వికీపీడియా

ప్రశాంత్ కిషోర్

ప్రశాంత్‌ కిశోర్‌ (జననం:1977) భారతీయ ఎన్నికల వ్యూహకర్త, రాజకీయవేత్త.[1] జనతాదళ్(యునైటెడ్) కు చెందిన ప్రశాంత్ కిషోర్‌ను పౌరసత్వ సవరణ చట్టం (2019) పై, పార్టీ అధిపతి అయిన నితీష్ కుమార్ అవలంబించిన అనుకూల వైఖరిని విమర్శించినందుకు గాను ఆయనను 2020 జనవరి 29న పార్టీ నుండి బహిష్కరించారు.[2] ప్రారంభంలో ప్రజారోగ్యంలో శిక్షణ పొందిన కిషోర్, భారత రాజకీయాల్లోకి రాకముందు ఐదేళ్లపాటు ఐక్యరాజ్యసమితిలో పనిచేశాడు.[3][4]

ప్రశాంత్ కిషోర్
జననం1977
వృత్తిఎన్నికల వ్యూహకర్త
సుపరిచితుడు/
సుపరిచితురాలు		2014 భారత సార్వత్రిక ఎన్నికలు
2015 బీహార్ శాసనసభ ఎన్నికలు
2017 ఉత్తరప్రదేశ్ శాసనసభ ఎన్నికలు
2019 ఆంధ్రప్రదేశ్ శాసనసభ ఎన్నికలు
రాజకీయ పార్టీ2018 - 2020 జనతాదళ్ (యునైటెడ్)
2021 పశ్చిమబెంగాల్‌ - అఖిల భారత తృణమూల్ కాంగ్రెస్

కిషోర్ బిజెపి, కాంగ్రెస్ రెండింటికి ఎన్నికల వ్యూహకర్తగా పనిచేశాడు. గుజరాత్ అసెంబ్లీ ఎన్నికలలో 2012 లో మూడవసారి ముఖ్యమంత్రిగా ఎన్నికయ్యేందుకు అప్పటి గుజరాత్ ముఖ్యమంత్రి నరేంద్ర మోడీకి సహాయం చేయడానికి కిషోర్ తన మొట్టమొదటి ప్రధాన రాజకీయ ప్రచారం చేసాడు. అయితే, 2014 లోక్సభ ఎన్నికలలో నరేంద్ర మోడీ నేతృత్వంలోని భారతీయ జనతా పార్టీ (బిజెపి) సంపూర్ణ మెజారిటీని సాధించడానికి కిషోర్‌కు చెందిన సిటిజెన్స్ ఫర్ అకౌంటబుల్ గవర్నెన్స్ (సిఎజి) అనే ఎన్నికల ప్రచార బృందం సహాయం చేసినప్పుడు ఆయన ప్రజల దృష్టికి వచ్చాడు.[5] కష్టమైన ప్రశ్నలకు ఎలా సమాధానం చెప్పాలో శిక్షణ ఇవ్వడానికి కిషోర్, మోడీకి కరణ్ థాపర్‌తో తన ప్రఖ్యాత బ్రేక్ ఆఫ్ ఇంటర్వ్యూను 30 సార్లు చూపించాడని పవన్ వర్మ చెప్పినట్లు 2018 ఇంటర్వ్యూలో కరణ్ థాపర్ గుర్తుచేసుకున్నాడు.[6]

వ్యక్తిగత జీవితం

మార్చు

కిషోర్ రోహ్తాస్ జిల్లాలోని కోనార్ గ్రామానికి చెందినవాడు. అతని తండ్రి శ్రీకాంత్ పాండే. తండ్రి వైద్యవృత్తి రీత్యా బీహార్ లోని బక్సార్ కు మారారు. అక్కడే కిషోర్ మాధ్యమిక విద్యను పూర్తి చేశాడు.[7] [4]

వృత్తి

మార్చు

బిజెపి ముందస్తు ఎన్నికల ప్రచారంలో కిషోర్ ప్రధాన వ్యూహకర్తలలో ఒకరు అయ్యాడు. [8] అతను 2018 సెప్టెంబరు 16న జనతాదళ్ (యునైటెడ్) రాజకీయ పార్టీలో చేరాడు. [3]

