కోసూరివారిపాలెం

"కోసూరివారిపాలెం" కృష్ణా జిల్లా మోపిదేవి మండలానికి చెందిన రెవెన్యూయేతర గ్రామం.

కోసూరివారిపాలెం
—  రెవెన్యూయేతర గ్రామం  —
రాష్ట్రం	ఆంధ్ర ప్రదేశ్
జిల్లా	కృష్ణా జిల్లా
మండలం	మోపిదేవి
ప్రభుత్వం
- సర్పంచి	కొల్లి చక్రపాణి
పిన్ కోడ్	521 125
ఎస్.టి.డి కోడ్	08671

గ్రామం పేరు వెనుక చరిత్ర

గ్రామంలో చాలా మందికి ఇంటిపేరు "కోసూరు" అవ్వడం వలన ఆ పేరు వచ్చింది.

గ్రామ భౌగోళికం

సముద్రమట్టానికి 6 మీ.ఎత్తులో ఉంది.. కృష్ణా నది ఒడ్డునే ఉంది.

సమీప గ్రామాలు

రేపల్లె, మోపిదేవి, చల్లపల్లి, పెద్ద కళ్లేపల్లి, రావి వారిపాలెం, చిరువోల్లంక నార్త్, నాగాయతిప్ప, అవనిగడ్డ, పులిగడ్డ

గ్రామానికి రవాణా సౌకర్యాలు

మోపిదేవి, అవనిగడ్డ నుండి రోడ్డు రవాణా సౌకర్యం ఉంది. రైల్వేస్టేషన్; విజయవాడ 64 కి.మీ.దూరంలో ఉంది

గ్రామంలోని విద్యా సౌకర్యాలు

జిల్లా పరిషత్తు ఉన్నత పాఠశాల

మాతృభాష, రాజభాష బోధకులు లేకున్నా, ఈ పాఠశాలలో, 2014-15 విద్యా సంవత్సరంలో 10వ తరగతి విద్యార్థులు మొత్తం 14 మందీ ఉత్తీర్ణులై, పాఠశాలకు 100% ఉత్తీర్ణత సాధించారు. సనకా సౌభాగ్యలక్ష్మి, అను విద్యార్థిని, 9.7 గ్రేడ్ మార్కులతో ఉత్తీర్ణురాలై, పాఠశాలకూ, ఉపాధ్యాయులకూ, గ్రామానికీ పేరు తెచ్చిపెట్టినది. ఈమె ఐ.ఐ.ఐ.టి.లో గూడా సీటు సాధించడం విశేషం. ఈమెకు ఇంటరు నుండి బి.టెక్., వరకు ఉచితంగా విద్యనభ్యసించగల అవకాశం లభించింది. [4]

గ్రామంలో మౌలిక వసతులు

• నాబార్డ్ వారి సహాయంతో నిర్మించిన గ్రామ ముఖ్య రహదారి ఉంది.
• పంచాయతీ రాజ్ శాఖ నిర్మించిన రూరల్ వాటర్ సప్లయ్ స్కీమ్ ఉంది.
• ప్రాథమిక వ్యవసాయ సహకార పరపతి సంఘం (పి.ఏ.సి.ఎస్), రైతుల ఆర్థిక అవసరాలను తీరుస్తున్నది.
• పాల ఉత్పత్తి దారుల సహాయ కేంద్రం ద్వారా గ్రామ ప్రజలు పాలు ఉత్పత్తిలో జిల్లాలోనే ముఖ్య భూమిక వహించారు.

గ్రామానికి వ్యవసాయం, సాగునీటి సౌకర్యం

. తక్కువ లోతులోనే మంచినీరు లభిస్తుంది.అందువలన, రైతులు మూడు పంటలు పండించి ఆర్థికాభిృద్ధికి సహాయపడుతూ ఉన్నారు.

గ్రామంలో ప్రధాన పంటలు

వరి, అపరాలు, కాయగూరలు

గ్రామంలో ప్రధాన వృత్తులు

వ్యవసాయం. వ్యవసాయాధారిత వృత్తులు

దర్శనీయ ప్రదేశాలు/దేవాలయాలు

శ్రీరాములవారి దేవస్థానం

ఈ ఆలయానికి గ్రామంలో 1.47 ఎకరాల మాన్యం భూమి ఉంది. [2]

క్రీస్తు దేవాలయం

కులమత రహిత క్రీస్తు దేవాలయం గత 60 సంవత్సరాలుగా గ్రామంలో అందరి ప్రజల అభిమానాన్ని పొందినది. ప్రతి సంవత్సరం ఇక్కడ జనవరి-2న, గ్రామ, సమీప గ్రామాల ప్రజలు హాజరై తమ మొక్కులు చెల్లించుకుంటారు.

శ్రీ అభయ ఆంజనేయ స్వామి దేవాలయం

ఈ ఆలయం ప్రారంభం 04-07-2002. కోసూరువారిపాలెం ప్రారంభంలో ఉన్న గుడి. దాని ప్రక్కన మర్రి, రావి, వేప చెట్టు కలయికతో ఉన్నా గుడి. ఈ చెట్టులు చుట్టూ, గుడి చుట్టూ 21 ప్రదక్షణలు చేసి దీపారాధన చేస్తే కోరికలు నెరవేరుతాయి.

గ్రామ విశేషాలు

మాగాణి భూములలో కొత్త పంటల ప్రయోగాలకు నెలవుగా ఈ గ్రామ రైతులు ఆదర్శంగా నిలుచుచున్నారు. దొండ పందిరి క్రింద అంతర పంటగా క్యారట్, ఉల్లి, తమలపాకు పంటలు సాగు చేస్తున్నారు. [3]

వెలుపలి లింకులు

1. ఈనాడు కృష్ణా/అవనిగడ్డ; 2014, సెప్టెంబరు-17; 1వపేజీ.
2. ఈనాడు కృష్ణా/అవనిగడ్డ; 2014, డిసెంబరు-1; 2వపేజీ.
3. ఈనాడు కృష్ణా/అవనిగడ్డ; 2015, మార్చి-24; 1వపేజీ.
4. ఈనాడు కృష్ణా/అవనిగడ్డ; 2015, జూన్-9 & జూలై-5; 1వపేజీ.