పుల్లంపేట
పుల్లంపేట, ఆంధ్రప్రదేశ్ రాష్ట్రములోని కడప జిల్లా, పుల్లంపేట మండలం లోని గ్రామం, ఇది మండలానికి కేంద్రం.ఇది సమీప పట్టణమైన రాజంపేట నుండి 11 కి. మీ. దూరంలో ఉంది.2011 భారత జనగణన గణాంకాల ప్రకారం ఈ గ్రామం 1402 ఇళ్లతో, 6006 జనాభాతో 1142 హెక్టార్లలో విస్తరించి ఉంది. గ్రామంలో మగవారి సంఖ్య 2903, ఆడవారి సంఖ్య 3103. షెడ్యూల్డ్ కులాల సంఖ్య 1733 కాగా షెడ్యూల్డ్ తెగల సంఖ్య 22. గ్రామ జనగణన లొకేషన్ కోడ్ 593674.[1] పిన్ కోడ్: 516 107.
| పుల్లంపేట | |
| — రెవెన్యూ గ్రామం — | |
.svg)  పుల్లంపేట |
|
| అక్షాంశరేఖాంశాలు: 14°07′20.8″N 79°12′30.8″E / 14.122444°N 79.208556°E | |
|---|---|
| రాష్ట్రం | ఆంధ్రప్రదేశ్ |
| జిల్లా | అన్నమయ్య జిల్లా |
| మండలం | పుల్లంపేట |
| ప్రభుత్వం | |
| - సర్పంచి | |
| జనాభా (2011) | |
| - మొత్తం | 6,006 |
| - పురుషులు | 2,903 |
| - స్త్రీలు | 3,103 |
| - గృహాల సంఖ్య | 1,402 |
| పిన్ కోడ్ | 516107 |
| ఎస్.టి.డి కోడ్ | |
గ్రామ చరిత్ర మార్చు
బ్రిటిష్ వారి హయాంలో ఈ గ్రామం తాలూకా కేంద్రంగా ఉండి అన్ని కార్యకలాపాలూ ఇక్కడి నుండే జరిగేవి. ఆ కాలంలో అధికారులు ఇక్కడకు వచ్చినపుడు తుమ్మల బైలు విడిది కేంద్రంగా ఉండేది. గతంలో ఇక్కడ చేనేతలూ, ఇతర వర్గాల ధనికులూ ఉండటంతో ఈ ఊరు తాలూకా కేంద్రంగా ఉండేది. అప్పట్లో ఒకసారి ఇక్కడకు వచ్చిన ఒక అధికారి గుర్రానికి గుగ్గిళ్ళు దొరకలేదని ఆగ్రహించిన ఆ అధికారి వెంటనే తాలూకా ఆఫీసును పుల్లంపేట నుండి రాజంపేటకు మార్చరని ఇక్కడి పెద్దలు చెపుతారు. 1944 లో పూలంగేరు నేడు పుల్లంగేరుగా మారటంతో ఈ గడ్డ నే ఉన్న గ్రామానికి "పుల్లంపేట" అని పేరు వచ్చినదని కొందరు అంటున్నారు. కానీ 1830ల్లో ఈ ప్రాంతం మీదుగా ప్రయాణిస్తూ గ్రామంలో విడిది చేసిన, యాత్రా చరిత్రకారుడు ఏనుగుల వీరాస్వామయ్య ఈ గ్రామాన్ని పుల్లంపేట అనే ప్రస్తావించారు. అప్పటికే ఇది అన్ని వసతులు లభించి, అన్ని వస్తువులు దొరకగల పేట గ్రామమన్నారు. కనుక 1830 నాటికే దీనికి పుల్లంపేట అనే పేరుందని చెప్పవచ్చు.[2] ఐతే ఈ మరొక కథ ప్రకారం పుల్లమ్మ అను ఒకామె తొలుత ఈ గ్రామాన్ని నిర్మించినందున ఆమె పేరు మీదుగా ఈ గ్రామానికి ఆ పేరు వచ్చిందని అంటారు. ఆ రోజులలో సభా సంస్థ అధినేత వస్థున్నారంటే రైలు బండి గూడా గంట సేపు ఆగేదట. ఇప్పుడున్న సబ్ రిజిస్ట్ర్రార్ కార్యాలయం, తాలూకా కార్యాలయం, పోలీస్ స్టేషను వగయిరాలు అప్పటి కాలం నాటివే. ఒకప్పటి ఉపరాష్ట్రపతి వి.వి.గిరి గారికి, ఇక్కడి చేనేత వర్గానికి చెందిన నరసింహులు మిత్రుడని గ్రామస్థుల మాట. చేనేత వర్గాల విద్యాభివృద్ధికి బ్రిటిష్ వారి సహకారంతో సభా సంస్థను ఏర్పాటు చేసి దీనికి ఉప శాఖలు ఏర్పాటు చేశారు. అప్పటి నుండి ఈ ఊరు విద్యాభివృద్ధి చెందుతోంది. ఎందరో ప్రముఖులు ఇక్కడనే పుట్టి గొప్పవారయినారు. క్రీడలకు పుట్టినిల్లు ఈ పుల్లంపేట. [1]
పేరు వెనుక చరిత్ర మార్చు
ఈ ఊరిలో పుల్లని నిమ్మ పండ్లు పండుతవి. అందుకనే ఈ వూరికి ఆ పేరు వచ్చిందని పెద్దలు అంటారు.
