వికీపీడియా:అనువాద పరికరం వాడుకలో ఎదురైన అనుభవాలు

అనువాద ఉపకరణం వాడేటపుడు వాడుకరులకు ఎదురైన అనుభవాలను కలబోసుకునేందుకు సృష్టించుకున్న పేజీ ఇది. ఇది విధాన నిర్ణయాలు చేసే/మార్చేసే ఉద్దేశంతో ఏర్పాటు చేసిన పేజీ కాదు. కేవలం వాడుకరులు తమ అనుభవాలను, ఎదురైన సమస్యలను, వాటికి కనుక్కున్న పరిష్కారాలనూ తెలుపుతూ పరస్పరం ఉపయోగపడేలా ఏర్పాటు చేసుకున్న పేజీ. ఇక్కడ వెలుగులోకి తెచ్చిన సమస్యలు పరిష్కారాలను క్రోడీకరించి ఒకచోట పెడితే, ఇతర వాడుకరులకు ప్రయోజనకరంగా ఉంటుంది. పరిష్కారాలు లభించని సమస్యలు - అవి సాంకేతిక సమస్యలైతే వాటిని సంబంధిత సాంకేతికులకు తెలపవచ్చు. ఇతర సమస్యలైతే అందరం కలిసి పరిష్కారాల కోసం వెదకవచ్చు. పరిష్కారం దొరికినా దొరక్కున్నా కనీసం సమస్యల జాబితా అయినా మనకు అందుబాటులో ఉంటుంది. గమనిక: చాలా ముఖ్యమైన సంగతి ఏంటంటే ఇక్కడ మన అనుభవాలు ముఖ్యం. దాన్ని బట్టి చేసే సూచనలు ముఖ్యం. మనం ఏర్పరచుకున్న అభిప్రాయాలూ, తదితరాలూ వాటి తరువాతే.

అనువాద పరికరం వాడుకలో ప్రగతి

ఈమధ్య కాలంలో అనువాద పరికరం వాడుక బాగా పెరిగింది. పరికరం వాడి ప్రచురించిన పేజీల గణాంకాలను ఈ విభాగంలో చూడవచ్చు

సంవత్సరం	2015	2016	2017	2018	2019	2020	2021	2022	2023	2024 మే 1 వరకు	మొత్తం
ప్రచురించిన వ్యాసాల సంఖ్య	43	309	257	195	274	653	1575	1261	3614	2556	10,737

• గమనిక: పరికరం ద్వారా ఒకే వ్యాసాన్ని పదేపదే ప్రచురించే అవకాశం కూడా ఉంది. అనువాద పరికరం చూపే గణాంకాల్లో ఎన్నిసార్లు ప్రచురణ జరిగితే అన్ని సార్లూ చూపిస్తుంది. కానీ పైన చూపిన గణాంకాల్లో మాత్రం, మొదటిసారి చేసిన ప్రచురణను మాత్రమే చూపించాం. ఈ కారణం వలన ఈ రెండు గణాంకాల్లో కొంత తేడా ఉండే అవకాశం ఉంది.
• మరో గమనిక: అనువాద పరికరం నుండి ఒక వ్యాసాన్ని ఎన్నిసార్లైనా ప్రచురించవచ్చు. అందులో తప్పేమీ లేదు. ఒక్కసారే ప్రచురించడంలో ప్రత్యేకమైన గొప్పేమీ లేదు. ఎన్నిసార్లు ప్రచురించాలనేది వాడుకరి వీలును బట్టి ఉంటుంది.

వేగం

అనువాద పరికరం వాడి చాలా వేగంగా అనువాదాలు చెయ్యవచ్చు. ప్రచురించే ముందు భాషను సహజంగా ఉండేలా సవరణలు చేసినప్పటికీ ఈ వేగం చాలా ఎక్కువగా ఉంటుంది.2023 ఆగస్టు16 న జరిగిన కొన్ని అనువాదాలను కింది పట్టికలో చూడవచ్చు. నిమిషానికి దాదాపు1,000 బైట్లు అనువదించారు. ఇవి మచ్చు మాత్రమే, ఇంతకంటే వేగంగా చేసిన దృష్టాంతాలు కూడా ఉండవచ్చు.

కింది పట్టికలో ఇచ్చిన సమయాలు సుమారుగా ఇచ్చినవి కాదు, ఖచ్చితమైనవి. తేడా ఏమైనా ఉంటే అది ఒక పది పదిహేను సెకండ్లు ఉంటుందంతే. ఇవన్నీ, అనువాదం మొదలుపెట్టిన సమయం, ముగించిన సమయం - ఈ రెంటిని తీసుకుని లెక్కించినవి. ఈ సమయం పూర్తిగా - సంపూర్ణంగా - అనువాదానికే కేటాయించారని భావిస్తే వచ్చే సమయం ఇది. కానీ వాస్తవంలో అన్నిసార్లూ అలా ఏకబిగిన చేసెయ్యం. మొదలుపెట్టి ఆపేస్తాం. ఒక అరగంట వాకింగుకెళ్ళొచ్చి మళ్ళీ మొదలెడతాం. మళ్ళీ ఆపి కాఫీ తాగి మళ్ళీ మొదలెడతాం. మళ్ళీ ఆపుతాం, మొదలెడతాం.. ఇలా జరుగుతుంది. అయినా సరే.., ఈ వ్యాసాలు చిటికెల్లో అయిపోయాయ్. సగటున ఒక్కో నిమిషానికీ780 బైట్లు అనువదించారు. అంటే ఒక పది వేల బైట్ల పేజీని అనువదించాలంటే పావుగంట పడుతుంది. మరింత కులాసాగా, ఆడుతూ పాడుతూ చేద్దాం అని అరగంట పెట్టుకుందాం ఒక్కోదానికీ. రోజుకు రెండు గంటలు ఈ పనిపై ఖర్చు పెట్టగలిగితే నాలుగు పేజీలు సరదాగా రాసెయ్యొచ్చన్నమాట. ఆ విధంగా నెలకు ఒక వంద కొత్త వ్యాసాలు రాయొచ్చు.

