విలియం వెడ్డర్‌బర్న్
సర్ విలియం వెడ్డెర్‌బర్న్, 4 వ బారోనెట్, JP DL (1838 మార్చి 25-1918 జనవరి 25) ఒక బ్రిటిష్ పౌర సేవకుడు, రాజకీయవేత్త, అతను లిబరల్ పార్టీ పార్లమెంటు సభ్యుడు. భారత జాతీయ కాంగ్రెస్ వ్యవస్థాపక సభ్యులలోవెడ్డెర్‌బర్న్ ఒకరు.[1] [2] అతను 1889,1910, అలహాబాదు కాంగ్రెస్ సభలకు అధ్యక్షుడిగా చేసాడు.[3] [4]
విలియం వెడ్డర్‌బర్న్, బారోనెట్ | |
|---|---|
 | |
| బాన్ఫ్షైర్ యుకె పార్లమెంట్ నియోజకవర్గం పార్లమెంటు సభ్యుడు | |
| In office 1893–1900 | |
| అంతకు ముందు వారు | రాబర్ట్ డఫ్ (రాజకీయవేత్త) జననం 1835 |
| తరువాత వారు | అలెగ్జాండర్ విలియం బ్లాక్ |
| వ్యక్తిగత వివరాలు | |
| జననం | 1838 మార్చి 25 ఎడిన్‌బర్గ్, స్కాట్లాండ్, యునైటెడ్ కింగ్‌డమ్ |
| మరణం | 1918 జనవరి 25 (వయసు 79) మెరెడిత్, ఇంగ్లాండ్, యునైటెడ్ కింగ్‌డమ్ |
| జాతీయత | బ్రిటిష్ పౌరుడు |
| రాజకీయ పార్టీ | లిబరల్ పార్టీ, యుకె |
| ఇతర రాజకీయ పదవులు | ఇండియన్ నేషనల్ కాంగ్రెస్ సహ వ్యవస్థాపకుడు |
| బంధువులు | ఓగిల్వి-వెడర్‌బర్న్ బారోనెట్‌లు |
| కళాశాల | ఎడిన్‌బర్గ్ యూనివర్శిటీ |
| నైపుణ్యం | పౌర సేవకుడు, రాజకీయవేత్త |
జీవితం తొలి దశలో మార్చు
విలియం వెడ్డెర్‌బర్న్ ఎడిన్‌బర్గ్‌లో సర్ జాన్ వెడర్‌బర్న్, 2 వ బారోనెట్, హెన్రిట్టా లూయిస్ మిల్‌బర్న్ దంపతులకు నాల్గవ, చిన్న కుమారుడుగా జన్మించాడు.1745లో జాకబైట్ (ఇంగ్లీషు వాళ్లకు వుండే ఒకకక్షి, అనగా రాజ్యభ్రష్టులైన జేంసు వంశస్థులకు రాజ్యం కావలెననే వాండ్లు) పెరిగిన తరువాత జమైకా బానిస చక్కెర తోటల ద్వారా తన అదృష్టాన్ని తిరిగి పొందిన తరువాత, కుటుంబానికి వెడ్డెర్‌బర్న్ బారోనెట్సీ అనే బిరుదును అతని తాత సర్ డేవిడ్ పునరుద్ధరించాడు. విలియం హాఫ్‌వైల్ వర్క్‌షాప్‌లో, లోరెట్టో పాఠశాలలో, చివరకు ఎడిన్‌బర్గ్ విశ్వవిద్యాలయంలో చదువుకున్నాడు. [5] అతను తనతండ్రి, అన్నయ్య చేసినట్లుగానే అతను భారత పౌరసేవలులో చేరాడు. అతని అన్నయ్య జాన్ 1857 తిరుగుబాటులో చనిపోయాడు.1859లో సివిలు సర్వీసు ప్రవేశ పరీక్షలో 160 మంది అభ్యర్థులలో అతను మూడవ శ్రేణి అభ్యర్థిగా గుర్తింపు పొందాడు. తర్వాత 1860లో విలియం పౌర సేవలలో చేరాడు. [6] అతని అన్నయ్య డేవిడ్, విస్తృతంగా ప్రయాణించిన పార్లమెంట్ సభ్యుడు 3 వ బారోనెట్.