విద్యా సౌకర్యాలు మార్చు
గ్రామంలో ఒక ప్రైవేటు బాల బడి ఉంది. ప్రభుత్వ ప్రాథమిక పాఠశాలలు 12, ప్రభుత్వ ప్రాథమికోన్నత పాఠశాలలు నాలుగు, ప్రైవేటు ప్రాథమికోన్నత పాఠశాలలు ఐదు, ప్రభుత్వ మాధ్యమిక పాఠశాలలు మూడు, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రభుత్వ జూనియర్ కళాశాల ఒక ప్రభుత్వ ఆర్ట్స్/సైన్స్ డిగ్రీ కళాశాల ఉన్నాయి.
సమీప ఇంజనీరింగ్ కళాశాల, మేనేజిమెంటు కళాశాల, పాలీటెక్నిక్‌లు, సమీప వృత్తి విద్యా శిక్షణ పాఠశాల, అనియత విద్యా కేంద్రం రాజంపేట లోను, దివ్యాంగుల ప్రత్యేక పాఠశాల, సమీప వైద్య కళాశాల, కడప లోనూ ఉన్నాయి.
వైద్య సౌకర్యం మార్చు
ప్రభుత్వ వైద్య సౌకర్యం మార్చు
పుల్లంపేటలో ఉన్న ఒక ప్రాథమిక ఆరోగ్య కేంద్రంలో ఇద్దరు డాక్టర్లు, ఆరుగురు పారా మెడికల్ సిబ్బందీ ఉన్నారు. ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారా మెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారా మెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారా మెడికల్ సిబ్బంది ఉన్నారు. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం మార్చు
గ్రామంలో ఒక ప్రైవేటు వైద్య సౌకర్యం ఉంది. ఎం.బి.బి.ఎస్. కాకుండా ఇతర డిగ్రీలు చదివిన డాక్టరు ఒకరు ఉన్నారు. మూడు మందుల దుకాణాలు ఉన్నాయి.
తాగు నీరు మార్చు
గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.
పారిశుధ్యం మార్చు
మురుగు నీరు బహిరంగ కాలువల ద్వారా ప్రవహిస్తుంది. మురుగు నీరు బహిరంగంగా, కచ్చా కాలువల ద్వారా ప్రవహిస్తుంది. మురుగు నీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు మార్చు
పుల్లంపేటలో పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. సబ్ పోస్టాఫీసు సౌకర్యం గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ ఉంది. రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టి రోడ్లూ ఉన్నాయి.
మార్కెటింగు, బ్యాంకింగు మార్చు
గ్రామంలో ఏటీఎమ్, వాణిజ్య బ్యాంకు, సహకార బ్యాంకు ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు మార్చు
గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. శాసనసభ పోలింగ్ కేంద్రం, జనన మరణాల నమోదు కార్యాలయం ఉన్నాయి.
విద్యుత్తు మార్చు
గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం మార్చు
పుల్లంపేటలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 163 హెక్టార్లు
- వ్యవసాయం సాగని, బంజరు భూమి: 161 హెక్టార్లు
- వ్యవసాయం చేయ దగ్గ బంజరు భూమి: 31 హెక్టార్లు
- సాగులో లేని భూముల్లో బీడు భూములు కానివి: 323 హెక్టార్లు.
