ప్రధాన మెనూను తెరువు

ఐశ్వర్య రాయ్ (జననం 1 నవంబరు 1973), ప్రముఖ భారతీయ నటి, మాజీ ప్రపంచ సుందరి. 1994వ సంవత్సరంలో విశ్వసుందరిగా ఎంపికయ్యారామె. ఆమె ఎన్నో సినిమాల్లోనూ యాడ్ లలోనూ నటించారు. ఫిలింఫేర్ పురస్కారాల నామినేషన్ తో పాటు ఎన్నో పురస్కారాలు అందుకున్నారు ఐశ్వర్య. 2009లోభారత ప్రభుత్వం ఆమెను పద్మశ్రీ పురస్కారంతో గౌరవించింది. ప్రపంచంలోని అత్యంత అందమైనవారిలో ఒకరిగా ఐశ్వర్యను పేర్కొంటుంటారు.[1][2][3][4][5]

ఐశ్వర్యారాయ్
Aishwarya Rai Cannes 2017.jpg
2017 కన్నెస్ ఫిలిం ఫెస్టివల్ లో రాయ్
జననం (1973-11-01) 1973 నవంబరు 1 (వయస్సు: 46  సంవత్సరాలు)
మంగళూరు, కర్ణాటక, భారతదేశం
నివాసంముంబాయి, మహారాష్ట్ర, భారతదేశం
జాతీయతభారతీయులు
విద్యాసంస్థలుముంబాయి విశ్వవిద్యాలయం
వృత్తిసినిమానటి, మోడాల్
క్రియాశీలక సంవత్సరాలు1994–ప్రస్తుతం
శీర్షిక1994 మిస్ వరల్డ్
జీవిత భాగస్వామిఅభిషేక్ బచ్చన్ (వి. 2007)
పిల్లలు1
పురస్కారాలుపూర్తి జాబితా
Honours
సంతకం
Signature of Aishwarya Rai Bachchan.svg

ఆమె కాలేజీలో చదువుకునేప్పటినుంచే మోడలింగ్ చేసేవారు. కొన్ని టీవీ ప్రకటనల్లోనూ నటించిన ఆమె, మిస్ ఇండియా పోటీల్లో రెండో స్థానాన్ని సంపాదించుకున్నారు. 1994లో మిస్ వరల్డ్ పోటీల్లో విజేత అయ్యి విశ్వసుందరిగా నిలిచారు. ఆ తరువాత ఆమె సినిమాల్లో నటించడం మొదలుపట్టారు. 1997లో తమిళ సినిమా ఇరువర్ (ఇద్దరు) తో తెరంగేట్రం చేశారు ఐశ్వర్య. అదే సంవత్సరం హిందీలో ఔర్ ప్యార్ హో గయా సినిమాలో నటించారు. తమిళ్ లో నటించిన జీన్స్ (1998) సినిమాతో మొదటి హిట్ అందుకున్నారు ఐశ్వర్య. హమ్ దిల్ దే చుకే సనమ్ (1999), దేవదాస్ సినిమాల్లోని నటనకుగానూ ఫిలింఫేర్ ఉత్తమ నటి పురస్కారాలు అందుకున్నారు. ఆమె నటించిన బెంగాలీ సినిమా  చొఖెర్ బలి (2003), రెయిన్ కోట్ (2004), బ్రిటిష్ చిత్రం ప్రొవొక్డ్ (2006) సినిమాల్లోని నటనకు విమర్శకుల నుంచి ప్రశంసలు అందుకున్నారు. మొహొబ్బతె (2000), ధూమ్2 (2006), జోధా అక్బర్ (2008), ఎంథిరన్ (2010 (రోబో) ) సినిమాలు ఆమె కెరీర్ లోనే అతిపెద్ద హిట్ లుగా నిలిచాయి. గుజారిష్ (2010) సినిమాలో నటనకు కూడా మంచి ప్రశంసలు లభించాయి. ఆ తరువాత ఆమె సినిమాలకు దూరంగా ఉన్నారు. తిరిగి 2015లో జజ్బా సినిమాతో తిరిగి రెండో ఇన్నింగ్స్ మొదలుపెట్టారు.

