బ్లఫ్ మాస్టర్ (2018 సినిమా)

బ్లఫ్ మాస్టర్ 2018 లో విడుదలైన తెలుగు చలనచిత్రం. అభిషేక్ ఫిలింస్ పతాకంపై రమేష్ పి పిల్లై ఈ చిత్రాన్ని నిర్మించగా శివలెంక ప్రసాద్ సమర్పించారు. ఈ చిత్రానికి గోపి గణేష్ పట్టాభి దర్శకత్వం వహించాడు. సునీల్ కశ్యప్ సంగీతం అందించారు. దాశరధి శివేంద్ర ఛాయాగ్రాహకుడిగా పని చేశారు. సత్యదేవ్ కంచరాన, నందిత శ్వేత, బ్రహ్మాజీ తదితరులు నటించారు.

బ్లఫ్ మాస్టర్
దర్శకత్వం	గోపి గణేష్ పట్టాభి
రచన	హెచ్. వినోద్ (కథ) గోపి గణేష్ పట్టాభి (మాటలు) పులగం చిన్నారాయణ (అదనపు సంభాషణలు)
నిర్మాత	రమేష్ పి పిల్లై శివలెంక కృష్ణ ప్రసాద్ (సమర్పణ)
తారాగణం	సత్యదేవ్ కంచరాన నందిత శ్వేత బ్రహ్మాజీ
ఛాయాగ్రహణం	దాశరది శివేంద్ర
కూర్పు	నవీన్ నూలి
సంగీతం	సునీల్ కశ్యప్
నిర్మాణ సంస్థలు	అభిషేక్ ఫిలింస్ శ్రీదేవి మూవీస్ (సమర్పణ)
విడుదల తేదీ	28 డిసెంబర్ 2018
సినిమా నిడివి	138 నిమిషాలు
దేశం	ఇండియా
భాష	తెలుగు

కథ

ఉత్తమ్ కుమార్ (సత్యదేవ్) అతడి స్నేహితులు జనాలను మోసం చేస్తూ డబ్బు సంపాదిస్తూ ఉంటారు. సత్యదేవ్​ దగ్గరకు జాబ్ కోసం అవని (నందిత శ్వేత)ని అనే అమ్మాయి వస్తుంది. ఆమె ద్వారా ఇంకొంత మందిని మోసం చేస్తాడు. ఇలా మోసం చేసే క్రమంలో కొంతమంది విలన్లతో గొడవలు మొదలవుతాయి. వాళ్ళ డబ్బులు వాళ్ళకి ఇవాల్సివచ్చినప్పుడు తనతో ఉన్న స్నేహితులే తనని మోసం చేసి డబ్బు తీసుకొని పారిపోతారు. ఆ తర్వాత డబ్బు ఎలా సంపాదించాడు, వాళ్లకి ఇచ్చాడా లేదా అన్నది మిగిలిన కథ...ఈ కథ కి మూలం 2014 లో వచ్చిన శతురంగవెట్టై అనే తమిళ్ మూవీ అని చెప్పొచ్చు

తారాగణం

• సత్యదేవ్ కంచరాన (ఉత్తమ్ కుమార్)
• నందిత శ్వేత (అవని)
• బ్రహ్మాజీ (గురు భాయ్)
• ఆదిత్యా మీనన్ (పశుపతి)
• పృథ్వీరాజ్ (ధన శెట్టి)
• షిజు (ఎసిపి చంద్ర శేఖర్‌)
• వంశీ (బసవ)
• చైతన్య కృష్ణ (నందు)

పాటల పట్టిక

ఈ చిత్రానికి సునీల్ కశ్యప్ సంగీతాన్ని అందించాడు.

క్రమసంఖ్య	పేరు	గాయకులు	నిడివి
1.	"యేవో రంగుల పరిచయం"	శ్రీచరణ్ జంగ	3:45
2.	"యే మాయో యేమో"	సునిత	3:59
3.	"నీతోనే"	సునీల్ కశ్యప్	2:55
4.	"సత్కర్మభిస్ట"	సునీల్ కశ్యప్, అనురాగ్ కులకర్ణి, మోహన భోగరాజు	2:49
13:46