మెడికల్ డివైసెస్ పార్క్ (హైదరాబాదు)
తెలంగాణ రాష్ట్ర రాజధాని హైదరాబాదుకు సమీపంలోని పటాన్‌చెరు ప్రాంతంలో ఉంది.
మెడికల్ డివైసెస్ పార్క్, తెలంగాణ రాష్ట్ర రాజధాని హైదరాబాదుకు సమీపంలోని పటాన్‌చెరు ప్రాంతంలో ఉంది.[1] 250 ఎకరాల విస్తీర్ణంలోని భారతదేశంలోనే అతిపెద్ద పార్కు ఇది.[2][3] పర్యావరణ హితంగా వైద్య సాంకేతిక రంగంలో వినూత్న ఆవిష్కరణలు, వైద్య సంబంధిత ఎలక్ట్రానిక్‌ ఉత్పత్తులు, పరిశోధన-అభివృద్ధికి ఇది సహకారం అందిస్తుంది.[4]
| మెడికల్ డివైసెస్ పార్క్ | |
|---|---|
 మెడికల్ డివైసెస్ పార్క్ కారిడార్ | |
| రకం | పారిశ్రామిక పార్క్ |
| స్థానం | సుల్తాన్‌పూర్‌, పటాన్‌చెరు, సంగారెడ్డి జిల్లా |
| విస్తీర్ణం | 250 ఎకరాలు |
| నిర్వహిస్తుంది | తెలంగాణ ప్రభుత్వం |
చరిత్ర
మార్చువైద్య పరికరాలు, డయాగ్నోస్టిక్స్‌ని వృద్ధి రంగాలుగా గుర్తించిన ఈ నేపథ్యంలో సంగారెడ్డి జిల్లా, పటాన్‌చెరు సమీపంలోని సుల్తాన్‌పూర్‌లో 2017, జూన్ 17న రాష్ట్ర ఐటీ-పరిశ్రమల శాఖామంత్రి కె.టి. రామారావు, నీటిపారుదల శాఖామంత్రి హరీశ్ రావు కలిసి ఈ పార్కును ప్రారంభించారు.[5][6]
ఇది ప్రారంభమైనప్పటినుండి, ఈ పార్క్ కోసం 40 కంపెనీలు తమ తయారీ/పరిశోధన యూనిట్లను ఏర్పాటు చేశాయి. లైఫ్ సైన్సెస్, టెక్నాలజీలో హైదరాబాదకున్న ప్రాముఖ్యత వల్ల దేశంలోని హెల్త్‌కేర్ హబ్‌లలో ఒకటిగా ఉంది.[7] ప్లాస్టిక్‌లు, ఇంజనీరింగ్-ఎలక్ట్రానిక్స్ వస్తువులను తయారుచేసే నైపుణ్యమున్న అనేక కంపెనీలు హైదరాబాద్‌లో ఉండడంతో వైద్య పరికర ఆవిష్కర్తలు, తయారీదారులకు ఈ ప్రాంతం అనుకూలంగా ఉంటోంది.[8]
సదుపాయాలు
మార్చు- మౌలిక సదుపాయాలు
- అంతర్గత రోడ్లు: ప్రయాణ సౌలభ్యం కోసం 100 అడుగుల వెడల్పు గల నల్లటి టాప్ రోడ్లు
- విద్యుత్ పంపిణి: నిరంతర విద్యుత్ సరఫరా (పార్కులోని అన్ని అంతర్గత రోడ్లలో 11 కెవి లైన్లు, 16 ఎంకెవి లోడ్‌తో 33/11 కెవి సబ్‌స్టేషన్)
- నీటి సరఫరా: ప్రతిరోజూ 546,000 గ్యాలన్ల నీరు సరఫరా
- ప్రత్యేక సదుసాయాలు
- రాపిడ్ ప్రోటోటైపింగ్, టూలింగ్ ల్యాబ్: 3డి ప్రింటింగ్ టెక్నాలజీలు, 3డి స్కానర్లు, సి.ఎన్.సి. యంత్రాలు, డిజైన్-టూలింగ్ సామర్ధ్యాలు
- టెస్టింగ్-సర్టిఫికేషన్ ల్యాబ్‌లు: భద్రతలో కూడిన ఈఎంఐ-ఈఎంసి పరీక్ష సామర్థ్యాలు, గ్లోబల్ సర్టిఫికేషన్ ఏజెన్సీలతో భాగస్వామ్యం
- వైద్య పరికరాల పరీక్ష కోసం సౌకర్యాలు: స్టెరిలిటీ-టాక్సిసిటీ టెస్టింగ్, బయో కాంపాబిలిటీ-బయోమెటీరియల్ టెస్టింగ్, విద్యుత్ భద్రత-కాంపోనెంట్ టెస్టింగ్, రేడియేషన్ టెస్టింగ్, గామా వికిరణం, 3డి ప్రింటింగ్, మోల్డింగ్
- గిడ్డంగి: ప్రపంచ ప్రమాణాలకు అనుగుణంగా 3పిఎల్ సేవలతో 100,000 చదరపు అడుగులలో వైద్య పరికరాల భద్రతకు గిడ్డండి