- బంజరు భూమి: 131 హెక్టార్లు
- నికరంగా విత్తిన భూమి: 331 హెక్టార్లు
- నీటి సౌకర్యం లేని భూమి: 483 హెక్టార్లు
- వివిధ వనరుల నుండి సాగునీరు లభిస్తున్న భూమి: 302 హెక్టార్లు
నీటిపారుదల సౌకర్యాలు మార్చు
పుల్లంపేటలో వ్యవసాయానికి నీటి సరఫరా కింది వనరుల ద్వారా జరుగుతోంది
- బావులు/బోరు బావులు: 302 హెక్టార్లు.
ప్రధాన పంటలు మార్చు
దర్శనీయ ప్రదేశాలు/దేవాలయాలు మార్చు
శ్రీ భద్రావతీ సమేత భావనారాయణస్వామివారి ఆలయం మార్చు
పుల్లంపేటలో వెలసిన శ్రీ భద్రావతీ సమేత భావనారాయణస్వామివారి ఆలయంలో, స్వామివారి దివ్య కళ్యాణం, ప్రతి సంవత్సరం, వైశాఖ శుద్ధ పౌర్ణమి నాడు (మే నెలలో) వైభవంగా నిర్వహించెదరు. మొదట స్వామివారికి పంచామృతాభిషేకాలు, ప్రత్యేక పూజలు జరుపుతారు. అనంతరం అర్చకుల వేద మంత్రాలు, మంగళవాద్యాల నడుమ, స్వామివారి కళ్యాణం అంగరంగ వైభవంగా నిర్వహించెదరు. అనంతరం కళ్యాణానికి విచ్చేసిన భక్తులకు తీర్ధప్రసాదాలు పంపిణీ చేసెదరు. సాయంత్రం గ్రామోత్సవం నిర్వహించెదరు.
శ్రీ పర్వతవర్ధనీ శాంతిలింగేశ్వరస్వామివారి ఆలయం మార్చు
ఈ ఆలయ కుంభాభిషేక మహోత్సవాలలో భాగంగా, 2014, మే-31, శనివారం నాడు, ఆలయంలో అంగ ప్రదక్షిణ సేవా కార్యక్రమాన్ని ఘనంగా నిర్వహించారు. ఉదయం 108 మంది భక్తులు, తడి గుడ్డలతో, 108 సార్లు ప్రదక్షిణలు చేసారు. వేద పండితులు చండీ పారాయణం నిర్వహించారు. ప్రధాన పండితులు వరుణుని కోసం, జలంలో జపాన్ని కొనసాగించారు. ఈ కార్యక్రమానికి మండలం నలుమూలలనుండి భక్తులు విచ్చేసి, స్వామివారిని దర్శించుకొని, తీర్ధప్రసాదాలు స్వీకరించారు. ఆదివారం నాడు ఉదయం స్వామివారికి పంచామృతాభిషేకాలు, ప్రత్యేకపూజలు నిర్వహించారు. మూడవ రోజు గూడా జలంలో జపం కార్యక్రమంలో చండీ హోమాన్ని భక్తిశ్రద్ధలతో నిర్వహించారు. 1108 మట్టికుండలతో ఘటాభిషేకం నిర్వహించారు. మద్యాహ్నం భక్తులకు అన్నదానం నిర్వహించారు. ఈ కార్యక్రమానికి భక్తులు మండలం నలుమూలలనుండి విచ్చేసారు. ఈ ఆలయంలో స్వామివారి బ్రహ్మోత్సవాలు, 2014, జూన్-9, సోమవారం నుండి పది రోజులపాటు నిర్వహించెదరు.
శ్రీ బొంబాయిస్వామి ఆశ్రమం మార్చు
ఈ ఆశ్రమం పుల్లంపేట గ్రామంలోని చిట్వేలు రహదారిపై ఉంది.
మూలాలు మార్చు
- ↑ "Office of the Registrar General & Census Commissioner, India - Village amenities of 2011".
- ↑ వీరాస్వామయ్య, యేనుగుల (1941). కాశీయాత్రా చరిత్ర (PDF) (మూడవముద్రణ ed.). విజయవాడ: దిగవల్లి వెంకటశివరావు. Retrieved 26 November 2014.