కెరీర్ మార్చు
అతను1860లో బొంబాయిలోని భారత పౌర సేవలులో చేరాడు. సింద్‌లో జిల్లా న్యాయమూర్తిగా న్యాయవిచారణ ఉన్నతాధికారిగా పనిచేశాడు. బొంబాయి ప్రభుత్వ న్యాయ, రాజకీయ విభాగాలకు కార్యదర్శిగా వ్యవహరించాడు.1885 నుండి బొంబాయి ఉన్నత న్యాయస్థానం న్యాయమూర్తిగా వ్యవహరించాడు. అతను 1887లో బొంబాయి ప్రభుత్వ ప్రధాన కార్యదర్శిగా పనిచేసినప్పుడు పదవీ విరమణ పొందాడు. తన పని సమయంలో అతను రుణాలు నుండి రైతులకు ఉత్పన్నమయ్యే సమస్యలను గుర్తించాడు. సహేతుకమైన వడ్డీధరలకు అప్పులను అందించడానికి సహకార వ్యవసాయ బ్యాంకులను స్థాపించాలని సూచించాడు. ఈ ప్రతిపాదనకు భారతదేశంలో మద్దతు లభించింది.కానీ భారత కార్యాలయం దానిని నిరోధించింది. భారతీయ న్యాయమూర్తులకు స్థానిక స్వపరిపాలన, సమానత్వాన్ని అభివృద్ధి చేయడానికి లార్డ్ రిపాన్ సూచించిన సంస్కరణలకు వెడ్డర్‌బర్న్ మద్దతు ఇచ్చాడు. అతను భారతీయుల ఆకాంక్షలకు మద్దతుగా ఉన్నాడని భావించి, బొంబాయి ఉన్నత న్యాయస్థానం న్యాయమూర్తి పదవిని నిరాకరించారు. ఇది1887 ప్రారంభంలో పదవీ విరమణకు దారితీసింది. అలాన్ ఆక్టేవియన్ హ్యూమ్‌తో పాటు అతను భారత జాతీయ కాంగ్రెస్ వ్యవస్థాపకుడు.1889, 1910 లో దాని అధ్యక్షుడిగా పనిచేశాడు [5] అతను బొంబాయిలో ప్రభావవంతమైన కాంగ్రెస్ నాయకులతో కలిసి పనిచేశాడు.1890లో అతను భారత జాతీయ కాంగ్రెస్ బ్రిటిష్ కమిటీకి అధ్యక్షత వహించాడు. ఇండియా పత్రికను ప్రచురించడంలో తోడ్పడ్డాడు. బ్రిటన్‌లో పార్లమెంటరీ చర్య ద్వారా ఉద్యమానికి మద్దతు ఇవ్వడానికి ప్రయత్నించాడు. కాంగ్రెస్‌కు చెందిన జికె గోఖలేతో సన్నిహిత సంబంధాన్ని పెంచుకున్నాడు. అతను1892లో నార్త్ ఐర్‌షైర్‌ (యుకె పార్లమెంటరీ నియోజకవర్గం) నుండి విజయవంతం కాని పార్లమెంటరీ అభ్యర్థి.1893 నుండి 1900 వరకు బాన్ఫ్షైర్ నియోజకవర్గం లిబరల్ పార్లమెంటు సభ్యుడిగా కొనసాగాడు.[5]
అతను 1895లో భారతీయ వ్యయంపై రాయల్ కమిషన్ సభ్యుడు. భారత పార్లమెంటరీ కమిటీ ఛైర్మన్ గా పనిచేసాడు. అతనిని భారతీయ ప్రగతిశీల ఉద్యమానికి గొప్ప స్నేహితుడిగా పరిగణించారు.1889 లో భారత జాతీయ కాంగ్రెసుకు అధ్యక్షుడుగా పనిచేసిన తరువాత భారత జాతీయ కాంగ్రెస్ బ్రిటిష్ కమిటీ ఛైర్మనుగా పనిచేసాడు. [5] 1910లో అతను కాంగ్రెస్ అధ్యక్షుడిగా భారతదేశానికి తిరిగి వచ్చాడు. హిందువులు, ముస్లింల మధ్య విభేదాలను పరిష్కరించడానికి ప్రయత్నించాడు. రాజ్యాంగబద్ధంగా పనిచేయాలనుకునే వారికి, మరింత మిలిటెంట్ చర్యలను ఉపయోగించాలనుకునే వారి మధ్య విభేదాలను సరిదిద్దడానికి ప్రయత్నించాడు. అతను 1912లో మరణించిన ఎఒ హ్యూమ్ జీవిత చరిత్రను వ్రాసాడు.
