దేవులపల్లి ప్రభాకరరావు
దేవులపల్లి ప్రభాకరరావు (1938 - 2022 ఏప్రిల్ 21) తెలంగాణ రాష్ట్రానికి చెందిన రచయిత, జర్నలిస్టు. తెలుగులో పలు రచనలు చేసిన ప్రభాకరరావు, రాష్ట్ర ప్రభుత్వ సమాచార-పౌర సంబంధశాఖలోనూ (ఆంధ్రప్రదేశ్ మాసపత్రిక ప్రచురణ విభాగంలో), రాష్ట్ర ప్రభుత్వ కుటుంబ సంక్షేమశాఖ మాస్ మీడియా విభాగంలోనూ (సంక్షేమవాణి మాసపత్రిక సంపాదకత్వం) సంపాదకుడిగా పనిచేశాడు. తెలంగాణ రాష్ట్ర అధికార భాషా సంఘం అధ్యక్షునిగా కూడా బాధ్యతలు నిర్వర్తించాడు.[1]
| దేవులపల్లి ప్రభాకరరావు | |||
| |||
తెలంగాణ అధికార భాషా సంఘం మాజీ చైర్మన్
| |||
| పదవీ కాలం 2016 ఏప్రిల్ 29 – 2022 ఏప్రిల్ 21 | |||
| ముందు | పదవి ప్రారంభం | ||
|---|---|---|---|
| తరువాత | శ్రీదేవి మంత్రి | ||
వ్యక్తిగత వివరాలు
|
|||
| జననం | 1938 దేశాయి పేట | ||
| మరణం | 2022 ఏప్రిల్ 21 హైదరాబాద్ | ||
| తల్లిదండ్రులు | వేంకట చలపతి రావు, ఆండాళమ్మ | ||
| బంధువులు | దేవులపల్లి రామానుజరావు | ||
| సంతానం | ఇద్దరు కుమారులు, కుమార్తె | ||
| పూర్వ విద్యార్థి | ఉస్మానియా యూనివ‌ర్సిటీ | ||
| వృత్తి | రచయిత, జర్నలిస్టు | ||
జీవిత విశేషాలు మార్చు
ప్రభాకరరావు, వేంకట చలపతిరావు-ఆండాళ్ళమ్మ దంపతులకు తెలంగాణ రాష్ట్రం, వరంగల్లు పట్టణానికి సమీపంలో ఉన్న దేశాయి పేట గ్రామంలో జన్మించాడు. ప్రముఖ తెలుగు రచయిత దేవులపల్లి రామానుజారావు ఇతడికి సోదరుడు. ప్రభాకరరావు వరంగల్‌లోనూ, హైదరాబాద్‌లోనూ చదువుకున్నాడు. ఉస్మానియా విశ్వవిద్యాలయం నుండి పట్టా అందుకున్నాడు.
జర్నలిస్టుగా మార్చు
1960ల నుంచి పలు తెలుగు పత్రికల్లో రచనలు చేస్తున్నాడు. విద్యార్థి దశలోనే 1968లో రాసిన మహాకవి గురజాడ జీవిత చరిత్ర పుస్తకానికి యునెస్కో అవార్డు కూడా లభించింది.[1] గోలకొంగ, విశాలాంధ్ర,ఈనాడు, ఆంధ్రభూమి, వార్త, ప్రజాతంత్ర, నమస్తే తెలంగాణ తదితర పత్రికలలో అనేక సంవత్సరాలు కాలమిస్ట్ గా, రచయితగా పనిచేశాడు.
ఈనాడుతో ఫీచర్ రచయితగా, అనువాదకుడిగా 20 ఏళ్ళ అనుబంధం ఉంది. మహాకవి గురజాత జీవితం-సాహిత్యం అనే గ్రంథానికి భాతర ప్రభుత్వ అవార్డు అందుకున్నాడు. తెలంగాణ ఉద్యమం నేపథ్యంలో రచనలు చేశాడు, పలు పత్రికలకు సంపాదకత్వం వహించాడు.
