మన్నవ గిరిధరరావు

మన్నవ గిరిధరరావు ఆంధ్రప్రదేశ్ శాసనమండలి సభ్యుడు.

జీవిత విశేషాలు

గుంటూరు జిల్లా పొన్నూరు మండలానికి చెందిన మన్నవ ఇతని స్వగ్రామం. ఇతడు విద్యార్థిగా వల్లభజోస్యుల సుబ్బారావు మొదలైనవారివద్ద శిష్యరికం చేశాడు. చరిత్రలో ఎం.ఎ. చదివాడు. యువభారతి అనే మాసపత్రికకు, భారతీయ మార్గం అనే మాసపత్రికకు, సాధన పత్రికకు సంపాదకుడుగా పనిచేశాడు. గుంటూరులోని హిందూ కళాశాలలో రాజనీతిశాస్త్ర విభాగానికి అధిపతిగా ఉన్నాడు. 1968-1974ల మధ్య ఉపాధ్యాయుల ప్రతినిధిగా ఆంధ్రప్రదేశ్ శాసనమండలి సభ్యుడిగా ఉన్నాడు. ఇతడు జూలై 31, 2006న గుంటూరులో ఒక ప్రైవేటు ఆసుపత్రిలో చికిత్స పొందుతూ తన 77వ యేట మరణించాడు.

రచనలు

1. అప్రస్తుత ప్రసంగం
2. కాంతిరేఖలు (మూడు భాగాలు)
3. లోకజ్ఞానం
4. ఎలా చదవాలి?
5. మణిపూసలు
6. పనికొచ్చేకథలు (రెండు భాగాలు)
7. చదువుకుంటే బహుమతి
8. సూక్తి సుధ
9. హిందూ ధర్మ వైభవము
10. భారత జాతికి ఆశాజ్యోతి
11. వెర్రితలలు వేస్తున్న సెక్యులరిజం
12. ఎం.ఎల్.ఏ. ఆత్మకథ (నవల)