ఆలపాటి రాజేంద్ర ప్రసాద్

ఆలపాటి రాజేంద్ర ప్రసాద్ ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన తెనాలి, వేమూరు నియోజకవర్గాల నుండి మూడుసార్లు ఎమ్మెల్యేగా ఎన్నికై మంత్రిగా పనిచేశాడు.

ఆలపాటి రాజేంద్ర ప్రసాద్
ఎమ్మెల్యే
అధికారంలో ఉన్న వ్యక్తి
అధికార ప్రారంభం 2014 - 2019
ముందు	నాదెండ్ల మనోహర్
తరువాత	అన్నాబత్తుని శివకుమార్
నియోజకవర్గం	తెనాలి
ఎమ్మెల్యే
పదవీ కాలం 1994 – 2004
ముందు	ఆలపాటి ధర్మారావు
తరువాత	రాజ్ సతీష్ పాల్
నియోజకవర్గం	వేమూరు
వ్యక్తిగత వివరాలు
జననం	04 ఫిబ్రవరి 1960 గుంటూరు, ఆంధ్ర ప్రదేశ్
ఇతర రాజకీయ పార్టీలు	తెలుగుదేశం పార్టీ
తల్లిదండ్రులు	శివ రామకృష్ణ
జీవిత భాగస్వామి	మాధవి
సంతానం	అనూహ్య & అమూల్య

రాజకీయ జీవితం

ఆలపాటి రాజేంద్ర ప్రసాద్ తెలుగుదేశం పార్టీ ద్వారా రాజకీయాల్లోకి వచ్చి పార్టీలో వివిధ హోదాల్లో పని చేసి 1994లో జరిగిన ఆంధ్రప్రదేశ్ శాసనసభ ఎన్నికల్లో వేమూరు నియోజకవర్గం నుండి తొలిసారిగా, 1999లో రెండోసారి వరుసగా ఎమ్మెల్యేగా ఎన్నికయ్యాడు. ఆయన ఆ తరువాత 2004లో జరిగిన ఎన్నికల్లో ఓటమిపాలయ్యాడు. ఆలపాటి రాజేంద్ర ప్రసాద్ 22 అక్టోబర్ 1999 నుండి 26 నవంబర్ 2001 వరకు చంద్రబాబు మంత్రివర్గంలో విద్యాశాఖ మంత్రిగా పని చేశాడు.

ఆలపాటి రాజేంద్ర ప్రసాద్ ఆ తరువాత జరిగిన ఆంధ్రప్రదేశ్ శాసనసభ ఎన్నికల్లో తెనాలి నియోజకవర్గం నుండి 2009, 2014, 2019లో పోటీ చేసి 2014లో ఎమ్మెల్యేగా గెలిచాడు.