రచనలు మార్చు
- అమరుడు బాపూజీ
- మన మహనీయులు
- చెప్పుకోదగ్గ మనుషులు
- తెలంగాణ వెలుగు కిరణాలు
- ముక్తసరి
- టిప్పణి-ఖుల్లమ్ ఖల్లా (సమకాలీన పరిణామాలపై విశ్లేషణ, విమర్శ)
- రవి కవి (రవీంద్రనాథ్ టాగూర్ జీవిత చరిత్ర)
- దేవులపల్లి రామానుజరావు (జీవిత చరిల్ర)
- సమరం నుంచి స్వాతంత్య్రానికి
- మహాకవి గురజాడ
- పారిజాతాలు - కవితా సంకలనం
- శ్రీకృష్ణ దేవరాయాంధ్ర భాషా నిలయం (నూటా పది సంవత్సరాల చైతన్య చరిత్ర)
- జ్ఞపకాలు
- మాట కచేరీ
- పాలీ కేళీ
భాషా సంఘం చైర్మన్ గా మార్చు
తెలంగాణ రాష్ట్రం ఏర్పడిన తరువాత తెలుగు భాషకు అధికార హోదా కలిపిస్తూ 2016, ఏప్రిల్ 27న తెలంగాణ అధికార భాషా సంఘం ఏర్పాటయింది. ముఖ్యమంత్రి కేసీఆర్, ఈ సంఘానికి తొలి అధ్యక్షుడిగా దేవులపల్లి ప్రభాకరరావును నియమించాడు.[2] 2016 ఏప్రిల్ 30న తెలంగాణ రాష్ట్ర సచివాలయంలోని అధికార భాషా సంఘ కార్యాలయంలో ప్రభాకరరావు పదవీ బాధ్యతలు స్వీకరించాడు.[1] తరువాత పదవీకాలాన్ని పొడిగించడం వల్ల ప్రభాకరరావు ఈ పదవిలో కొనసాగుతున్నాడు.
అవార్డులు, పురస్కారాలు మార్చు
- యునెస్కో అవార్డు
- తెలుగు విశ్వవిద్యాలయం కీర్తి పురస్కారం (పత్రికా రచన, 2008)[3]
- ఆంధ్రప్రదేశ్ ప్రభుత్వ సాహిత్య పురస్కారం (2012)
మరణం మార్చు
దేవులపల్లి ప్ర‌భాక‌ర్ రావు అనారోగ్యంతో బాధపడుతూ హైద‌రాబాద్‌లోని హైదర్‌గూడ అపోలో ఆస్పత్రిలో చికిత్స పొందుతూ 2022 ఏప్రిల్ 21న మరణించాడు.[4][5]
మూలాలు మార్చు
- ↑ 1.0 1.1 1.2 "అధికార భాషా సంఘం అధ్యక్షునిగా దేవులపల్లి". andhrabhoomi.net. Archived from the original on 2018-12-18. Retrieved 2022-04-08.
- ↑ Deccan Chronicle (27 April 2016). "Aspirants upbeat as CM K Chandrasekhar Rao fills 3 posts" (in ఇంగ్లీష్). Archived from the original on 21 April 2022. Retrieved 21 April 2022.
- ↑ "తెలుగు విశ్వవిద్యాలయం - కీర్తి పురస్కారాల జాబితా" (PDF). www.teluguuniversity.ac.in. Archived from the original (PDF) on 2017-09-09. Retrieved 2022-04-08.
- ↑ Namasthe Telangana (21 April 2022). "అధికార భాషా సంఘం అధ్య‌క్షుడు దేవులపల్లి మృతి.. సీఎం కేసీఆర్ సంతాపం". Archived from the original on 21 April 2022. Retrieved 21 April 2022.
- ↑ Namasthe Telangana (22 April 2022). "దేవులపల్లి ప్రభాకర్‌రావు కన్నుమూత". Archived from the original on 22 April 2022. Retrieved 22 April 2022.