ధర్మచక్రం (1996 సినిమా)

ధర్మచక్రం 1996 లో సురేష్ కృష్ణ దర్శకత్వంలో విడుదలైన సినిమా. ఇందులో వెంకటేష్, రమ్యకృష్ణ, ప్రేమ, గిరీష్ కర్నాడ్ ముఖ్యపాత్రల్లో నటించారు. ఇది మంచి విజయం సాధించింది. ఈ సినిమాలో నటనకుగాను వెంకటేష్ కు నంది అవార్డ్ వరించింది. ఈ సినిమాను సురేష్ ప్రొడక్షన్స్ పతాకంపై డి. రామానాయుడు నిర్మించాడు. అప్పటి దాకా కన్నడంలో కథానాయికగా నటించిన ప్రేమకు ఇదే తొలి తెలుగు సినిమా.

ధర్మచక్రం
దర్శకత్వం	సురేష్ కృష్ణ
రచన	ఎం. వి. ఎస్. హరనాథ రావు (మాటలు), సురేష్ కృష్ణ (కథ/చిత్రానువాదం)
నిర్మాత	డి. రామానాయుడు
తారాగణం	వెంకటేష్, రమ్యకృష్ణ , ప్రేమ, గిరీష్ కర్నాడ్, శ్రీవిద్య, శ్రీలత, బ్రహ్మానందం
ఛాయాగ్రహణం	కె. రవీంద్రబాబు
కూర్పు	మార్తాండ్ కె. వెంకటేష్
సంగీతం	ఎం.ఎం. శ్రీలేఖ
నిర్మాణ సంస్థ	సురేష్ ప్రొడక్షన్స్
విడుదల తేదీ	January 13, 1996 (1996-01-13)
భాష	తెలుగు

కథ

రాకేష్ ఒక న్యాయవాది. తండ్రి పేరున్న రాజకీయ నాయకుడు. తల్లి శారద. రాకేష్ సురేఖ అనే మధ్య తరగతి అమ్మాయిని ప్రేమిస్తాడు. ఇది అతని తండ్రికి నచ్చదు. ఆమెను వేశ్యగా చిత్రీకరించి ఆమె మరణానికి కారణమవుతాడు. దాంతో రాకేష్ తండ్రిని అసహ్యించుకుని వైరం ఏర్పరుచుకుంటాడు. తల్లి శారద భర్త, కొడుకుల మధ్య నలిగిపోతూ ఉంటుంది. రాకేష్ కు తల్లి మాటంటే వేదవాక్కు. ఆమె తనయుడి ఆవేశాన్ని నియంత్రిస్తూ దారిలో పెట్టడానికి ప్రయత్నిస్తుంటుంది.

తారాగణం

• న్యాయవాది రాకేష్ గా వెంకటేష్
• సంధ్యగా రమ్యకృష్ణ
• సురేఖగా ప్రేమ
• గిరీష్ కర్నాడ్
• రాకేష్ తల్లిగా శారదగా శ్రీవిద్య
• శ్రీలత
• బ్రహ్మానందం
• ఎ. వి. ఎస్
• రాళ్ళపల్లి
• ఎం. వి. ఎస్. హరనాథరావు
• వల్లం నరసింహారావు
• జె.వి.సోమయాజులు
• సుబ్బరాయ శర్మ
• డి.రామానాయుడు
• కోట శంకరరావు
• అనంత బాబు
• సారథి
• తెలంగాణ శకుంతల
• కృష్ణవేణి
• రత్నసాగర్
• డబ్బింగ్ జానకి
• దిలీప్ కుమార్ .

నిర్మాణం

1995 జూన్ 22 న ఈ చిత్రం రామానాయుడు స్టూడియోలో చిత్రీకరణ ప్రారంభించింది. రెండున్నర పాటలు కెనడాలో చిత్రీకరించారు. కెనడాలో చిత్రీకరణ జరుపుకున్న తొలి తెలుగు చిత్రం ఇది. మొత్తం 62 రోజులపాటు చిత్రీకరణ జరగగా వెంకటేష్ 52 రోజులు నటించాడు.

సాంకేతిక వర్గం

• స్క్రీన్ ప్లే, దర్శకత్వం: సురేష్ కృష్ణ
• మాటలు: ఎం.వి.ఎస్.హరినాథరావు
• కధ: సురేష్ కృష్ణ
• సంగీతం: ఎం.ఎం.శ్రీలేఖ
• గీత రచయితలు: చంద్రబోస్, వేటూరి సుందర రామమూర్తి,
• నేపథ్య గానం: శ్రీపతి పండితారాద్యుల బాలసుబ్రహ్మణ్యం , కె ఎస్ చిత్ర, ఎం.ఎం.శ్రీలేఖ
• ఫోటోగ్రఫీ: కె.రవీంద్రబాబు
• కూర్పు: మార్తాండ్ కె.వెంకటేష్
• నిర్మాత: డి.రామానాయుడు
• నిర్మాణ సంస్థ: సురేష్ ప్రొడక్షన్స్
• విడుదల:13:01:1996.

పాటలు

• సొగసు చూడ హాయి హాయిలే.. తెలిసె నేడు ఇంత హాయి , రచన: చంద్రబోస్, గానం. ఎస్ పి బాలసుబ్రహ్మణ్యం, కె ఎస్ చిత్ర
• తమ సోమా మమ, రచన: చంద్రబోస్, గానం. ఎస్ పి బాలసుబ్రహ్మణ్యం
• ధీర సమీరే, రచన: వేటూరి సుందర రామమూర్తి, గానం. ఎస్ పి బాలసుబ్రహ్మణ్యం, కె ఎస్ చిత్ర
• చెప్పనా చెప్పనా, రచన: చంద్రబోస్, గానం. ఎస్ పి బాలసుబ్రహ్మణ్యం, ఎం ఎం శ్రీలేఖ
• హాల్లో హాల్లో, రచన: చంద్రబోస్, గానం. ఎస్ పి బాలసుబ్రహ్మణ్యం, కె ఎస్ చిత్ర
• ఆగడాయే రహం, రచన: వేటూరి సుందర రామమూర్తి, గానం. ఎస్ పి బాలసుబ్రహ్మణ్యం.

విశేషాలు

• ఈ సినిమా లోని నటనకు గాను వెంకటేష్ కు ఉత్తమ నటుడిగా నంది బహుమతి వచ్చింది.
• ఉత్తమ ఛాయ గ్రహకుడు: కె.రవీంద్రబాబు