శిల్పా
చిప్పీ రంజిత్ భారతీయ నటి. ఆమె ప్రధానంగా మలయాళం, కన్నడ చిత్రాలలో నటించే నటి, నిర్మాత కూడా. జనుమద జోడి (1996)లో ఆమె నటనకు ఉత్తమ నటిగా ఫిల్మ్‌ఫేర్ అవార్డు – కన్నడ, కర్ణాటక రాష్ట్ర చలనచిత్ర అవార్డులతో సహా పలు ప్రశంసలు అందుకుంది.[1]
శిల్పా | |
|---|---|
 2010లో శిల్పా | |
| జననం | దివ్య తిరువనంతపురం, కేరళ, భారతదేశం |
| ఇతర పేర్లు | చిప్పీ రంజిత్ |
| విద్యాసంస్థ | మార్ ఇవానియోస్ కాలేజ్, తిరువనంతపురం |
| వృత్తి |
|
| క్రియాశీల సంవత్సరాలు | 1992 – ప్రస్తుతం |
| బంధువులు | రాణి చంద్ర (మేనత్త) |
తెలుగు, కన్నడ చిత్రాలలో శిల్పాగా గుర్తింపు పొందింది. ఆమె భూమి తయ్య చొచ్చల మగ (1998), ముంగరిన మించు (1997), ఇదు ఎంత ప్రేమవయ్యా (1999) వంటి అనేక కన్నడ సూపర్‌హిట్ చిత్రాలలో నటించింది. శిల్పా, రమేష్ అరవింద్ జంట కన్నడ చలనచిత్రంలో అత్యుత్తమ స్క్రీన్ జంటగా పరిగణించబడుతుంది.[2]
పథేయం(1993), స్పడికం(1995) చిత్రాలలో తన నటనతో మలయాళ చిత్రసీమలో ఆమె బాగా ప్రసిద్ధి చెందింది. ఆమె అనేక మలయాళ టీవీ ధారావాహికలలో కూడా నటించింది. స్త్రీజన్మం, స్త్రీ ఒరు సాంత్వనం, శ్రీగురువాయూరప్పన్, ఆకాశదూతు వంటి సూపర్‌హిట్ సీరియల్లలో ఆమె ప్రధాన పాత్రలు పోషిస్తోంది.[3][4]
ఇక 1998లో ఎస్. వి. కృష్ణారెడ్డి దర్శకత్వంలో వచ్చిన పెళ్ళి పీటలు చిత్రంతో టాలీవుడ్ లోనూ గుర్తింపుపొందింది.
బాల్యం, విద్యాభ్యాసం
మార్చుకేరళలోని తిరువనంతపురంలో షాజీ, థంకమ్‌లకు ఆమె జన్మించింది. ఆమెకు దృశ్య అనే సోదరి ఉంది.[5] ఆమె నిర్మల భవన్ హయ్యర్ సెకండరీ స్కూల్‌, మార్ ఇవానియోస్ కాలేజీలలో చదువుకుంది.
కెరీర్
మార్చుఆమె అనేక మలయాళ చిత్రాలలో సహాయక పాత్రలు, కొన్ని ప్రధాన పాత్రలతో కెరీర్ మొదలుపెట్టింది. ఆమె 1993లో భరతన్ దర్శకత్వం వహించిన పాధేయంతో మమ్ముట్టితో కలిసి నటించింది. 1995లో మోహన్‌లాల్ నటించిన స్పదికం చిత్రంలో ఆమె సహాయక పాత్రలో నటించింది. తరువాత ఆమె 1996 కన్నడ చిత్రం, జనుమద జోడిలో కూడా నటించింది, ఇది కన్నడ చిత్ర పరిశ్రమలో అనేక రికార్డులను బద్దలు కొట్టింది. ఈ చిత్రం ఐదు వందల రోజులు ప్రదర్శించబడింది. దీంతో ఆమె కన్నడ చిత్రసీమలో ప్రధాన నటిగా స్థిరపడింది. ఈ చిత్రానికిగాను కర్ణాటక ప్రభుత్వం నుండి ఉత్తమ నటిగా కర్ణాటక రాష్ట్ర చలనచిత్ర అవార్డును అందుకుంది.
వివాహానంతరం ఆమె మలయాళ టెలివిజన్ ధారావాహికలలో నటించింది. ఆ తర్వాత ఆమె తమిళ టెలివిజన్‌లో అరంగేట్రం చేసింది.[6]
మూలాలు
మార్చు- ↑ "Best actress". Filmfare. 5 July 1998. Archived from the original on 1999-09-10. Retrieved 15 August 2012.
- ↑ M, Ahtira. "I want to do a negative role". The Hindu. Archived from the original on 2 April 2018. Retrieved 2 April 2018.
- ↑ "Vanambadi: Actress Chippy back on TV with serial 'Vanambadi'". The Times of India. Retrieved 31 January 2017.
- ↑ "Santhwanam Asianet Serial Star Cast, Behind The Scene – Latest Malayalam Series". Kerala TV. 16 September 2020.
- ↑ Chippy. "Interview with Chippy" (Interview). Amrita TV. Archived from the original on 31 July 2012. Retrieved 26 March 2014 – via YouTube.
- ↑ "Chippy says she signed 'Vanambadi' impressed by its story and music". The Times of India. Retrieved 26 September 2017.