యుగంధర్
ఇది 1979లో విడుదలైన ఒక తెలుగు చిత్రం. అమితాబ్ సూపర్ హిట్ సినిమా 'డాన్' ఆధారంగా తెలుగులో నిర్మించారు. ఐతే చిత్రకథ అప్పటికే చైనా టౌన్ హిందీ చిత్రం ఆధారంగా తెలుగులో వచ్చిన 'భలే తమ్ముడు' చిత్రకథకు కొంత దగ్గరగా ఉంటుంది. దీని దర్శకుడు కెయెస్ఆర్ దాస్. ఎన్టీఆర్ నటించి, ఇళయ రాజా స్వర పరచిన ఒకే ఒక చిత్రం యుగంధర్.
| యుగంధర్ (1979 తెలుగు సినిమా) | |
.jpg) సినిమా పోస్టర్ | |
|---|---|
| దర్శకత్వం | కె.ఎస్.ఆర్.దాస్ |
| నిర్మాణం | పి. విద్యాసాగర్ |
| కథ | జావేద్ అఖ్తర్ (హిందీలో "డాన్") |
| తారాగణం | నందమూరి తారక రామారావు, జయసుధ , సత్యనారాయణ, జయమాలిని, జగ్గయ్య, ప్రభాకర రెడ్డి, కాంతారావు, జయమాలిని |
| సంగీతం | ఇళయరాజా |
| నేపథ్య గానం | ఎస్. జానకి |
| సంభాషణలు | డి.వి. నరసరాజు |
| ఛాయాగ్రహణం | ఎమ్.సి. శేఖర్ |
| కూర్పు | కోటగిరి వెంకటేశ్వరరావు |
| నిర్మాణ సంస్థ | శ్రీ గజలక్ష్మి ఆర్ట్స్ |
| నిడివి | 159 నిముషాలు |
| భాష | తెలుగు |
| ఐ.ఎమ్.డీ.బి పేజీ | |
చిత్రకథ
మార్చుయుగంధర్ పెద్ద స్మగ్లర్. అతని ముఠా చేసే కార్య క్రమాలు పోలీసులు ఆపలేకపోతుంటారు. జయసుధ అన్నయ్య, జయమాలిని ప్రేమికుడు ఐన ప్రసాద్ బాబు పోలీసుల తరఫున యుగంధర్ వద్ద పనిచేస్తుంటాడు. అతన్ని కనిపెట్టిన యుగంధర్ అతన్ని చంపేస్తాడు. జయమాలిని ,యుగంధర్ ను పోలీసులకు పట్టించబోయి అతనిచేతిలో చనిపోతుంది. జయసుధ ,యుగంధర్ మీద పగబడుతుంది.పోలీసు దాడి లో యుగంధర్ గాయపడి పోలీసు అధికారి జగ్గయ్య కారులో మరణిస్తాడు. జగ్గయ్యకు యుగంధర్ పోలికలతో ఉన్న మరో ఎన్.టి.ఆర్ కనిపిస్తాడు. అతన్ని దగ్గరకు తీసి, యుగంధర్ స్థానంలో ప్రవేశపెడతారు. స్మగ్లరు ముఠా ను పట్టుకునే ప్రయత్నం లో జగ్గయ్య మరణిస్తాడు. యుగంధర్ స్తానంలో వేరే వ్యక్తి ఉన్నాడని మిగతావారికి తెలుస్తుంది. ఐతే పోలీసులు అతనినే యుగంధర్ అనుకుంటున్నారు. ఈ స్థితి లో స్మగ్లర్ల చేతిలో మోసపోయిన సత్యనారాయణ ప్రవేశిస్తాడు. అతని పిల్లల్ని ఎన్.టి.ఆర్ ఆదుకుంటాడు. సత్యనారాయణ, జయసుధల సాయంతో ఎన్.టి.ఆర్ స్మగ్లర్లను పోలీసులకు పట్టించి ఇవ్వడం మిగతా చిత్రం.
నటవర్గం
మార్చు- నందమూరి తారక రామారావు
- జయసుధ
- సత్యనారాయణ
- జయమాలిని
- జగ్గయ్య
- ప్రభాకర రెడ్డి
- కాంతారావు
- జయమాలిని
- శీల రవిచంద్రన్
సాంకేతిక వర్గం
మార్చుదర్శకుడు: కొండా సుబ్బరామ దాస్
సంగీతం: ఇళయరాజా
నిర్మాణ సంస్థ:శ్రీ గజలక్ష్మి ఆర్ట్స్
నిర్మాత: పి.విద్యాసాగర్
మాటలు: డి.వి.నరసరాజు
పాటలు: వేటూరి, సి నారాయణ రెడ్డి, ఆత్రేయ
నేపథ్య గానం: ఎస్ పి బాలసుబ్రహ్మణ్యం, ఎస్ జానకి
ఛాయాగ్రహణం: ఎం.సి.శేఖర్
కూర్పు: కోటగిరి వెంకటేశ్వరరావు
విడుదల:30:11:1979.
పాటలు
మార్చు- నాపరువం నీకోసం, రచన: సింగిరెడ్డి నారాయణరెడ్డి, గానం.శిష్ట్లా జానకి
- జంతర్ మంతర్ నగరం, రచన: వేటూరి సుందర రామమూర్తి, గానం. శ్రీపతి పండితారాద్యుల బాలసుబ్రహ్మణ్యం
- దా దా దా దాస్తే దాగేదా , రచన:ఆచార్య ఆత్రేయ, గానం ఎస్ పి బాలసుబ్రహ్మణ్యం, ఎస్ జానకి
- ఓ రబ్బా ఏసుకున్నా కిళ్ళీ , రచన: సి నారాయణ రెడ్డి, గానం ఎస్ పి బాలసుబ్రహ్మణ్యం
- మీ కోసమే నేనొచ్చాను , రచన: సి నారాయణ రెడ్డి, గానం ఎస్ పి బాలసుబ్రహ్మణ్యం బృందం
బయటి లింకులు
మార్చు- ఇంటర్నెట్ మూవీ డేటాబేసు లో యుగంధర్
- ఘంటసాల గళామృతము, కొల్లూరి భాస్కరరావు బ్లాగ్.