ఏడడుగుల అనుబంధం
ఏడడుగుల అనుబంధం చిత్రం 1979 లో విడుదల.నారాయణరావు , జయసుధ,ప్రభాకరరెడ్డి , ఫటాఫట్ జయలక్ష్మి ముఖ్యతారాగణం . ఈ చిత్రానికి దర్శకుడు గా లక్ష్మీదీపక్ , పనిచేశారు.సంగీతం చక్రవర్తి అందించారు.
| ఏడడుగుల అనుబంధం (1979 తెలుగు సినిమా) | |
.jpg) సినిమా పోస్టర్ | |
|---|---|
| దర్శకత్వం | లక్ష్మీదీపక్ |
| కథ | మద్దిపట్ల సూరి |
| తారాగణం | నారాయణరావు, జయసుధ, ఫటాఫట్ జయలక్ష్మి |
| సంగీతం | చక్రవర్తి |
| సంభాషణలు | మద్దిపట్ల సూరి |
| నిర్మాణ సంస్థ | బాబు ఇంటర్నేషనల్ |
| భాష | తెలుగు |
కథ
మార్చురాజారామేశ్వరప్రసాద్ ప్రేమకు మాత్రమే జమీందారు. పరువుకు ప్రాకులాడే మంచిమనిషి. ఆస్తి అంతా, ఆఖరుకు నివాసముంటున్న భవనం కూడా తనఖాలో ఉంటుంది. కూతురు రమకు గొప్పింటి సంబంధం వస్తుంది. కట్నం, కానుకల కోసం, ఖర్చుల కోసం లక్ష రూపాయలు కావలసి వస్తుంది. రామేశ్వరప్రసాద్ తన కొడుకు రఘును పిలిచి కుటుంబ ఆర్థిక పరిస్థితిని వివరించి, అతనికి గల బరువు బాధ్యతలను తెలియజేస్తాడు. రమ పెళ్లి జరగాలంటే ముందు రఘు పెళ్లి చేసుకోవాలనుకుంటాడు. అంతకు మునుపే రజని అనే అమ్మాయిని మనసా, వాచా ప్రేమించిన రఘు బరువుబాధ్యతల పేరుతో చదువు సంస్కారం ఉన్న పెద్దింటి అమ్మాయి లక్ష్మిని పెళ్లి చేసుకుంటాడు. పెళ్లయితే చేసుకుంటాడు కాని లక్ష్మిని తాకనయినా తాకడు. లక్ష్మి నగలు, తెచ్చిన కట్నం పుణ్యమా అని రమ పెళ్లి జరిగిపోతుంది. రఘుకు ఉద్యోగం రాగానే భార్యకు చెప్పకుండానే వెళ్లిపోతాడు. అక్కడ రజనిని కలుసుకుంటాడు. లక్ష్మి అత్తమామల కోసం ఉద్యోగం చేస్తూ ఉంటుంది. ఒక రోజు రఘు హటాత్తుగా వచ్చి విడాకుల పత్రంపై సంతకం చేయించుకుని వెళ్లిపోతాడు. రజనిని రిజిస్టర్ వివాహం చేసుకుంటాడు. తన భర్త తన చిన్ననాటి స్నేహితురాలి భర్తే అని తెలుసుకున్న రజని కుమిలిపోతుంది.[1]
నటీనటులు
మార్చు- ప్రభాకర రెడ్డి
- నారాయణరావు
- జయసుధ
- ఫటాఫట్ జయలక్ష్మి
- కృష్ణకుమారి
- మిక్కిలినేని
- మాడా
- రవికాంత్
సాంకేతిక వర్గం
మార్చు
- కథ, మాటలు: మద్దిపట్ల సూరి
- దర్శకత్వం: లక్ష్మీదీపక్
- సంగీతం: కె.చక్రవర్తి
- ఛాయాగ్రహణం: దేవరాజు
- నిర్మాత: కె.ఎస్.రామకృష్ణ
పాటల జాబితా
మార్చు1.ఏడడుగుల అనుబంధం అంతులేని ఆనందం ఉండాలి, రచన: దాశరథి, గానం.పులపాక సుశీల
2.నడుము సన్నాయిదానా తందానా నల్లని జడదాన, రచన: సింగిరెడ్డి నారాయణరెడ్డి, గానం.ఎస్ పి బాలసుబ్రహ్మణ్యం, శిష్ట్లా జానకి బృందం
3.ముచ్చటగా నువ్వు పక్కన ఉంటే నా మనసే , రచన: వీటూరి వెంకట సత్య సూర్యనారాయణ మూర్తి, గానం.ఎస్ . పి బాలసుబ్రహ్మణ్యం, పి సుశీల
4 . సందెవేళా చంకనెక్కుతా మదిలో గిలి గిలి అబ్బా, రచన: ఆత్రేయ, గానం.జి.ఆనంద్, ఎస్ జానకి.
మూలాలు
మార్చు- ↑ వెంకట్రావ్ (10 April 1979). "చిత్రసమీక్ష - ఏడడుగుల అనుబంధం". ఆంధ్రపత్రిక దినపత్రిక. No. సంపుటి 66, సంచిక 9. Retrieved 13 December 2017.[permanent dead link]
2.ఘంటసాల గళామృతము , కొల్లూరి భాస్కరరావు బ్లాగ్.