ఇతర పార్క్ లు
మార్చు2019, సెప్టెంబరు 1న సుల్తాన్‌పూర్‌లోని సహజానంద మెడికల్ టెక్నాలజీస్ లో మెడికల్ డివైజ్ పార్క్ నిర్మాణానికి భూమి పూజ జరిగింది. 20 ఎకరాల్లో 250 కోట్ల పెట్టుబడితో ఏర్పాటుచేస్తున్న ఈ పరిశ్రమలో మెడికల్ స్టంట్లను తయారుచేస్తారు.[9]
కంపనీల ఏర్పాటు
మార్చు
- 2021 చివరి నాటికి ఈ మెడికల్ డివైసెస్ పార్క్‌లో రూ. 265 కోట్ల పెట్టుబడితో ప్రోమియా థెరప్యూటిక్స్, హ్యూవెల్ లైఫ్ సైన్సెస్, అక్రితి ఓక్యులోప్లాస్టీ, ఆర్కా ఇంజనీర్స్, ఎస్.వి.పి టెక్నో ఇంజనీర్స్, ఎల్వికాన్, రీస్ మెడిలైఫ్ అనే ఏడు కంపెనీలు తమ కార్యకలాపాలను ప్రారంభించాయి. ఈ కంపనీల ఏర్పాటు ద్వారా దాదాపు 1,300 ఉద్యోగాలకు అవకాశం ఉంది. డివైసెస్ పార్క్‌లో తమ సంస్థల కార్యకలాపాలు ప్రారంభించడానికి 2021 చివరి నాటికి రూ. 1,424 కోట్ల పెట్టుబడితో, మొత్తం 7,000 ప్రత్యక్ష ఉద్యోగాలతో 50 కంపెనీలు ముందుకొచ్చాయి.[10][11]
- 50 ఎకరాల్లో ఏర్పాటు చేసిన మహిళా పారిశ్రామిక పార్కును అంత‌ర్జాతీయ మహిళా దినోత్స‌వం సందర్భంగా 2022, మార్చి 8న రాష్ట్ర ఐటీ, పరిశ్రమల శాఖ మంత్రి కేటీఆర్ ప్రారంభించాడు, మహిళా పారిశ్రామికవేత్తలు ఏర్పాటుచేసిన ఫ్లో ఇండస్ట్రియల్ పార్క్ పైలాన్‌ను ఆవిష్క‌రించారు. ఈ కార్యక్రమంలో ఐటీశాఖ ముఖ్య కార్యదర్శి జయేశ్ రంజన్, తెలంగాణ రాష్ట్ర పారిశ్రామిక మౌలిక సదుపాయాల సంస్థ చైర్మన్ గ్యాదరి బాలమల్లు, ఫ్లో జాతీయ అధ్యక్షురాలు ఉజ్వల సింఘానియా, ఫ్లో హైదరాబాద్ చైర్‌పర్సన్ ఉమా చిగురుపాటి తదితరులు పాల్గొన్నారు.[12][13]
- ఆసియాలోనే అతిపెద్ద స్టెంట్ల తయారీ, పరిశోధన సంస్థ స‌హ‌జానంద్ మెడికల్ టెక్నాల‌జీ (ఎస్ఎంటీ) సంస్థ ప్రాజెక్టు సంజీవ‌ని పేరుతో ఏర్పాటుచేసిన స్టెంట్ల తయారీ యూనిట్‌ను 2022 ఏప్రిల్ 15న మంత్రి కేటీఆర్ ప్రారంభించాడు. 250 కోట్ల రూపాయలతో స్టెంట్ల ఉత్ప‌త్తిని చేప‌ట్టగా ఇందులో ప్రత్య‌క్షంగా, పరో‌క్షంగా రెండువేలమందికి ఉద్యోగ, ఉపాధి అవ‌కా‌శాలు లభిస్తాయి. ప్రతి సంవత్సరం 1.2 మిలి‌యన్ల కార్డి‌యాక్‌ స్టెంట్లు, 2 మిలి‌యన్ల కార్డి‌యాక్‌ బెలూన్లు ఉత్పత్తి చేస్తారు. విదే‌శాల నుంచి స్టంట్లను దిగు‌మతి చేసుకోవడంలో రోగు‌లపై ఆర్థి‌కంగా భారం పడు‌తు‌న్నది. ఇప్పుడు ఈ సంస్థ ఇక్కడ ఉత్పత్తి ప్రారం‌భిం‌చ‌నుం‌డ‌టంతో తక్కువ ధరకు స్టెంట్లు లభి‌ంచనున్నాయి.[14]
మూలాలు
మార్చు- ↑ Jun 18, TNN / Updated:; 2017; Ist, 08:06 (2017-01-18). "Nation's biggest medical devices park gets rolling | Hyderabad News - Times of India". The Times of India (in ఇంగ్లీష్). Archived from the original on 2021-08-10. Retrieved 2022-02-22.
