ప్రధాన మెనూను తెరువు

కొడాలి లక్ష్మీనారాయణ (1908 - 1985) సుప్రసిద్ధ గ్రంథాలయ పరిశోధకులు మరియు ఉత్తమ ఉపాధ్యాయులు.

విషయ సూచిక

జీవిత సంగ్రహంసవరించు

వీరు తెనాలి తాలూకా మోపర్రు గ్రామంలో 1908 సంవత్సరం జన్మించారు. తెనాలి మరియు గుంటూరు లో విద్యాభ్యాసం పూర్తిచేసి అక్కడే జిల్లా పరిషత్ పాఠశాలలో ప్రధానోపాధ్యాయులుగా పనిచేసి 1966 లో పదవీ విరమణ చేశారు.

వీరు స్వీయ ఆసక్తి మీద భారతదేశ చరిత్ర మరియు సంస్కృతి గురించి అపారమైన పరిశొధన చేశారు. వీరు ఇతిహాస పరిశోధక గ్రంథమాల స్థాపించి, తొలి కుసుమంగా ప్రాచీన భారతీయ గ్రంథాలయ చరిత్రను 1946లో ప్రచురించారు. ఆంధ్రప్రదేశ్ ఏర్పడిన తర్వాత 1966లో ఆంధ్రదేశ గ్రంథాలయ చరిత్రను ప్రచురించారు.

వీరికి విద్యా విశారద, చారిత్రక శిరోమణి మొదలైన బిరుదులను ఇచ్చారు.

వీరు 26 ఫిబ్రవరి 1985 తేదీన పరమపదించారు.

రచనలుసవరించు

ఆంధ్ర రచనలుసవరించు

  • భారత విదుషీరత్నాలు (2 భాగాలు)
  • ప్రాచీన యోగులు
  • వ్యాసావళి (3 భాగాలు)
  • ప్రాచీన భారత ప్రజాస్వామికములు
  • సూర్యదేవర రాజన్య చరిత
  • తురిమెళ్ళ, మోపర్రు గ్రామాల చరిత్ర
  • రాజా వాసిరెడ్డి వెంకటాద్రినాయుడు
  • కృష్ణ దేవరాయల చరిత్ర
  • తెనాలి రామలింగం చరిత్ర
  • వివాహముల చరిత్ర
  • సాయపనేనివారి చరిత్ర
  • ముసునూరి వీరులు
  • భద్రాచల రామదాసు చరిత్ర
  • వీరబ్రహ్మేంద్రస్వామి చరిత్ర
  • భారతీయ పుణ్యాంగనల చరిత్ర
  • అల్లూరి సీతారామరాజు
  • విస్తృత ఆంధ్ర నాయకుల చరిత్ర

ఆంగ్ల రచనలుసవరించు

  • English Education
  • The Voice of the Secular Democratic India
  • Gandhi in the Eyes of the World
  • History of Medicine
  • Glory of our National Flag

చారిత్రక పుణ్యక్షేత్రాలుసవరించు

ప్రాచీన కాలం నుంచి తెలుగునాడును వ్యవహరించే త్రిలింగ నామంలోని మూడు శివలింగాల్లో శ్రీశైలం ఒకటి. సుప్రసిద్ధమైన ద్వాదశ జ్యోతిర్లింగాల్లో ఒకటి. శ్రీశైలం ఇక్ష్వాకులు, పల్లవులు, విస్ణుకుండినులు, చాళుక్యులు, కాకతీయులు, రెడ్డి రాజులు, విజయనగర రాజులు, శివాజీ లాంటి ఎందరో సేవలు చేసిన మహాక్షేత్రం. శ్రీశైల చరిత్ర దాదాపుగా 5వ శతాబ్ది నుంచి ఆంధ్రదేశ చరిత్రలో అవిచ్ఛిన్నంగా కొనసాగుతూంటుంది. వివిధ రాజవంశాలు శ్రీశైలాన్ని అభివృద్ధి చేస్తూ ఆ క్రమంలో శాసనాలు వేయించారు. ఎందరో కవులు తమ రచనల్లో శ్రీశైల మల్లికార్జునుని ప్రస్తుతిస్తూ ప్రస్తావించారు. భారతదేశమంతా కర్మభూమిగా ప్రసిద్ధిచెందితే కాశీ మాత్రం మోక్షభూమి అన్న ప్రత్యేకత కలిగివుంది. వారణ, అసి నదుల మధ్యనున్న భూమి అనాది, అనంతమని భారతీయుల విశ్వాసం. పౌరాణికంగానే కాక కాశీకి చారిత్రికంగా కూడా చాలా ప్రాధాన్యత ఉంది. భారతీయ సంస్కృతితో ఎంతగానో ముడిపడ్డ నగరం కావడంతో చరిత్రలో ప్రాచీన రాజ్యాలకు, పరిశ్రమలకు, దండయాత్రలకు ఇలా ఎన్నింటికో సాక్షీభూతంగా నిలిచింది. ఈ నేపథ్యంలో చారిత్రిక శ్రీశైలం, కాశీక్షేత్రము గ్రంథంలో పలు ఆకరాల నుంచి చరిత్రను పునర్నిర్మించారు.[1]

మూలాలుసవరించు