2007లో ఐశ్వర్య ప్రముఖ బాలీవుడ్ నటుడు అభిషేక్ బచ్చన్ ను వివాహం చేసుకున్నారు. వారికి ఒక పాప ఆరాధ్య. ఆమె  ఎన్నో స్వచ్ఛంద సంస్థలకు ప్రచారం చేస్తారు. ఎయిడ్స్ గురించి ప్రచారం చేసే జాయింట్ యునైటెడ్ నేషన్స్ ప్రోగ్రాం (యు.ఎన్.ఎ.ఐ.డి.ఎస్) కు ఆమె ప్రచారకర్తగా వ్యవహరిస్తున్నారు.  కేన్స్ ఫిలిం ఫెస్టివల్ కు జ్యూరీ మెంబర్ గా వ్యవహరించిన మొట్టమొదటి భారతీయ నటి ఐశ్వర్య. 2003లో ఫిలిం ఫెస్టివల్ కు ఆమె జ్యూరీ మెంబర్ గా చేశారు.

తొలినాళ్ళ జీవితం, మోడలింగ్సవరించు

కర్ణాటకలోని మంగళూరులో తుళు మాతృభాషగా గల బంట్  కుటుంబంలో[6] జన్మించారు ఐశ్వర్య.[7] ఆమె త్రండ్రి కృష్ణరాజ్ సైన్యంలో పనిచేసేవారు. ఆమె తల్లి బృంద గృహిణి.[8] ఆమె అన్నయ్య ఆదిత్య రాయ్ మర్చెంట్ నేవీలో ఇంజినీరుగా పనిచేస్తున్నారు. 2003లో ఆమె నటించిన దిల్ కా రిష్తా సినిమాకు ఆమె అన్నయ్య సహ నిర్మాతగా వ్యవహరించగా, సహరచయితగా ఆమె తల్లి పనిచేశారు.[9][10] ఆమె చిన్నతనంలోనే వారి కుటుంబం ముంబైకు మారిపోయింది. అక్కడే  ఆర్య విద్యా మందిర్ హై స్కూల్ లో చదువుకున్నారు ఆమె.[8] ఇంటర్మీడియట్ మొదటి సంవత్సరం జై హింద్ కళాశాలలోనూ, [11] తరువాత మొత్తం మతుంగాలోని డిజి రుపరెల్ కళాశాలలోనూ చదువుకున్నారు ఐశ్వర్య.[12] ఆమె హెచ్.ఎస్.సి పరీక్షల్లో 90శాతం మార్కులు సాధించారు.[8][13] టీనేజ్ లో ఉండగా ఐదేళ్ళ పాటు శాస్త్రీయ సంగీతం, నృత్యం నేర్చుకున్నారు.[13] ఆమెకు ఇష్టమైన సబ్జెక్టు జువాలజీ కావడంతో డాక్టరవ్వాలని అనుకునేవారట.[13] ఆ తరువాత ఆర్కిటెక్ట్ అవ్వాలని రచనా సంసంద్ అకాడమీ ఆఫ్ ఆర్కిటెక్చర్ లో చేరారు.[13] కానీ మోడలింగ్ వైపే మనసున్న ఆమె చదువు వదిలిపెట్టి అటువైపు ప్రయత్నాలు మొదలుపెట్టారు.[11]