{{cite web}}:|last2=has numeric name (help)CS1 maint: extra punctuation (link) CS1 maint: numeric names: authors list (link) - ↑ India, The Hans (2018-03-15). "Fosun Group officials meet KTR". www.thehansindia.com (in ఇంగ్లీష్). Archived from the original on 2021-08-10. Retrieved 2022-02-22.
- ↑ "Industries, Commerce Dept. gets ₹1,286 crore". The Hindu (in Indian English). Special Correspondent. 2018-03-15. ISSN 0971-751X. Archived from the original on 2021-08-10. Retrieved 2022-02-22.
{{cite news}}: CS1 maint: others (link) - ↑ ఆంధ్రజ్యోతి, హైదరాబాదు (8 June 2017). "ఈనెల 17న మెడికల్ డివైజ్ పార్క్ ప్రారంభం". andhrajyothy. Archived from the original on 10 August 2021. Retrieved 10 August 2021.
- ↑ Biggest Medical Devices Park in country inaugurated - TELANGANA - The Hindu
- ↑ Telanganatoday (2021-12-15). "KTR launches seven factories at Medical Devices Park in Sultanpur". Telangana Today (in అమెరికన్ ఇంగ్లీష్). Archived from the original on 2021-12-15. Retrieved 2022-02-22.
- ↑ Telangana Today, Hyderabad (7 April 2021). "Hyderabad emerging as medical devices hub: KTR". Archived from the original on 10 August 2021. Retrieved 10 August 2021.
- ↑ "Medical Device Park". Telangana Life Sciences (in అమెరికన్ ఇంగ్లీష్). Retrieved 2021-08-10.
- ↑ మన తెలంగాణ, వార్తలు (1 September 2019). "మెడికల్ డివైజ్ పార్క్ కు భూమిపూజ". Telangana. Archived from the original on 10 August 2021. Retrieved 10 August 2021.
- ↑ Dec 16, TNN / Updated:; 2021; Ist, 10:24 (2021-12-16). "sultanpur: Telangana: Seven companies set up units at Medical Devices Park in Sultanpur | Hyderabad News - Times of India". The Times of India (in ఇంగ్లీష్). Archived from the original on 2021-12-17. Retrieved 2022-02-22.
{{cite web}}:|last2=has numeric name (help)CS1 maint: extra punctuation (link) CS1 maint: numeric names: authors list (link) - ↑ India, The Hans (2021-12-16). "KTR inaugurates 7 companies in medical devices park". www.thehansindia.com (in ఇంగ్లీష్). Archived from the original on 2021-12-15. Retrieved 2022-02-22.
- ↑ telugu, NT News (2022-03-08). "సుల్తాన్‌పూర్‌లో మహిళా పారిశ్రామిక పార్కును ప్రారంభించిన మంత్రి కేటీఆర్". Namasthe Telangana. Archived from the original on 2022-03-08. Retrieved 2022-03-08.
- ↑ Mayabrahma, Roja (2022-03-08). "Hyderabad: KTR inaugurates FLO industrial park in Sultanpur". www.thehansindia.com (in ఇంగ్లీష్). Archived from the original on 2022-03-08. Retrieved 2022-03-08.
- ↑ telugu, NT News (2022-04-15). "వ్యాక్సిన్ క్యాపిట‌ల్ ఆఫ్ వ‌ర‌ల్డ్‌గా తెలంగాణ : మంత్రి కేటీఆర్". Namasthe Telangana. Archived from the original on 2022-04-18. Retrieved 2022-04-18.