ఫటాఫట్ జయలక్ష్మి

ఫటాఫట్ జయలక్ష్మిగా పిలువబడే జయలక్ష్మీరెడ్డి (1958-1980) దక్షిణ భారతీయ సినిమా నటిగా ప్రసిద్ధురాలు. ఈమె మలయాళ సినిమాలలో "సుప్రియ" అనే పేరుతో పిలువబడుతున్నది. ఈమె తెలుగు, తమిళ, కన్నడ, మలయాళ భాషలలో 66 చిత్రాలలో నటించింది.

ఫటాఫట్ జయలక్ష్మి(fatafat jayalaxmi)
జననం	జయలక్ష్మి రెడ్డి 1958 చెన్నై, తమిళనాడు, భారతదేశం
మరణం	1980 (వయసు 22) చెన్నై, తమిళనాడు, భారతదేశం
గుర్తించదగిన సేవలు	చంద్ర (అంతులేని కథ)

వృత్తి

ఈమె నటిగా తన వృత్తిని 1972లో మలయాళం సినిమా తీర్థయాత్రతో సుప్రియ అనే పేరుతో ప్రారంభించింది. 1974లో కె.బాలచందర్ దర్శకత్వంలో "అవల్ ఒరు తొదర్ కథై" సినిమాలో జయలక్ష్మి అనే పేరుతో నటించింది. ఆ చిత్రంలో ఆమె హీరోయిన్ స్నేహితురాలి పాత్ర ధరించింది. ఆ పాత్ర ఊతపదం "ఫటాఫట్" ప్రేక్షకులలో బాగా పేలడంతో ఫటాఫట్ ఆమె ఇంటిపేరుగా మారిపోయి ఫటాఫట్ జయలక్ష్మిగా స్థిరపడిపోయింది. ఈ సినిమా తెలుగులో అంతులేని కథ పేరుతో 1976లో రీమేక్ చేయబడింది. ఈమె కమల్ హాసన్, రజనీకాంత్, ఎన్.టి.రామారావు, చిరంజీవి మొదలైన అగ్రనటుల సరసన నటించింది.

వ్యక్తిగత జీవితం

ఈమె ఎం.జి.రామచంద్రన్ తమ్ముడు చక్రపాణి కొడుకు సుకుమార్‌ను ప్రేమించింది. అయితే అది పెళ్ళిగా మారలేదు. దానితో తన 22 యేళ్ల పిన్న వయసులోనే 1980లో, నటిగా ఉన్నత స్థాయిలో ఉన్నదశలోనే ఈమె నిద్రమాత్రలు మింగి ఆత్మహత్య చేసుకుంది,, .

సినిమాల జాబితా

ఫటాఫట్ జయలక్ష్మి నటించిన తెలుగు సినిమాల పాక్షిక జాబితా:

1. ఇద్దరు అమ్మాయిలు (1972)
2. స్వర్గం నరకం (1975)
3. జ్యోతి (1976) - శశిరేఖ
4. అంతులేని కథ (1976) - చంద్ర
5. ఈనాటి బంధం ఏనాటిదో (1977)
6. చల్ మోహనరంగా (1978)
7. మరో చరిత్ర (1978)
8. కోరికలే గుర్రాలైతే (1979)
9. ముత్తయిదువ (1979)
10. జాతర (1980)
11. మంచిని పెంచాలి (1980)
12. కాళి (1980)
13. రామ్ రాబర్ట్ రహీమ్ (1980)
14. న్యాయం కావాలి (1981) - జయలక్ష్మి
15. తిరుగులేని మనిషి (1981) - పద్మ
16. చందమామ (1982)

బయటి లింకులు

• ఇంటర్నెట్ మూవీ డేటాబేసు లో ఫటాఫట్ జయలక్ష్మి పేజీ