చౌడేపల్లె మండలం

చౌడేపల్లె మండలం, ఆంధ్రప్రదేశ్ రాష్ట్రంలోని చిత్తూరు జిల్లాకు చెందిన మండలం.ఇది పుంగనూరు శాసనసభ నియోజక వర్గంలో ఉంది. పుణ్య క్షేత్రమైన తిరుపతి నుంచి ఈ మండలానికి బస్సు సౌకర్యం ఉంది.బస్సు మార్గంలో చౌడేపల్లె నుంచి మదనపల్లె 16 కి.మీ దూరం ఉంది. OSM గతిశీల పటం

చౌడేపల్లె మండలం
ఆంధ్రప్రదేశ్ మండలం
చౌడేపల్లె మండలం
Coordinates: 13.434°N 78.69°E / 13.434; 78.69
దేశం	భారతదేశం
రాష్ట్రం	ఆంధ్రప్రదేశ్
జిల్లా	చిత్తూరు జిల్లా
మండల కేంద్రం	చౌడేపల్లె
విస్తీర్ణం
• మొత్తం	234 కి.మీ2 (90 చ. మై)
జనాభా  (2011)
• మొత్తం	42,103
• జనసాంద్రత	180/కి.మీ2 (470/చ. మై.)
జనగణాంకాలు
• లింగ నిష్పత్తి	992

ఇదే పేరుతో ఉన్న ఇతర ప్రాంతాల కొరకు, చౌడేపల్లె మండలం చూడండి.

మండల గణాంకాలు

2001 భారత జనాభా గణాంకాలు ప్రకారం మండలం లోని జనాభా - మొత్తం 40,410 -అందులో పురుషులు 20,266 మందికాగా - స్త్రీలు 20,144 మంది ఉన్నారు. అక్షరాస్యత రేటు మొత్తం 60.43% - పురుషులు అక్షరాస్యత రేటు 73.65% - స్త్రీలు అక్షరాస్యత రేటు 47.17%.

మండలం లోని గ్రామాలు

రెవెన్యూ గ్రామాలు

1. దిగువపల్లె
2. కోగతి
3. కొండమర్రి
4. గడ్డంవారిపల్లె
5. పెద్దయల్లకుంట్ల
6. చౌడేపల్లె
7. పందిళ్లపల్లె
8. సెట్టిపేట
9. పూడిపట్ల
10. 29-A. చింతమాకులపల్లె
11. కాటిపేరి
12. లద్దిగం
13. ఏ.కొత్తకోట
14. దుర్గసముద్రం
15. చారాల

రెవెన్యూయేతర గ్రామాలు

• కొండయ్యగారి పల్లె
• ఆమనిగుంట

మండలంలో చూడదగ్గ ప్రదేశాలు

మృత్యుంజయేశ్వరస్వామి ఆలయం (చౌడేపల్లె) - ఈ అలయం ప్రసిద్ధి చెందింది. చుట్టూ కొండలు,ఆహ్లాదకరమైన వాతావరణం నడుమ మహిమాన్వితుడుగా మృత్యుంజయుడు పూజలందు కొంటున్నాడు. ఆలయ నిర్మాణ కర్త పుంగనూరు జమిందారు మరణశయ్య నుంచి స్వామి వారి కటాక్షంతో మృత్యువును జయించడంతో పాటు, పూర్తి స్దాయిలో ఆలయ నిర్మాణం పూర్తి చేశాడు రాష్ట్రం లోనే ఏ ప్రాంతంలోను లేని విదంగా మృత్యుంజయుని ఆలయం నిర్మించబడింది. రాష్ట్రం నుండే కాకుండా కర్ణాటక, తమిళనాడుల నుంచి విశేష సంఖ్యలో భక్తులు తరలి వచ్చి మృత్యుంజయుని దర్శించుకుంటారు.

సమీప మండలాలు

సోమల, పుంగనూరు పెద్దపంజాని, నిమ్మనపల్లె., మండలాలు.

రవాణా సౌకర్యం

రోడ్డు రవాణా..

ఇక్కడికి దగ్గరగా వున్న టౌన్ పుంగనూరు 16 కి.మీ. దూరంలో ఉంది. సోమల బస్ స్టేషను, పుంగనూరు బస్ స్టేషనులు ఇక్కడికి సమీపంలో ఉన్నాయి. ఇక్కడి నుండి ఇతర ప్రాంతాలకు ఆంధ్రప్రదేశ్ రోడ్డు రవాణా సంస్థ వారి బస్సులు ఎక్కువుగా తిరుగుతాయి.

రైలు వసతి.

ఇక్కడికి పది కి.లోమీటర్ల లోపు రైలు వసతి లేదు. ప్రముఖ రైల్వే స్టేషను కాట్పాడి ఇక్కడికి 78 కి.మీ దూరంలో ఉంది.

పాఠశాలలు

ఇక్కడ ఒల జిల్లాపరిషత్ పాఠశాల, ఒక మండలపరిషత్ ఉర్దూ పాఠశాలలు ఉన్నాయి.

ఉపగ్రామాలు

పొదలపల్లె, నగిరిమిట్టపల్లె, చిన్నయెల్లకుంట్ల, కిన్నకొండమర్రి, చిట్టిరెడ్డిపల్లె, గోసులకూరపల్లె.