బొంతపల్లి అయ్యప్పస్వామి దేవాలయం
బొంతపల్లి అయ్యప్పస్వామి దేవాలయం తెలంగాణ రాష్ట్రం, సంగారెడ్డి జిల్లా, గుమ్మడిదల మండలంలోని బొంతపల్లి గ్రామంలో ఉన్న అయ్యప్పస్వామి దేవాలయం. అయ్యప్ప భక్తులు కేరళలో శబరిగిరికొండకు వెళ్ళిన అనుభూతి కలిగేలా ఈ అయ్యప్పస్వామి దేవాలయం నిర్మించబడింది.[1]
| బొంతపల్లి అయ్యప్పస్వామి దేవాలయం | |
|---|---|
 | |
  బొంతపల్లి అయ్యప్పస్వామి దేవాలయం తెలంగాణలో దేవాలయ ఉనికి | |
| భౌగోళికాంశాలు: | 17°39′20″N 78°21′45″E / 17.6556°N 78.3626°E |
| స్థానం | |
| దేశం: | భారతదేశం |
| రాష్ట్రం: | తెలంగాణ |
| జిల్లా: | సంగారెడ్డి జిల్లా |
| ప్రదేశం: | బొంతపల్లి, గుమ్మడిదల మండలం |
| నిర్మాణశైలి, సంస్కృతి | |
| ప్రధానదైవం: | అయ్యప్ప |
దేవాలయ చరిత్ర
మార్చు1999లలో బొంతపల్లి గ్రామానికి చెందిన సురభి నాగేందర్‌గౌడ్‌, ఆలేటి శ్రీనివాస్‌రెడ్డి, కుమార్‌గౌడ్‌ తదితర వంటి భక్తులు కలిసి ఈ అయ్యప్పస్వామి దేవాలయాన్ని నిర్మించారు. శబరిగిరికొండలో వున్న అయ్యప్పస్వామి మూలవిరాట్టును పోలిన అయ్యప్పస్వామి విగ్రహాన్ని కూడా ఈ దేవాలయంలో ప్రతిష్ఠించారు. ఈ దేవాలయ ప్రాంగణంలో సాయిబాబా దేవాలయం, శరభలింగేశ్వరస్వామి దేవాలయం, నవగ్రహాలు, అభయాంజనేయ స్వామి దేవాలయం, బొంతపల్లి భద్రకాళీసమేత వీరభద్రస్వామి దేవాలయాలు ఉన్నాయి.[2]
ప్రత్యేకత
మార్చుఅయ్యప్పస్వామి మండల దీక్షలు చేపట్టిన అయ్యప్ప స్వామి భక్తులు కార్తీక మాసంలో ఇక్కడికి వచ్చి ఇరుముడులు సమర్పించి మొక్కులు తీర్చుకుంటున్నారు. ప్రతిరోజూ పూజలు నిర్వహించి, అన్నదానం చేస్తారు.
దీక్షలు విరమణ
మార్చుబొంతపల్లి సమీప ప్రాంతాల నుండి అయ్యప్ప భక్తులు వచ్చి అయ్యప్పస్వామిని దర్శించుకొని, ఇరుముడులను సమర్పించి తమ దీక్షలను విరమిస్తుంటారు.
వార్షికోత్సవం
మార్చుప్రతి సంవత్సరం డిసెంబరు నెలలో ఈ దేవాలయ వార్షికోత్సవం జరుపబడుతోంది. ఈ వార్షికోత్సవంలో భాగంగా గణపతి హోమం, అష్టాభిషేకాలు, గౌరీపూజ, ఆభరణాల ఊరేగింపు, ఆరట్టు, మహిషి మర్ధనం, దివ్య మహాపడిపూజ వైభవంగా నిర్వహించబడుతాయి.
మూలాలు
మార్చు- ↑ "శబరిగిరికొండను పోలిన వీరన్నగూడెం". www.msn.com. 2021-01-27. Archived from the original on 2021-12-15. Retrieved 2021-12-15.
- ↑ "రేపు అయ్యప్పస్వామి ఆలయ వార్షికోత్సవం". Namasthe Telangana (in అమెరికన్ ఇంగ్లీష్). 2021-12-13. Archived from the original on 2021-12-15. Retrieved 2021-12-15.