గీతా మాధురి
శొంఠి గీతా మాధురి ఒక తెలుగు సినీ గాయని. తెలుగు సినిమాలలో అనేక శ్రావ్యమైన పాటలు పాడింది. నచ్చావులే(2008) సినిమాలో ఆమె పాడిన నిన్నే నిన్నే పాటతో ఎంతో ప్రాచుర్యం సంపాదించుకుంది. ఈ పాటకుగాను మొదటి నంది అవార్డు అందుకుంది. మాటీవిలో ప్రసారమైన సూపర్ సింగర్ అనే షో లో కూడా ఆమె పాల్గొంది.[1]
| గీతా మాధురి | |
|---|---|
 | |
| వ్యక్తిగత సమాచారం | |
| జన్మ నామం | శొంఠి గీతా మాధురి |
| జననం | 1985 ఆగస్టు 24 |
| వృత్తి | గాయని అనువాద కళాకారిణి టీవీ వ్యాఖ్యాత |
| క్రియాశీల కాలం | 2006-ఇప్పటివరకు |
| జీవిత భాగస్వామి | నందు |
నేపథ్యం
మార్చుగీతా మాధురి తల్లిదండ్రులు ప్రభాకర్, లక్ష్మిలకు ఆమె ఏకైక సంతానం. ఆమె తండ్రి ప్రభాకర్ ఎస్‌బీహెచ్ బ్యాంక్ లో పనిచేస్తున్నారు. వారిది గోదావరి ప్రాంతానికి చెందిన కుటుంబం. ఆమె చాలా చిన్న వయసులోనే హైదరాబాద్ కు మారిపోయారు. ఆమె ప్రాథమిక విద్య హైదరాబాద్, వనస్థలిపురం లోని లయోలా పాఠశాల లో చదువుకున్నారు. చిన్నప్పటి నుంచే ఆమె సంగీతం అభ్యసించడం మొదలుపెట్టారు. లిటిల్ మ్యుజిషియన్స్ అకాడమీలో కచ్చర్లకోట పద్మావతి, రామాచారిల వద్ద చిన్న వయసు నుండే శాస్త్రీయ, సినీ, లలిత సంగీతాలలో శిక్షణ పొందారు గీత. ఈటీవి లో ప్రసారమైన "సై సింగర్స్ ఛాలెంజ్ "లో ఆమె ఫైనలిస్ట్ గా నిలిచింది.
కులశేఖర్ దర్శకత్వం వహించిన ప్రేమలేఖ రాశా సినిమాలోని ఒక పాటతో ఆమె సినీ రంగప్రవేశం చేశారు.
వివాహం
మార్చుగీతామాధురి వివాహం నటుడు నందుతో 9 ఫిబ్రవరి 2014 న హైదరాబాద్, నాగోల్ లోని శుభం కన్వెన్షన్ లో జరిగింది.[2] వారికీ కూతురు దాక్షాయ‌ణి, కుమారుడు ధృవధీర్‌ తారక్‌ ఉన్నారు.[3]
నందు 100% లవ్(2011) సినిమాలో ఆజిత్ గా ప్రాచుర్యం పొందారు. వీరిద్దరూ కలసి అదితి అనే లఘు చిత్రం(షార్ట్ ఫిలిం)లో కథానాయకుడు, కథానాయికగా నటించారు. ఈ సందర్భంలో వీరిరువురి మధ్య ప్రేమ చిగురించింది. ఇరువైపుల పెద్దలు ఈ ప్రేమకు అంగీకారం తెలిపారు.
డిస్కోగ్రఫీ
మార్చునంది ఉత్తమ నేపధ్యగాయని పురస్కారము
మార్చు- 2008లో చిరుత లోని చమ్‌కా చమ్‌కా పాటకు మా టీవీ ఉత్తమ నేపధ్యగాయని పురస్కారము.[4]
- 2009 లో నచ్చావులే చిత్రానికి గానూ ఉత్తమ నేపధ్యగాయనిగా సంతోషం పురస్కారము .[5]
- 2010 లో ఏక్ నిరంజన్ లోని గుండెల్లో గిటార్ పాటకు గానూ సౌత్ స్కోప్ పురస్కారము.[6]
- నంది పురస్కారం - 2012 నంది పురస్కారాలు: ఉత్తమ గాయని (ఎదలో నదిలాగా - గుడ్ మార్నింగ్)[7][8][9][10]
మూలాలు
మార్చు- ↑ Andhrajyothy (9 June 2024). "గొంతు ఒక మిషన్‌ కాదు." Archived from the original on 9 June 2024. Retrieved 9 June 2024.
- ↑ The Times of India. "BB Telugu 2 runner up Geetha Madhuri wishes hubby Nandu on wedding anniversary with a cute post; the latter's reply is unmissable - Times of India". The Times of India (in ఇంగ్లీష్). Archived from the original on 9 జూన్ 2021. Retrieved 9 June 2021.
- ↑ Chitrajyothy (4 March 2024). "గీతామాధురి, నందు కుమారుడి బార‌సాల.. ఎన్టీఆర్ పేరు వ‌చ్చేలా నామ‌క‌ర‌ణం | Nandu Geetha Madhuri Son Name Viral ktr". Archived from the original on 5 March 2024. Retrieved 5 March 2024.
- ↑ "Nandi awards 2008 announced - Telugu cinema news". Idlebrain.com. 2008-10-24. Retrieved 2012-02-29.
- ↑ "Santosham film awards 2009 - Telugu cinema function". Idlebrain.com. 2009-08-21. Retrieved 2012-02-29.
- ↑ "South Scope Awards Function". Supergoodmovies.com. 2010-09-20. Archived from the original on 2012-03-04. Retrieved 2012-02-29.
- ↑ "Nandi Awards: Here's the complete list of winners for 2012 and 2013". hindustantimes.com/ (in ఇంగ్లీష్). 2017-03-01. Retrieved 29 June 2020.
- ↑ మన తెలంగాణ, ప్రత్యేక వార్తలు (1 March 2017). "బెస్ట్ హీరో అవార్డ్ ను సొంతం చేసుకున్న బాహుబలి ప్రభాస్..!!". Archived from the original on 26 June 2020. Retrieved 29 June 2020.
- ↑ సాక్షి, ఎడ్యుకేషన్ (2 March 2017). "నంది అవార్డులు 2012, 2013". www.sakshieducation.com. Archived from the original on 26 June 2020. Retrieved 29 June 2020.
- ↑ నవ తెలంగాణ, నవచిత్రం (2 March 2017). "2012, 2013 నంది అవార్డుల ప్రకటన". NavaTelangana. Archived from the original on 26 June 2020. Retrieved 29 June 2020.