స్వర్ణకమలాలు (పుస్తకం)

స్వర్ణకమలాలు ప్రముఖ రచయిత్రి ఇల్లిందల సరస్వతీదేవి రచించిన కథల సంకలనం. భారతీయ అత్యున్నత సాహిత్య పురస్కారంగా వాసికెక్కిన కేంద్ర సాహిత్య అకాడమీ అవార్డు పొందిన తొలి తెలుగు రచయిత్రిగా ఇల్లిందల సరస్వతీదేవిని ఈ కథాసంకలనం నిలిపింది. ఈ గ్రంథంలో వంద కథలున్నాయి. వాటిలో కొన్ని అంతకు ముందు "పండుగ బహుమానము", "అక్కరకు రాని చుట్టము", "ముత్యాలమనసు" అనే సంపుటాలలో ప్రచురింపబడ్డాయి. 1981లో వెలువడిన ఈ కథా సంకలనానికి ప్రముఖ రచయిత అమరేంద్ర "తొలి పలుకుల"ను అందించాడు. ఈ సంకలనంలోని అనేక కథలు హిందీ, కన్నడ, ఇతర భారతీయ భాషలలోనికి అనువదించబడ్డాయి.

స్వర్ణకమలాలు
కృతికర్త:	ఇల్లిందల సరస్వతీదేవి
ముఖచిత్ర కళాకారుడు:	శీలా వీర్రాజు
దేశం:	భారతదేశం
భాష:	తెలుగు
ప్రక్రియ:	కథా సంకలనము
విభాగం (కళా ప్రక్రియ):	తెలుగు సాహిత్యం
ప్రచురణ:	ఇల్లిందల సరస్వతీదేవి
విడుదల:	1981

కథల జాబితా

1. కొండ మల్లెలు
2. చీకటిలో చెదరని మనిషి
3. ఎదిగిన కొడుకు
4. దగాపడ్డ డాక్టరమ్మ
5. సప్తమ భావము
6. తనదాకా వస్తేనే కాని
7. శాంతించిన సముద్రం
8. తండ్రి పోలిక
9. సైకాలజీ
10. పొద్దు వన్నెలు
11. బహుమానము
12. రజతోత్సవం
13. మూగజీవులు
14. సలహా
15. గ్రహపాటు
16. తారతమ్యము
17. జీవితానికొక తోడు
18. సహోదరులు
19. డైరీ
20. పరోక్షము - సమక్షము
21. నడచిన బాట
22. పునర్లబ్ధము
23. కాగితప్పూలు
24. ఉదరనిమిత్తం
25. మెహ్తరాని
26. మహోన్నతుడు
27. అనాశ్వాసిత
28. మనసులోని ఇజమ్‌
29. వీడినమబ్బులు
30. అసమర్థుడు
31. ప్రత్యక్ష పరిచయం
32. డోలారోహణ
33. స్వాతంత్ర్య సిద్ధి
34. పండుగ చీరె
35. మాయా ముత్యాలు
36. పితృ హృదయం
37. నవ్వులాట
38. అక్కరకు వచ్చిన చుట్టం
39. పరిత్యక్తుడు
40. పై మనిషి
41. శలభాలు
42. గళ్ళ లుంగీ
43. ముత్యాల మనసు
44. విజయ గర్వం
45. వ్యాపారం
46. కత్తిమీద సాము
47. పచ్చ బంగీ
48. వేమూరి వారి కోడలు
49. కథ వెనుక దాగిన నిజం
50. నాగరీకము
51. కడసారి వాడు
52. దొరలు
53. కలిసి వీడిన జోడు
54. స్వర్ణకమలాలు

పురస్కారాలు

• 1982లో ఈ పుస్తకానికి కేంద్ర సాహిత్య అకాడమీ పురస్కారం లభించింది.
• 1982లో ఆంధ్రప్రదేశ్ సాహిత్య అకాడమి ఈ పుస్తకాన్ని ఉత్తమ తెలుగు గ్రంథంగా ప్రకటించింది.

అభిప్రాయాలు

• "స్వర్ణకమలాలు"లో వర్గభేదాన్ని కళ్ళకు కట్టించారు రచయిత్రి. వరకట్నం మూలంగా అవివాహితలుగా వుండి పోతున్న స్త్రీలని, వారి దయనీయ స్థితిని చూపించారు. స్త్రీలు విద్యా వంతులు, ఉద్యోగినులు అయినప్పుడే అనేక సమస్యలు పరిష్కారం అవుతాయని ఆమె అనేక కథల్లో సూచించారు. - అజహరుద్దీన్ (కేంద్ర సాహిత్య అకాడమీ పురస్కారాలు పొందిన తెలంగాణ రచనలు-సమగ్ర విశ్లేషణ అనే వ్యాసంలో)
• సరస్వతీదేవి గారి కథలు ఉన్నతాదర్శాలనూ ఉత్తమాభిరుచులనూ పెంపొందించే ఉదాత్త దృష్టితో తీర్చిదిద్దిన కథలు. ఈ కథల్లో ప్రధానంగా ఆకర్షించే విశేషం అపారమైన వస్తువైవిధ్యం, ఎన్నో తరాలవాళ్ళు, ఎన్నో తరహాల వాళ్ళు కళ్ళముందు మెదులుతారు. మూసలో పోసిన అచ్చులు కాక రక్తమాంసాలతో జీవించే నరనారీ జనాన్ని పాత్రలుగా మలచడంలో నైపుణ్యం కనబరిచారు. - అమరేంద్ర (స్వర్ణకమలాలు పుస్తకం తొలిపలుకులు లో)