ప్రధాన మెనూను తెరువు

డాక్టర్ అశోక్ తన్వర్ (హిందీ:अशोक तंवर) (జననం ఫిబ్రవరి 12, 1976) భారతదేశానికి చెందిన ఒక రాజకీయ నాయకుడు, యువజన కాంగ్రెస్ & NSUI విభాగాలకు గతంలో ఆయన అధ్యక్షుడిగా పనిచేశారు, ప్రస్తుతం సిర్సా నుంచి పార్లమెంట్ సభ్యుడిగా సేవలు అందిస్తున్నారు.ప్రతిష్ఠాత్మక యువజన కాంగ్రెస్ అధ్యక్షుడి బాధ్యతలు నిర్వహించిన అతి పిన్నవయస్కుడిగా ఆయన గుర్తింపు పొందారు. ఒక దళిత నాయకుడిగానే కాకుండా, జవహర్‌లాల్ నెహ్రూ విశ్వవిద్యాలయ వ్యవస్థలో సభ్యత్వం వలన కూడా ఆయనకు ప్రత్యేక గుర్తింపు లభించింది.[1]

Dr. Ashok Tanwar

పదవీ కాలము
2009 - incumbent
ముందు Atma Singh Gill
నియోజకవర్గం Sirsa

పదవీ కాలము
2005 - 2010
ముందు Randeep Surjewala
తరువాత Rajiv Satav

President NSUI
పదవీ కాలము
2003-2005
ముందు Meenakshi Natarajan
తరువాత Nadeem Javed

వ్యక్తిగత వివరాలు

జననం (1976-02-12) 1976 ఫిబ్రవరి 12 (వయస్సు: 43  సంవత్సరాలు)
రాజకీయ పార్టీ Indian National Congress Flag of the Indian National Congress.svg
జీవిత భాగస్వామి Avantika Maken
నివాసము New Delhi
మతం Hinduism
March 20, 2010నాటికి

విషయ సూచిక

ప్రారంభ జీవితంసవరించు

హర్యానాలోని జజ్జార్ ప్రాంతంలో దిల్బాగ్ సింగ్ మరియు కృష్ణ రతి దంపతులకు ఆయన జన్మించారు. హిస్టారికల్ స్టడీస్ కోర్సు చదివేందుకు ఆయన జవహర్‌లాల్ నెహ్రూ విశ్వవిద్యాలయం యొక్క కేంద్రంలో చేరారు, ఆయన M.A., M.Phil Ph.D. (హిస్టరీ) పూర్తి చేశారు.

రాజకీయ జీవితంసవరించు

డాక్టర్ అశోక్ తన్వర్ తన రాజకీయ జీవితాన్ని JNUలో NSUI కార్యకర్తగా ప్రారంభించారు.

రాజకీయాల్లో ఎదుగుదలసవరించు

కాంగ్రెస్ పార్టీలో ఎదుగుతున్న యువ నేతల్లో తన్వర్ ఒకరు.ఆయన యువజన కాంగ్రెస్ అధిపతి రాహుల్ గాంధీకి సన్నిహిత సహచరుడిగా ఉన్నారు.[1] తన్వర్ USP (విశ్వవిద్యాలయ విద్యార్థి నాయకుడు)గా ఉన్నప్పుడు కాంగ్రెస్ విద్యార్థి విభాగం నేషనల్ స్టూడెంట్స్ యూనియన్ ఆఫ్ ఇండియాకు JNU ప్రాంగణంలో అంతంతమాత్రపు ప్రాబల్యం ఉండేది.JNUలో అధ్యక్ష పదవికి పోటీ చేసిన ప్రతిసారి ఆయనకు (NSUI నుంచి పోటీ చేసిన) మిగిలినవారందరి కంటే ఎక్కువ ఓట్లు వచ్చాయి.1999లో తన్వర్ NSUI కార్యదర్శిగా బాధ్యతలు చేపట్టారు, 2003లో ఈ సంస్థ అధ్యక్షుడిగా నియమించబడ్డారు.2003లో ఆయన బాధ్యతలు చేపట్టిన తరువాత ఢిల్లీ యూనివర్శిటీ స్టూడెంట్స్ యూనియన్ (DUSU) ఎన్నికల్లో NSUI వరుసగా రెండు ప్రధాన విజయాలు సాధించింది, వామపక్షాలు ఆధిపత్యం ఉన్న JNUలో NSUI పనితీరు మెరుగుపడింది, అధ్యక్షుడిగా ఉన్నప్పుడు ఆయన NSUI కార్యకలాపాల్లో క్రమశిక్షణకు ఎక్కువ ప్రాధాన్యత ఇచ్చారు.[2]

