కొంగ‌ల జ‌ల‌పాతం

కొంగ‌ల జ‌ల‌పాతం, తెలంగాణ రాష్ట్రం, ములుగు జిల్లా, వాజేడు మండలంలోని కొంగల గ్రామంలో ఉన్న జలపాతం. హైద‌రాబాదు న‌గ‌రానికి 275 కిలోమీట‌ర్ల దూరంలో, వరంగల్ పట్టణం నుండి 2 గంటల దూరంలో ఈ జలపాతానికి వెళ్ళడానికి దట్టమైన అడవి గుండా కాలినడకన (రోడ్డు నుంచి 1.5 కి.మీ.), పొలాలు, రెండు వాగులు, గుట్టలు దాటుకుంటా వెళ్ళాలి. అప్పటికాలంలో ఈ జలపాతంలో పులులు వచ్చి నీరు తాగేవి. అందుచేత దీనిని పులిమడుగు జలపాతం అని కూడా అంటారు.

కొంగ‌ల జ‌ల‌పాతం
కొంగ‌ల జ‌ల‌పాతం
ప్రదేశం	కొంగల, వాజేడు మండలం, ములుగు జిల్లా, తెలంగాణ
రకం	జలపాతం
మొత్తం ఎత్తు	70 అడుగులు

జలపాతం వివరాలు

ఇక్కడి ప్రజలు ఈ జలపాతాన్ని 'వి-ఫాల్' అని పిలుస్తారు. 70 అడుగుల ఎత్తు ఉన్న జలపాతం నుండి కిందపడిన నీరు లొద్దిమడుగువాగు గ్రామంలోని కొంగల చెరువులో కలుస్తుంది. అక్కడికి చేరుకోవడానికి స్థానికుల సహాయం తీసుకోలసివుటుంది. ఎల్లప్పుడూ నీరు పడుతున్న ఈ జలపాతంలో వర్షాకాలంలో ఎక్కవ నీరు ప్రవహిస్తుంటుంది. ఈ జలపాతం సమీపంలో బోగత జలపాతం (10 నిమిషాల ప్రయాణం), గద్దలసరి జలపాతం, ఒంటిమామిడి లొద్ది జలపాతం ఉన్నాయి.

పర్యాటక ప్రాంతం

ర‌హ‌దారికి ఇరువైపుల ప‌చ్చ‌ని అడ‌వితో ప్ర‌కృతి ర‌మ‌ణీయ‌తతో కూడిన ఈ కొంగ‌ల జ‌ల‌పాతం ఒక చ‌క్క‌ని పర్యాట‌క ప్రాంతంగా ఉంది. సెలవు రోజులలో పర్యాటకులు వచ్చి ఇక్కడి అందాలను వీక్షిస్తారు, జలపాతం కింది ప్రాంతంలోని కొలనులో ఈతలు కొడుతారు. జలపాతం ఎత్తు నుండి నీటిలోకి డైవ్ చేయవచ్చు. జలపాతం ఎడమ వైపు నుండి జలపాతానికి ఎక్కే దారి ఉంది, కుడి వైపున ఒక కొలనులా ఉంటుంది.