గద్దలసరి జలపాతం
గద్దలసరి జలపాతం (ముత్యంధార జలపాతం), తెలంగాణ రాష్ట్రం, ములుగు జిల్లా, వెంకటాపురం మండలంలోని వీరభద్రారం గ్రామానికి సమీపంలో ఉన్న జలపాతం.[1] ఆకాశంలో గద్దలు ఎగిరేంత ఎత్తున ఉండటంతో స్థానిక గిరిజనులు దీనిని గద్దలసరి జలపాతం అని, ముత్యాల్లా మెరిసిపోతుండడంవల్ల ముత్యాల జలపాతమనీ పిలుస్తున్నారు.[2] దాదాపు ఏడు వందల అడుగుల ఎత్తునుంచి నీళ్ళు దుంకుతున్న ఈ జలపాతపు దిగువభాగంలో ఆదిమానవులు నివాసమున్నారన్న జాడలకు గుర్తుగా అతిప్రాచీన కట్టడాలు ఉన్నాయి. అయితే దట్టమైన అడవిలోపల ఉండటం, నక్సలైట్ల ప్రభావిత ప్రాంతం కాబట్టి ఇంతకాలం ఈ జలపాతం గురించి బయటి ప్రపంచానికి తెలియలేదు. దేశంలోని ఎత్తయిన జలపాతాలలో ఇది మూడవ జలపాతంగా నిలుస్తోంది.[3]
| గద్దలసరి జలపాతం | |
|---|---|
 | |
  | |
| ప్రదేశం | వీరభద్రారం, వెంకటాపురం మండలం, ములుగు జిల్లా, తెలంగాణ |
| అక్షాంశరేఖాంశాలు | 18°16′34″N 80°38′40″E / 18.275974°N 80.644544°E |
| రకం | జలపాతం |
జలపాతం వివరాలు
మార్చురొయ్యూరు-పూసూరు గ్రామాలగుండా ప్రవహిస్తున్న గోదావరి నది వంతెన నుండి 28 కిలోమీటర్ల దూరంలో నాయకపోడు కోయ గిరిజనుల గూడెం రామచంద్రాపురం అనే గ్రామం ఉంది. ఆ గ్రామం నుండి వాయవ్య దిశగా 9 కిలోమీటర్ల దూరంలో అడవిలో వెళితే గద్దలసరి గుట్టలు ఉన్నాయి. తెలంగాణ-ఛత్తీస్‌గఢ్ రాష్ట్రాల సరిహద్దుగా ఉన్న ఆ గుట్టల పైనుంచి ఒక కొండవాగు జలపాతమై కిందికి దుంకుతుంటుంది. కిందనున్న గుండంలో దూకిన ఈ జలపాతం ఒక వంద మీటర్లు ప్రయాణించిన తర్వాత ఒక మలుపు తీసుకుంటుంది.[4]
ప్రత్యేకతలు
మార్చుఈ జతపాతమున్న ప్రదేశంంలో ఆదిమానవులు బంకమట్టి, గులకరాళ్ళతో కట్టుకున్న అరుగులు, ఎండాకాలంలో నీటిని నిలుపుకొనేందుకు కట్టుకున్న ఆనకట్టలు ఉన్నాయి. వీటి సమీపంలోనే వేటాడిన జంతువుల మాంసాన్ని కోసుకోవడానికి వేల సంఖ్యలో పెచ్చులు, బ్లేడులు వంటి రాతి ఆయుధాలు ఉన్నాయి.[5]
ఇతర వివరాలు
మార్చుఈ జలపాతం సమీపంలో కొంగల జలపాతం, బోగత జలపాతం, ఒంటిమామిడి లొద్ది జలపాతం ఉన్నాయి.
మూలాలు
మార్చు- ↑ "Stone tools from paleolithic age found near gaddalasari waterfall". The New Indian Express. Archived from the original on 2019-10-29. Retrieved 2021-10-27.
- ↑ "వారాంతంలో.. ముత్యాలవానలో తడిసొద్దాం". EENADU. Archived from the original on 2021-10-27. Retrieved 2021-10-27.
- ↑ "Gaddalasari Waterfalls…గద్దల సరి జలపాతం". www.telugukiranam.com. Retrieved 2021-10-27.
- ↑ "వెలుగులోకి వచ్చిన మరో మహా జలపాతం". Dharuvu (in అమెరికన్ ఇంగ్లీష్). Archived from the original on 2021-10-27. Retrieved 2021-10-27.
- ↑ "Hyderabad's Gaddalasari could be India's third highest waterfall". Deccan Chronicle (in ఇంగ్లీష్). 2017-09-27. Archived from the original on 2017-10-05. Retrieved 2021-10-27.