వేగానికి సంబంధించి ఆయా వాడుకరుల అనుభవాలేంటో కింద చూపిన విభాగంలో చెప్పవలసినది.

సం	ఇంగ్లీషు పేజీ	తెలుగు పేజీ	అనువదించిన వాడుకరి	తెలుగు పేజీ పరిమాణం	అనువాదానికి పట్టిన సమయం నిమిషాల్లో	సగటున ఒక్కో నిమిషానికి చేసిన అనువాదం, బైట్లలో	మానవిక అనువాద శాతం
1	Priyanjali Jain	ప్రియాంజలి జైన్	వెంకటరమణ	4,100	3	1,367	44%
2	Chaturi Thalagalage	చతురి తలగలగే	ప్రణయ్ రాజ్	4,800	5	960	30%
3	One-Test wonder	ఒన్-టెస్ట్ వండర్	వెంకటరమణ	16,000	11	1,455	32%
4	Geeta Mahalik	గీత మహాలిక్	Divya4232	11,700	12	975	38%
5	Chindodi Leela	చిందోడి లీల	Divya4232	10,300	10	1,030	43%
6	Vijay Rajindernath	విజయ్ రాజేంద్రనాథ్	వెంకటరమణ	7,000	7	1,000	37%
7	Sanju Samson	సంజు శాంసన్	ప్రణయ్ రాజ్	15,000	11	1,364	39%
8	Wicket-keeper	వికెట్ కీపర్	వెంకటరమణ	31,000	52	596	33%
9	Deepak Hooda	దీపక్ హుడా	ప్రణయ్ రాజ్	15,000	11	1,364	60%
10	R. Nagarathnamma	ఆర్.నాగరత్నమ్మ	Divya4232	10,000	14	714	39%
11	Sunita Sharma (cricket coach)	సునీతా శర్మ (క్రికెట్ కోచ్)	వెంకటరమణ	13,000	11	1,182	48%
12	Janardan Navle	జనార్దన్ నవ్లే	వెంకటరమణ	6,000	20	300	48%
13	B. Jayashree	బి. జయశ్రీ	Divya4232	13,200	16	825	53%
14	Indrani Roy	ఇంద్రాణి రాయ్	వెంకటరమణ	10,400	6	1,733	34%
15	Jason Mohammed	జాసన్ మొహమ్మద్	Divya4232	10,475	39	269	70%
	మొత్తమ్మీద, ఈ15 అనువాదాల్లోనూ సగటున ఒక్కో నిమిషానికి చేసిన అనువాదం, బైట్లలో				781

వేగం విషయంలో మన అనుభవాలు, సూచనలు

పరికరంతో అనువాదం వేగంగా అవుతోంది. పరికరం అందరికీ ఒకటే. వేగాన్ని సాధించడం అనేది మన చేతుల్లోనే ఉంది. మీరు ఎలా సాధించారు? కిటుకులేమైనా ఉన్నాయా? ఉంటే ఏంటవి? ఉదాహరణకు కొన్ని అనువాదాలను పరికరం సరిగా చెయ్యదు, చేసినా సరిగా చెయ్యదు. అక్కడ మానవికంగా చెయ్యాలంటే టైం పట్టొచ్చు. ఆలా టైం వేస్టు చేసుకునే బదులు, అలాంటి అనువాదాలను ప్రచురించాక చేసుకోవడం ఉత్తమం. ఇలాంటివి ఏమైనా ఉంటే ఇక్కడ చెప్పండి.

నాణ్యత విషయంలో మన అనుభవాలు

యాంత్రిక అనువాదాన్ని సవరించి సాధ్యమైనంత సహజంగా ఉండేలా భాషను సరిచెయ్యడంలో మన అనుభవాలు, సూచనలు ఇక్కడ రాద్దాం.

30% కనీస మానవిక అనువాద పరిమితిపై మన అనుభవాలు, సూచనలు

అనువాద పరికరంలో స్వంతంగా చూసి నేర్చుకునే స్వభావం, నేర్పు అంతర్గతంగా ఇమిడి ఉన్నాయి. అది నేర్చుకుంటుంది, మెరుగు పడుతుంది. పడుతోంది కూడా. ఒక ఐదారేళ్ళ కిందటి భాషా నాణ్యత కంటే, ఇప్పటి నాణ్యత బాగా మెరుగుపడింది. మరి ఇప్పుడు 30% పరిమితి ఎలా ఉందనిపించింది? అలాగే ఉంచాలా? ఇంకా పెంచాలా? కొంచెం తుంచాలా? దీనిపై మన అనుభవాలు సూచనలూ చెప్పుకుందాం.

ఇతర సమస్యలు

అనువాద పరికరం గురించి వేరే ఇతర అంశాలు, సమస్యలూ, సాంకేతిక ఇబ్బందులూ వగైరాల గురించి చెప్పాలంటే ఇక్కడ రాయండి.