వివాహం, పిల్లలు మార్చు
అతను తన సోదరుడు సర్ డేవిడ్ తరువాత 1882 సెప్టెంబరు 18న బారోనెట్సీకి వచ్చాడు. అతను1878 సెప్టెంబరు12న హెన్రీ విలియం హాస్కిన్స్ కుమార్తె మేరీ బ్లాంచె హోస్కిన్స్‌ను వివాహం చేసుకున్నాడు. డోరతీ అనే కుమార్తె 1879లో పూనాలో జన్మించింది.1884లో వారికి లండన్‌లో మార్గరెట్ గ్రిసెల్డా అనే రెండవ కుమార్తె జన్మించింది. [5] అతను మెరెడిత్, గ్లౌసెస్టర్‌షైర్‌లోని తన ఇంటిలో 25 జనవరి 1918 జనవరి 25న మరణించాడు. సమీపంలోని టిబెర్టన్ గ్రామం స్థానిక చరిత్ర సంఘం ప్రకారం, మెరెడిత్ వ్యవసాయ భూమి అతని తల్లి వారసత్వంగా పొందింది. అతని తండ్రి 1859లో ఇల్లు నిర్మించడానికి స్థానికంగా ప్రముఖ వాస్తుశిల్పి జేమ్స్ మెడ్‌ల్యాండ్‌ని కోరాడు.[7]
ప్రచురణలు మార్చు
- మధ్యవర్తిత్వ న్యాయస్థానాలు, వ్యవసాయ బ్యాంకులు, గ్రామ పంచాయితీలు, భారతీయ ప్రజల పరిస్థితికి సంబంధించిన విషయాలపై పత్రాలు, పథకాలు
- అలన్ ఆక్టేవియన్ హ్యూమ్, సి.బి; భారత జాతీయ కాంగ్రెస్ పితామహుడు, 1829 నుండి 1912 వరకు (1912)
ప్రస్తావనలు మార్చు
- ↑ Nanda, Bal Ram (2015). Gokhale: The Indian Moderates and the British Raj. Princeton University Press. p. 542. ISBN 9781400870493.
- ↑ Mookerjee, Girija; Andrews, C.F (1938). Routledge Revivals: The Rise and Growth of the Congress in India. Routledge. p. 306. ISBN 9781315405483.
- ↑ = https://www.inc.in/en/leadership/past-party-president/sir-william-wedderburn Archived 2021-01-02 at the Wayback Machine>
- ↑ "William Wedderburn - Read here complete information about William Wedderburn biography, History, education, Family, fact, other information". Indian National Congress. Archived from the original on 7 డిసెంబరు 2019. Retrieved 7 December 2019.
- ↑ 5.0 5.1 5.2 5.3 5.4 C. Hayavadana Rao, ed. (1915). The Indian Biographical Dictionary. Pillar & Co. pp. 460–61. Retrieved 14 March 2010.
- ↑ Ratcliffe, S.K. (1923). Sir William Wedderburn and the Indian reform movement. London: George Allen and Unwin.
- ↑ "Meredith and the Wedderburn's" (PDF). Tibberton Gloucestershire.