యువజన కాంగ్రెస్ అధ్యక్షుడిగాసవరించు

యువజన కాంగ్రెస్ (ఇండియన్ యూత్ కాంగ్రెస్ - IYC) అధ్యక్షుడిగా అశోక్ తన్వర్ పనిచేసినప్పుడు, IYCని పటిష్ఠపరచడంపై దృష్టి పెట్టారు, ఆడిటోరియంలు, వర్క్‌షాప్‌లు మరియు సదస్సులకు ప్రాధాన్యత ఇచ్చారు. వీధి ప్రదర్శనలు మరియు సామాజిక పనుల ద్వారా ప్రజలు ఎదుర్కొంటున్న సమస్యలను వెలుగులోకి తీసుకురావడానికి కృషి చేశారు. అశోక్ తన్వర్ నేతృత్వంలో సామాజిక సమస్యలకు ప్రాధాన్యత ఇస్తూ చేపట్టిన అనేక కార్యక్రమాలు దేశవ్యాప్తంగా విస్తరించబడ్డాయి. అమ్ ఆద్మీ కా సిపాయి (AAKS) భావాన్ని ఆయన అధ్యక్షుడిగా ఉన్న కాలంలోనే అమలు చేశారు. యువత సాధికారత కోసం ఉద్దేశించిన కార్యక్రమాలకు ప్రత్యేక ప్రాధాన్యత ఇవ్వడం జరిగింది, రాహుల్ గాంధీ యొక్క లక్ష్యాలు ఈ కార్యక్రమాల ద్వారా కార్యరూపం సంతరించుకున్నాయి.యువజన కాంగ్రెస్ ఆయన నాయకత్వంలో ఎంతో పురోగతి సాధించింది.

ఆయన అధ్యక్షుడిగా ఉన్నప్పుడు చేపట్టిన కార్యక్రమాల్లో ఒక ప్రత్యేక కోణం ఏమిటంటే వీటన్నింటినీ వికేంద్రీకరణ పద్ధతిలో అమలు చేశారు, బ్లాకు, జిల్లా మరియు రాష్ట్ర యువజన కాంగ్రెస్ విభాగాలు దీనిలో పాలుపంచుకున్నాయి. ఆయన సంస్థలో ప్రతిభావంతులకు ప్రత్యేక గుర్తింపు ఇచ్చారు. అన్ని రాష్ట్రాల్లో సంస్థాగత ఎన్నికలు నిర్వహించేందుకు సిద్ధం చేసిన ప్రణాళికల్లో ఈ ప్రాధాన్యతలు ప్రతిబింబించాయి. పంజాబ్ మరియు గుజరాత్ రాష్ట్రాల్లో ఎన్నికలు జరిగినప్పుడు వివిధ నేపథ్యాల నుంచి భారీ సంఖ్యలో యువకులు యువజన కాంగ్రెస్‌లో చేరారు, తద్వారా యువజన కాంగ్రెస్ బలపడింది, ఈ విధంగా ఆయన అన్ని రాష్ట్రాల్లో కాంగ్రెస్ పార్టీ బలపడటానికి కృషి చేశారు.

2009 లోక్‌సభ ఎన్నికలుసవరించు

2009 లోక్‌సభ ఎన్నికల్లో హర్యానాలోని సిర్సా నియోజకవర్గం నుంచి కాంగ్రెస్ పార్టీ అశోక్ తన్వర్‌ను తమ అభ్యర్థిగా నిలబెట్టింది,[3] ఆయన INLD [4] కి చెందిన సమీప ప్రత్యర్థి డాక్టర్ సీతారామ్‌పై 35499 ఓట్ల తేడాతో విజయం సాధించి ఈ ఎన్నికల్లో విజయం సాధించారు.[5] ఇతర అభ్యర్థుల విజయాల కంటే హర్యానా రాజకీయాల్లో కీలక నేతగా ఉన్న చౌదరీ ఓం ప్రకాశ్ చౌతాలా సొంత జిల్లా అయిన సిర్సాలో తన్వర్ విజయం సాధించడం ఎంతో ప్రాముఖ్యత సంతరించుకుంది, ఈ నియోజకవర్గం నుంచి ఎన్నికల్లో పోటీకి సన్నద్ధమయ్యేందుకు ఆయనకు నెల రోజుల కంటే తక్కువ సమయం మాత్రమే లభించినప్పటికీ విజయం సాధించి తన సత్తా చాటారు. ఈ విజయంతో అశోక్ తన్వర్ జాతీయ స్థాయిలో నాయకుడిగా తనకంటూ గుర్తింపు తెచ్చుకున్నారు, కాంగ్రెస్ ప్రధాన కార్యదర్శి రాహుల్ గాంధీ 2009 లోక్‌సభ ఎన్నికల కోసం ఎంపిక చేసిన అభ్యర్థుల్లో అశోక్ తన్వర్ కూడా ఒకరు.

వ్యక్తిగత జీవితంసవరించు

మాజీ భారత రాష్ట్రపతి డాక్టర్ శంకర్ దయాళ్ శర్మ యొక్క తల్లితరపు మునిమనవరాలు లలిత్ మాకెన్ కుమార్తె అవంతికా మాకెన్‌ను అశోక్ తన్వర్ జూన్ 2005లో వివాహం చేసుకున్నారు. వీరికి ఇద్దరు కుమారులు మరియు ఒక కుమార్తె జన్మించారు.

సూచనలుసవరించు

బాహ్య లింకులుసవరించు