కాగ్ 2014 సాధారణ ఎన్నికల ప్రచారం

మార్చు

2013 మేలో, కిషోర్ సిటిజెన్స్ ఫర్ అకౌంటబుల్ గవర్నెన్స్ (సిఎజి) ను స్థాపించాడు. ఇది 2014 మే లో జరిగిన సార్వత్రిక ఎన్నికలకు సన్నాహకంగా ఏర్పరచిన మీడియా ప్రచార సంస్థ. [9] నరేంద్ర మోడీ చాయ్ పే చార్చా చర్చలు, [10] 3 డి ర్యాలీలు, రన్ ఫర్ యూనిటీ, [11] మంథన్ సోషల్ మీడియా ప్రోగ్రామ్‌ల కోసం వినూత్న మార్కెటింగ్ & ప్రకటనల ప్రచారాన్ని రూపొందించిన ఘనత కిషోర్‌కు దక్కింది. [12] 'నరేంద్ర మోడీ: ది మ్యాన్, ది టైమ్స్' పుస్తక రచయిత నీలాంజన్ ముఖోపాధ్యాయ్ మాట్లాడుతూ, 2014 ఎన్నికలకు ముందు నెలల తరబడి పనిచెసిన మోడీ బృందాన్ని నడిపించిన వ్యూహాల్లో కిషోర్ ఒక ముఖ్యమైన వ్యక్తి అని అన్నాడు. [13] కిషోర్ మోడీతో విడిపోయాక, (సిఎజి) ను స్పెషలిస్ట్ పాలసీ సంస్థ ఇండియన్ పొలిటికల్ యాక్షన్ కమిటీ[14] (ఐ-పిఎసి)[15] గా మార్చాడు. [16]

2019 ఆంధ్రప్రదేశ్ అసెంబ్లీ ఎన్నికలు

మార్చు

2017 మే లో వైఎస్ జగన్‌మోహన్ రెడ్డి కిషోర్‌ను తన రాజకీయ సలహాదారుగా నియమించుకున్నాడు. ఐ పాక్ సంస్థ వై ఎస్ ఆర్ కాంగ్రెసు పార్టీకి సమర శంఖారావం, అన్న పిలుపు, ప్రజా సంకల్ప యాత్ర అనే కొన్ని ప్రచార కార్యక్రమ వ్యూహలను సిద్ధం చేసింది. ఫలితంగా పార్టీ 151 స్థానాల్లో విజయం సాధించింది.

2020 డిల్లీ అసెంబ్లీ

మార్చు

కిషోర్ 2020 దిల్లీ శాసనసభ ఎన్నికల్లో ఆమ్ ఆద్మీ పార్టీకి ఎన్నికల వ్యూహకర్తగా వ్యవహరించాడు. [17]

2021 వెస్ట్ బెంగాల్ ఎన్నికలు

మార్చు

ప్రశాంత్ కిషోర్ వెస్ట్ బెంగాల్ ఎలక్షన్ 2021 లో టీఎంసీ అలాగే తమిళనాడులో డీఎంకే పార్టీలకి ఎన్నికల వ్యూహకర్తగా వ్యవహరించాడు. ఆ తరువాత కిషోర్ తను ఇకపై రాజకీయ వ్యూహకర్తగా ఉండబోనని ఎన్డీటీవీలో జరిగిన ఒక ముఖాముఖీ కార్యక్రమంలో తెలిపాడు. ఆ తరువాత 2022 మే 2 న కిషోర్ తన సొంత రాజకీయ పార్టీని స్థాపించబోతున్నట్లు కథనాలు వెలువడ్డాయి.[18] [19]

జన్ సురాజ్ పార్టీ

మార్చు

ప్రశాంత్ కిశోర్ గాంధీ జయంతి సందర్భంగా ఆయన తన రాజకీయ పార్టీ ‘జన్ సురాజ్ పార్టీ’ను ప్రారంభించారు. బిహార్ రాజధాని పాట్నాలో గాంధీ జయంతి సందర్భంగా ఏర్పాటు చేసిన ప్రత్యేక కార్యక్రమంలో ప్రశాంత్ కిశోర్ తన పార్టీ పేరును ప్రకటించారు. ఈ సందర్భంలో ఆయన పార్టీ శ్రేణులతో “జై బిహార్” నినాదాలు చేయించారు. బిహారీ ప్రజలపై జరుగుతున్న వేధింపులు దేశంలోని ఇతర రాష్ట్రాల్లో వినిపించేలా ఈ నినాదాలు ఉండాలని పార్టీ కార్యకర్తలకు సూచించారు.[20]

