ఫెలోపియన్ నాళాలు

ఫెలోపియన్ నాళాలు (Fallopian tubes) స్త్రీ జననేంద్రియ వ్యవస్థలో ఒక భాగము. ఈ నాళాలు అండాశయం నుండి గర్భకోశం వరకు వ్యాపించి ఉంటాయి. ఇటలీకి చెందిన వైద్య శాస్త్రవేత్త గాబ్రియల్ ఫెలోపియో (Gabriele Fallopio) పేరుమీద వీటికి నామకరణం జరిగింది.

ఫెలోపియన్ నాళాలు
Schematic frontal view of female anatomy
Vessels of the uterus and its appendages, rear view. (Fallopian tubes visible at top right and top left.)
లాటిన్	tuba uterina
గ్రే'స్	subject #267 1257
ధమని	tubal branches of ovarian artery, tubal branch of uterine artery
లింఫు	lumbar lymph nodes
Precursor	Müllerian duct
MeSH	Fallopian+Tubes
Dorlands/Elsevier	t_21/12827008

నిర్మాణము

మనుషులలో రెండు ఫెలోపియన్ నాళాలు గర్బాశయానికి పైభాగంలో రెండు వైపులా కార్నువా ప్రాంతంలో తెరుచుకుంటాయి. వీని రెండవ చివర కటి ప్రాంతంలో అండకోశం చుట్టుప్రక్కల ఫింబ్రియా అనే సీ అనిమోన్ వంటి నిర్మాణంలో అంతమౌతుంది. ఈ విధంగా ఇవి కడుపును బయటికి కలుపుతాయి. ఇవి ఇంచుమించు 7 నుండి 14 సెం.మీ. పొడవుంటాయి.

భాగాలు

ఫెలోపియన్ నాళాలు నాలుగు భాగాలుగా చేయవచ్చును:

• ఇన్ఫండిబ్యులమ్ - ఫింబ్రియా కలిగిన భాగం.
• ఏంపుల్లా - సాధారణంగా ఫలదీకరణం జరిగే ప్రదేశం.
• ఇస్థమస్
• గర్భాశయంలోని భాగము - అన్నింటి కన్నా సన్నని ప్రదేశం.

ఫెలోపియన్ నాళంలోని పొరలు.

ఫెలోపియన్ నాళంలో మూడు పొరలుంటాయి:

• మ్యూకస్ పొర - the distinctive folds of the mucosa are the most unusual feature. The folds contain ciliated cells and "peg cells". The region of the fallopian tube can be approximated by looking at the mucosa, because the folds are most elaborate at the ampulla and almost nonexistent at the intramural portion.
• కండరపు పొర
• సీరస్ పొర

ఫలదీకరణం

అండాశయంలో అండాలు అభివృద్ధి చెందినప్పుడు ఒక తిత్తిలో అమరి ఉంటాయి. సరైన సమయంలో ఇవి పగిలి అండం విడుదలయి ఫెలోపియన్ నాళంలోనికి చేరుతుంది. అక్కడి నుండి గర్భాశయం వైపు ప్రయాణిస్తుంది. శుక్రకణాలతో ఫలదీకరణం జరిగి, అది గర్భాశయం చేరి ప్రతిస్థాపించబడుతుంది. దీనితో గర్భం ప్రారంభమౌతుంది.

అరుదుగా ఫెలోపియన్ నాళంలోనే ప్రతిస్థాపన జరిగి ఫెలోపియన్ గర్భం వస్తుంది. ఇవి సాధారణంగా గర్భస్రావం జరిగి ఎక్కువకాలం నిలువలేవు.

పిండాభివృద్ధి

పిండ వ్యవస్థలో రెండు జతల నాళాలు బీజకణాలు ను బయటకు తీసుకొనిపోతాయి. ఒక జత ముల్లేరియన్ వాహిక (Mullerian duct) ల నుండి స్త్రీలలో ఫెలోపియన్ నాళాలు, గర్భకోశం, యోని తయారౌతాయి. రెండవ జత ఉల్ఫియన్ వాహిక (Wolffian duct) ల నుండి పురుషులలో శుక్ర వాహిక తయారౌతాయి.

వ్యాధులు

కటి ప్రాంతంలోని ఇన్ ఫెక్షన్ ఫెలోపియన్ నాళాలకు సోకవచ్చును. కొన్ని క్షయ వ్యాధులు కూడా ఇలా వచ్చి నాళాలు కుంచించుకొని పోయి ప్రవాహానికి అడ్డం కలిగించవచ్చును. దీని వలన వంద్యత్వం లేదా గర్భం కలుగవచ్చును.

శస్త్రచికిత్స

కుటుంబ నియంత్రణలో భాగంగా ఫెలోపియన్ నాళాలలో చిన్న భాగాన్ని తొలగించడాన్ని ట్యూబెక్టమీ అంటారు. వీనిలోని అడ్డంకుల్ని తొలగించి నాళాన్ని సరిచేసే శస్త్రచికిత్సను ట్యూబోప్లాస్టీ అంటారు.