గజం అంజయ్య
గజం అంజయ్య (జననం 1955 మే 16) భారతీయ మాస్టర్ హ్యాండ్లూమ్ డిజైనర్, ఇకత్ టై-డై ప్రక్రియ ఆధారంగా నేత తేలియా రుమాల్ టెక్నిక్‌తో పాటు టై అండ్ డై చేనేత (Tie and Dye handloom) ఉత్పత్తుల ఆవిష్కరణలు, అభివృద్ధి కోసం చేనేత పరిశ్రమలో విస్తృతంగా గుర్తింపు పొందాడు. ఆయన 2013లో ఆర్ట్ విభాగంలో భారత ప్రభుత్వం నుండి పద్మశ్రీని అందుకున్నాడు.[1][2] టై అండ్ డై నైపుణ్యంలో పుట్టపాక చీరలు వంటి సాంప్రదాయ చేనేత డిజైన్ పనులలో అతను తన నైపుణ్యానికి ప్రసిద్ది చెందాడు.[3] ఇది కాగితంపై డిజైన్ చేసి దానిని వస్త్రానికి బదిలీ చేసే సాంప్రదాయ కళ. చేనేత పరిశ్రమ పట్ల ఆయనకున్న అంకితభావం నేతపనిలో భారతీయ సంప్రదాయాన్ని సజీవంగా ఉంచింది, నేత కార్మికులకు జీవనోపాధిని తెచ్చిపెట్టింది. ఆయన కృషితో భారతదేశంలోని ప్రజలకు ప్రత్యేకమైన చేనేత ఉత్పత్తులను అందించాడు.
గజం అంజయ్య | |
|---|---|
 భారత ప్రభుత్వం 2013లో గజం అంజయ్యకు పద్మశ్రీ అవార్డును ప్రదానం చేసింది. | |
| జననం | 1955 మే 16 |
| వృత్తి | హ్యాండ్లూమ్ డిజైనర్ |
| సుపరిచితుడు/ సుపరిచితురాలు | పుట్టపాక టై అండ్ డై |
ఆయన పద్మాంజలి అనే కొత్త చీర (ఇకత్, కంచి కలయిక) ఆవిష్కరించటంతో అనేక మంది నేత కార్మికులకు ఉపాధిని కల్పిస్తోంది.[4]
వ్యక్తిగత జీవితం
మార్చుగజం అంజయ్య 1955 మే 16న, తెలంగాణలోని నల్గొండ జిల్లాలోని నారాయణపూర్ మండలం, పుట్టపాక గ్రామంలోని పద్మశాలి సంఘంలో చీరాల నుండి తన సంఘానికి తెలియా రుమల్‌ను తీసుకువచ్చిన ఘనత కలిగిన టెక్స్‌టైల్ డిజైనర్ అయిన నరసింహకు జన్మించాడు. పుట్టపాక గ్రామంలో అతని తండ్రి ప్రారంభించినప్పటి నుండి సాంప్రదాయ తెలియా రుమల్స్ దాని అసలు, సాంప్రదాయ పద్ధతులలో అతను ఉత్పత్తి చేసాడు.
ఆయన అనసూయను వివాహం చేసుకున్నాడు. వారికి ముగ్గురు కుమారులు రమేష్, మురళి, శ్రవణ్. ఒక కుమార్తె ధనలక్ష్మి ఉన్నారు.[5]
గుర్తింపు
మార్చుగజం అంజయ్య ఎన్నో సర్టిఫికెట్లు, అవార్డులు అందుకున్నాడు..లోక్‌సభ/రాజ్యసభ/విధానసభ/విధాన పరిషత్ ల ఉన్నత అధికారులచే ఆయన అనేక ప్రశంసా పత్రాలను అందుకున్నాడు. అతను హర్యానాలోని సూరజ్‌కుండ్ క్రాఫ్ట్స్ మేళాచే ప్రశంసాపత్రం, 1997లో డిల్లీ హాట్‌లో జరిగిన భారత స్వాతంత్ర్య స్వర్ణోత్సవ వేడుకల ప్రత్యేక ప్రదర్శనలో పాల్గొన్నందుకు సర్టిఫికేట్ కూడా అందుకున్నాడు.
- ఆయన 1987లో తెలియా రుమల్ చీరలో అత్యుత్తమ హస్తకళకు జాతీయ అవార్డును అందుకున్నాడు.
- 2010లో చేనేత పరిశ్రమకు చేసిన కృషికి సంత్ కబీర్‌ను అందుకున్నాడు.
- భారత ప్రభుత్వం 2013లో పద్మశ్రీతో సత్కరించింది.[6]
ఇవీ చూడండి
మార్చుమూలాలు
మార్చు- ↑ "Padma awards to Rajesh Khanna, Sharmila Tagore, Rahul Dravid". Archived from the original on 30 May 2013. Retrieved 27 January 2013.
- ↑ "Padma Awards: List of Awardees". indiatimes.com (in ఇంగ్లీష్). 2013-01-26. Retrieved 2020-04-26.
- ↑ "Awards to the village of Puttapaka - Sakshi". 2023-05-05. Archived from the original on 2023-05-05. Retrieved 2023-05-05.
- ↑ "#Padmanjali hashtag on Twitter". twitter.com (in ఇంగ్లీష్). Retrieved 2020-04-26.
- ↑ "::The Hans India::". Archived from the original on 2013-02-18. Retrieved 2013-01-27.
- ↑ "Padma bonanza ..." The Hindu (in Indian English). 2013-01-26. ISSN 0971-751X. Retrieved 2020-04-26.
- ↑ "Sakshi Exclusive Story On Handloom Weavers - Sakshi". 2023-05-05. Archived from the original on 2023-05-05. Retrieved 2023-05-05.