మూలాలు

మార్చు
  1. ↑ "Prashant Kishor becomes Advisor to Bihar CM". The Hindu (in Indian English). 22 January 2016. ISSN 0971-751X. Retrieved 28 January 2016.
  2. ↑ PTI (29 January 2020). "Thank you and God bless you for retaining CM post: Prashant Kishor to Nitish after suspension from JD(U) | India News - Times of India". The Times of India (in ఇంగ్లీష్). Retrieved 29 January 2020.
  3. ↑ 3.0 3.1 "Election Guru Prashant Kishor Join's Nitish Kumar's JD(U)". Headlines Today. Archived from the original on 16 సెప్టెంబరు 2018. Retrieved 16 September 2018.
  4. ↑ 4.0 4.1 Tewary, Amarnath (16 September 2018). "Poll strategist Prashant Kishor joins JD(U)". The Hindu (in Indian English). ISSN 0971-751X. Retrieved 25 September 2019.
  5. ↑ qz.com, Sruthijith KK. "Meet the nonprofit whose backroom work powered Modi to victory". Scroll.in (in అమెరికన్ ఇంగ్లీష్). Archived from the original on 19 నవంబరు 2015. Retrieved 9 October 2017.
  6. ↑ "Karan Thapar tells the story of Narendra Modi's walkout from infamous interview". BBC Hindi. 25 July 2018. Retrieved 17 April 2019.
  7. ↑ "JD(U) May Field Prashant Kishor from Brahmin Bastion Buxar in 2019".
  8. ↑ K, Sruthijith K. (7 October 2013). "Prashant Kishor: Meet the most trusted strategist in the Narendra Modi organisation". The Economic Times. Archived from the original on 10 October 2017. Retrieved 10 October 2017.
  9. ↑ Venugopal, Vasudha (15 May 2014). "Narendra Modi's Citizens for Accountable Governance (CAG): Will it be disbanded or play bigger role?". Bennett, Coleman & Co. Ltd. The Economic Times. Archived from the original on 16 September 2018. Retrieved 16 September 2018.
  10. ↑ "Narendra Modi to launch 'chai pe charcha' campaign today". NDTV.com. Archived from the original on 8 September 2018. Retrieved 8 September 2018.
  11. ↑ qz.com, Sruthijith KK. "Meet the nonprofit whose backroom work powered Modi to victory". Scroll.in (in అమెరికన్ ఇంగ్లీష్). Archived from the original on 19 November 2015. Retrieved 9 October 2017.
  12. ↑ "Prashant Kishor teaming up with Modi for 2019 general elections reeks of desperation".
  13. ↑ "{title}".
  14. ↑ "About Youth in Politics". Archived from the original on 2020-02-25.
  15. ↑ "ఆర్కైవ్ నకలు". Archived from the original on 2019-10-06. Retrieved 2020-05-31.
  16. ↑ Tripathi, Piyush (6 March 2016). "Power battle looms large". The Telegraph. Archived from the original on 6 March 2016. Retrieved 6 March 2016 – via Google.
  17. ↑ Kumar, Manish; Ghosh, Deepshikha (27 January 2020). "'Press EVM Button So That Current...' Prashant Kishor Vs Amit Shah". NDTV.com. Retrieved 27 January 2020.
  18. ↑ Hebbar, Nistula (2022-05-02). "Prashant Kishor announces plans for political outfit, says 'beginning from Bihar'". The Hindu (in Indian English). ISSN 0971-751X. Retrieved 2022-09-09.
  19. ↑ "TMC seals deal with Prashant Kishor's IPAC till next Bengal election". indiatoday.in. 15 June 2021. Retrieved 27 March 2022.
  20. ↑ "Prashant Kishor: కొత్త పార్టీ ప్రకటించిన పీకే.. పేరు ఏంటో తెలుసా?". News18 తెలుగు. 2024-10-02. Retrieved 2024-10-03.

20.https://telugu.news18.com/news/national-international/prashant-kishore-announced-a-new-political-party-called-jan-suraj-kb-2598199.html

"https://te.wikipedia.org/w/index.php?title=ప్రశాంత్_కిషోర్&oldid=4350887" నుండి వెలికితీశారు