2007.
  37. Pakistan v West Indies, 1990/91, 3rd Test. ESPNcricinfo. Retrieved on 1 May 2007.
  38. Tests – Highest Score at Each Batting Position Archived 16 ఫిబ్రవరి 2006 at the Wayback Machine. ESPNcricinfo. Retrieved on 1 May 2007.
  39. Tests – Most Sixes in an Innings Archived 16 ఫిబ్రవరి 2006 at the Wayback Machine. ESPNcricinfo. Retrieved on 1 May 2007.
  40. Tests – Most Man of the Match Awards Archived 2 మే 2007 at the Wayback Machine. ESPNcricinfo. Retrieved on 1 May 2007.
  41. "Records / One Day Internationals / Batting records / Most runs in a career without a hundred". ESPN cricinfo.
  42. Bowling records Archived 10 ఏప్రిల్ 2013 at Archive.today. stats.espncricinfo.com
  43. "Batting records | Test matches | Cricinfo Statsguru | ESPN Cricinfo". Cricinfo. Retrieved 2 March 2017.
  44. "First to take 500 ODI wickets". the telegraph. Archived from the original on 12 January 2022.
  45. "Statistics / Statsguru / One-Day Internationals / Bowling records". cricinfo.
  46. "KKR can win IPL's 3rd edition: Wasim Akram". The News International. 11 January 2010. Retrieved 3 July 2010. [dead link]
  47. "Pakistan's Mohammad Irfan in line for IPL contract". Cricinfo. 10 August 2010. Retrieved 11 August 2010.
  48. 48.0 48.1 Faizan Lakhani (1 August 2017). "Wasim Akram leaves Islamabad United for new PSL franchise". Geo News. Retrieved 5 February 2018.
  49. APP (2021-02-16). "Wasim Akram joins KPL". Brecorder (in ఇంగ్లీష్). Retrieved 2021-08-07.
  50. "Wasim Akram joins Kashmir Premier League". The Nation (in ఇంగ్లీష్). 2021-02-17. Retrieved 2021-08-07.
  51. "Kashmir Premier League kicks off with beautiful opening ceremony". BOL News (in అమెరికన్ ఇంగ్లీష్). 2021-08-06. Retrieved 2021-08-07.