కల్వకుర్తి
కల్వకుర్తి, తెలంగాణ రాష్ట్రంలోని నాగర్‌కర్నూల్ జిల్లా,కల్వకుర్తి మండలానికి చెందిన గ్రామం.[1]
ఇది మహబూబ్ నగర్ నుండి నల్గొండ వెళ్ళు ప్రధాన రహదారిపై ఉంది. హైదరాబాదు నుండి కూడా బస్సు సౌకర్యము ఉంది., ప్రతి 15 నిమిషాలకి ఒకసారి కల్వకుర్తి నుండి హైదరాబాదుకు మరియు హైదరాబాదు నుండి కల్వకుర్తికి బస్సులు ఉన్నాయి. మండలపు దక్షిణ సరిహద్దులో డిండి నది ప్రవహిస్తోంది. కల్వకుర్తి అసెంబ్లీ నియోజకవర్గంలో 5 మండలాలు ఉన్నాయి.పిన్ కోడ్: 509324.
చరిత్రసవరించు
ఈ ప్రాంతాన్ని పూర్వం కలువకుర్తి అని పిలిచేవారు. నిరంకుశ నిజాం పాలన వ్యతిరేక పోరాటంలో కల్వకుర్తిలో లింగారెడ్డి నాయకత్వంలో తదితరులు నిజాం వ్యతిరేక ఉద్యమంలో చురుకైన పాత్ర పోషించారు.1989లో ఇక్కడి నుండి పోటీ చేసిన అప్పటి ముఖ్యమంత్రి ఎన్టీ రామారావు కాంగ్రెస్ పార్టీ అభ్యర్థి చిత్తరంజన్ దాస్ చేతిలో పరాజయం పొందడంతో అప్పుడు ఈ నియోజకవర్గం రాష్ట్ర వ్యాప్తంగా సంచలనం సృష్టించింది.
గణాంకాలుసవరించు
2011 భారత జనాభా గణాంకాల ప్రకారం - మొత్తం 64,095 - పురుషులు 32,642 - స్త్రీలు 31,453.అక్షరాస్యుల సంఖ్య 36352.మండలంలో పట్టణ జనాభా 28110 కాగా గ్రామీణ జనాభా 36043.[2]
రవాణా సౌకర్యాలుసవరించు
అంతర్రాష్ట్ర రహదారి అయిన హైదరాబాదు - శ్రీశైలం రహదారి కడ్తాల్, ఆమనగల్లు, కల్వకుర్తిల గుండా జిల్లా నుంచి వెళుతుంది. దీనిని జాతీయ రహదారిగా చేయాలనే ప్రతిపాదన కూడా ఉంది.నాగర్‌కర్నూల్ జిల్లా లోని తెలంగాణ రాష్ట్ర రోడ్డు రవాణా సంస్థకు చెందిన బస్సు డిపోలలో కల్వకుర్తి బస్సు డిపో ఒకటి.
విద్యాసంస్థలుసవరించు
- ప్రభుత్వ జూనియర్ కళాశాల ( స్థాపన : 1970-71)
- వై.ఆర్.ఎం.జూనియర్ మరియు డిగ్రీ కళాశాల ( స్థాపన : 1997-98)
- ఉషోదయ జూనియర్ మరియు డిగ్రీ కళాశాల ( స్థాపన : 1992-93)
- కార్లోబొనివిని స్మారక జూనియర్ కళాశాల (సి.బి.యం) ( స్థాపన : 2001-02)
- ఎ.పి.ఆర్.ఎస్ (బి.సి) బాలికల గురుకుల పాఠశాల
- శ్రీ కృష్ణవేణి జూనియర్ కళాశాల
ఇవే కాకుండా ఈ మధ్య కాలంలో మరికొన్ని ప్రయివేటు కళాశాలలు, ప్రముఖ పాఠశాలలు కూడా ఏర్పాటు చేయటం జరిగింది.
నీటిపారుదల, భూమి వినియోగంసవరించు
మండలంలో 6 చిన్ననీటిపారుదల వనరుల ద్వారా 312 హెక్టార్ల ఆయకట్టు వ్యవసాయ భూములున్నాయి. కల్వకుర్తి లిఫ్ట్ ఇరిగేషన్ ప్రాజెక్టులు జలయజ్ఞంలో ప్రారంభించబడి పురోభివృద్ధిలో ఉంది.[3]
మూలాలుసవరించు
ఇవి కూడా చూడండిసవరించు
ఇదే పేరుతో గల అసెంబ్లీ నియోజకవర్గం కూడాను.