1991లో ఫోర్డ్ సంస్థ నిర్వహించిన అంతర్జాతీయ సూపర్ మోడల్ కాంటెస్ట్ లో గెలిచిన ఐశ్వర్య గురించి ప్రఖ్యాత అమెరికన్ పత్రిక వోగ్ లో వచ్చింది.[12][14] 1993లో నటుడు ఆమిర్ ఖాన్, మహిమా చౌదరితో  కలసి ఆమె నటించిన పెప్సీ యాడ్ పెద్ద హిట్ అయింది. "హాయ్ అయాం సంజన" అని ఆమె చెప్పే ఒక్క డైలాగ్ చాలా ప్రఖ్యాతి పొందింది.[14][15] 1994 మిస్ ఇండియా పోటీల్లో సుస్మితా సేన్ మొదటి స్థానం  పొందగా, ఐశ్వర్య రెండో స్థానం సంపాదించుకున్నారు. అదే ఏడాది విశ్వసుందరిగా నిలిచారు ఐశ్వర్య. మిస్ వరల్డ్ టైటిల్ తో పాటు మిస్ కాట్ వాక్, మిస్ మిరాకులస్, మిస్ ఫోటోజెనిక్, మిస్ పర్ఫెక్ట్ టెన్, మిస్ పాపులర్ టైటిళ్ళు కూడా గెలుచుకున్నారు.[16] ఆ తరువాత సౌత్  ఆఫ్రికాలోని సన్ సిటీలో జరిగిన మిస్ యూనివర్స్ పోటీల్లో సుస్మిత గెలవగా, ఐశ్వర్య రెండో స్థానం గెలుచుకున్నారు.[17] ఆదే పోటీల్లో మిస్ ఫోటోజెనిక్, మిస్ వరల్డ్ కాంటినెంటల్ క్వీన్ ఆఫ్ బ్యూటీ-ఆసియా అండ్ ఒషెనియా టైటిళ్ళను కూడా సాధించారామె.[18] ఈ పోటీలో గెలిచిన తరువాత ఆమె మాట్లాడుతూ తాను ప్రపంచ శాంతిని కోరుకుంటానని తెలిపారు.[16][19] ఆ తరువాత సినిమాల్లో నటించేంతవరకు ఆమె మోడలించ్ చేస్తూ వచ్చారు.[20]

వ్యక్తిగత జీవితంసవరించు

1999 నుంచి నటుడు సల్మాన్ ఖాన్ తో డేటింగ్ చేస్తూ వచ్చిన ఐశ్వర్య ఎప్పుడూ వార్తల్లోనే ఉండేవారు. 2002లో వీరిద్దరూ విడిపోయారు. తన గురించి అసభ్యంగా మాట్లాడి తనను అవమానించినందుకే ఆయనతో విడిపోయానని వివరించారు ఆమె.[21]

దస్త్రం:Abhishek & Aishwarya.jpg
ఏప్రిల్ 2008లో భర్త అభిషేక్ బచ్చన్ తో ఐశ్వర్య రాయ్.

ఆ తరువాత కూడా వారిద్దరూ కలసి ధై అక్షర్ ప్రేం కే, కుచ్ నా కహో సినిమాల్లో నటించారు. ధూమ్2 సినిమా షూటింగ్ సమయంలో అభిషేక్ బచ్చన్ ఐశ్వర్యతో ప్రేమలో పడ్డారు.[22] 14 జనవరి 2007న వారు నిశ్చితార్ధం చేసుకోబోతున్నట్టు ప్రకటించారు. ఆ తరువాత అభిషేక్ తండ్రి అమితాబ్ బచ్చన్ దానిని ధృవీకరించారు.[23] 20 ఏప్రిల్ 2007న బంట్ సంప్రదాయం ప్రకారం వారిద్దరూ వివాహం చేసుకున్నారు.[24] ఉత్తర భారతదేశ, బెంగాలీ సంప్రదాయాలు కూడా పాటించారు వారు. ముంబైలోని జుహులో బచ్చన్ల ఇల్లు ప్రతీక్షలో జరిగింది వీరి పెళ్ళి.[24] భారత మీడియా పలుసార్లు వీరిని సూపర్ కపుల్ గా పేర్కొంది.[25][26] ఆమె వివాహం అయ్యేంతవరకూ తన కుటుంబంతో కలసి ముంబైలోని బాంద్రాలో ఉండేవారు.[27][28][29] పుట్టుకతో హిందువైన ఐశ్వర్యకు సంప్రదాయాలు, ఆచారాలు, భక్తి ఎక్కువ.[3] పెళ్ళి అయిన తరువాత ఈ జంట కేన్స్ ఫిలిం ఫెస్టివల్, ది ఒపెరా వినెఫ్రే షో వంటి అంతర్జాతీయ షోలలో మాత్రమే కనిపించారు.[30] సూపర్ కపుల్ బ్రెంజెలినా అంత ప్రఖ్యాతమైన జంట వీరని పేర్కొంటుంది అంతర్జాతీయ మీడియా.[31][25][32]

