బాదేపల్లి
బాదేపల్లి, తెలంగాణ రాష్ట్రం, మహబూబ్ నగర్ జిల్లా, జడ్చర్ల మండలం లోని గ్రామం. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత మహబూబ్ నగర్ జిల్లా లోని ఇదే మండలంలో ఉండేది. [1] 2015లో బాదేపల్లి పురపాలకసంఘంగా ఏర్పడింది. ఈ పట్టణం జడ్చర్లకు జంట పట్టణంగా కొనసాగుతుంది. పేరుకు రెండూ వేర్వేరుగా ఉన్ననూ భౌగోళికంగా కల్సే ఉన్నాయి. విద్య, వ్యాపారం పరంగా ఇది బాగా అభివృద్ధి చెందింది. జడ్చర్ల పేరుతో రైల్వే స్టేషను ఇక్కడే ఉంది.
| బాదేపల్లి | |
| — రెవిన్యూ గ్రామం — | |
  బాదేపల్లి |
|
| అక్షాంశరేఖాంశాలు: 16°45′10″N 77°56′16″E / 16.7528097°N 77.9379126°E | |
|---|---|
| రాష్ట్రం | తెలంగాణ |
| జిల్లా | మహబూబ్ నగర్ జిల్లా |
| మండలం | జడ్చర్ల |
| ప్రభుత్వం | |
| - సర్పంచి | |
| జనాభా (2011) | |
| - మొత్తం | 32,598 |
| - పురుషుల సంఖ్య | 16,329 |
| - స్త్రీల సంఖ్య | 16,269 |
| - గృహాల సంఖ్య | 6,957 |
| పిన్ కోడ్ | |
| ఎస్.టి.డి కోడ్ | |
శ్రీ వాసవి కన్యకా పరమేశ్వరి దేవస్థానం మార్చు
శ్రీ కన్యకా పరమేశ్వరీ మాత ఆలయం:- ఈ ఆలయం మహిమాన్వితాలకు నెలవుగా భాసిల్లుతోంది. సర్వసంపదలకూ అధిపతియైన కుబేరుడే, తనకు ఒక పుత్రిక కావాలని తపస్సుచేయడం, పెనుగొండరాజు కుసుమగుప్తుడిగా కుబేరుడు జన్మించి, పార్వతీదేవినే పుత్రికగా పొంది, ఆ తల్లి వాసవీ దేవిగా పెరిగి పెద్దదై, భౌతికసుఖదుఖాలకు, దుర్మార్గులకు తలవంచనని నిరూపిస్తూ, కలియుగంలో ధర్మ సంరక్షణా ప్రయత్నంలో, ఆత్మార్పణం చేసుకున్న పవిత్రురాలు ఈజగన్మాత. ఆతల్లి వైశ్యుల కులదేవతగా, భక్తుల పూజలందుకుంటుంది.[2]
విద్యాసంస్థలు మార్చు
- విశ్వవికాస్ జూనియర్ కళాశాల ( స్థాపన: 1996-1997 )
- డాక్టర్ బి.ఆర్.ఆర్.ప్రభుత్వ డిగ్రీ & పోష్టు గ్రాడ్యేట్ కళాశాల.