16 నవంబరు 2011న వీరికి ఒక పాప పుట్టింది.[33] ఆమెను అభిమానులు బేటి బి అని పిలిచారు. ఆ తరువాత నాలుగు నెలలకు మార్చి 2012న పాపకు ఆరాధ్య బచ్చన్ అని పేరు పెట్టారు ఐశ్వర్య, అభిషేక్.[34]

అభిమానులు, మీడియా ఆమెను "యాష్", "ఐష్" అని ముద్దుపేర్లు పెట్టేవారు. కానీ ఆమె తనది చాలా మంచి పేరని, దానిని పాడుచేయటం తనకు ఇష్టం లేదనీ, తనను ఐశ్వర్య అని పిలిస్తేనే తనకిష్టమని వివరించారు.[35]

పురస్కారాలుసవరించు

ఐశ్వర్య 10 ఫిలింఫేర్ నామినేషన్లు అందుకున్నారు. అందులో హమ్ దిల్ దే చుకే సనమ్ (1999), దేవదాస్ (2002) సినిమాలకు ఫిలింఫేర్ ఉత్తమ నటి పురస్కారం అందుకున్నారు.[36][37][38][39] 2009లో భారత ప్రభుత్వం నుండి పద్మశ్రీ పురస్కారం అందుకున్నారు.[40][41] ఫ్రాన్స్ ప్రభుత్వం ఆమెను ఒర్డ్రే డెస్ ఆర్ట్స్ డెస్ లెట్టెర్స్ అవార్డుతో సత్కరించింది.

ఇవి కూడా చూడండిసవరించు

మూలాలుసవరించు

  1. Simon Robinson (15 August 2007).
  2. "NDTV awards: Amitabh, SRK, Ash icons of Indian entertainment".
  3. 3.0 3.1 "The World's Most Beautiful Woman?"cbsnews.com.
  4. Hiscock, Geoff (2007).
  5. Chhabra, Aseem (9 February 2005).
  6. ANI (27 December 2010).
  7. "Devdas: Raise your glass".
  8. 8.0 8.1 8.2 "This Week in Entertainment".
  9. Samant, Prajakta (15 January 2003).
  10. "Dil Ka Rishta is special for me: Aishwarya".
  11. 11.0 11.1 Assomull, Sujata (5 February 1999).
  12. 12.0 12.1 Dawar, Ramesh (2006).
  13. 13.0 13.1 13.2 13.3 "Behind the beauty".
  14. 14.0 14.1 Roy, Gitanjoli (1 November 2012).
  15. Ghose, Anindita (5 November 2012).
  16. 16.0 16.1 "Beauties and the B".
  17. "Metro Plus Bangalore: Beauties and the B".
  18. "1994".
  19. "INTERNATIONAL PAGEANT WINNERS".
  20. "Metro Plus Hyderabad / Cinema : Off ramp, on screen".
  21. "Salman Khan chapter was a nightmare in my life: Aishwarya Rai".
  22. "Abhishek details his love story with Aishwarya".
  23. Singh, Harneet (16 January 2007).
  24. 24.0 24.1 "Abhishek arrives on horseback for wedding".
  25. 25.0 25.1 "It's London in spring time!"
  26. "I didn't chicken out of Dostana, says Saif Ali Khan".
  27. "Why did Aishwarya dump Vivek?"
  28. "The buzz outside Ash's house".
  29. "The name's Bachchan, Aishwarya Bachchan!"
  30. Rediff, 30 September 2009.
  31. "Abhishek kisses Aishwarya on Oprah Winfrey's show".
  32. "The Hindu News Update Service".
  33. "Aishwarya Rai Bachchan delivers a baby girl!"
  34. "Bachchan baby gets a name!"
  35. "Aishwarya doesn't want to spoil her 'good' name".
  36. ఉదహరింపు పొరపాటు: సరైన <ref> కాదు; filmfareawards అనే పేరుగల ref లకు పాఠ్యమేమీ ఇవ్వలేదు
  37. Neha Sharma.
  38. "The 51st Filmfare Awards".
  39. "Bollywood's best actresses.
  40. "Why Aaradhya cried on Aishwarya Rai Bachchan's 39th birthday".
  41. "Aishwarya, Akshay, Helen in Padma Shri list".