సమీ అల్-ఖసీమ్

పాలస్తీనాకు చెందిన కవి, జర్నలిస్ట్, సంపాదకులు, రాజకీయవేత్త

సమీ అల్-ఖసీమ్ (మే 11, 1939 - ఆగస్టు 19, 2014) పాలస్తీనాకు చెందిన కవి, జర్నలిస్ట్, సంపాదకులు, రాజకీయవేత్త. తన కవిత్వంతో, వ్యాసాలతో మధ్య ఆసియాలోని అరబిక్ దేశాల్లోని పేరొందిన సాహితీవేత్తలలో ఒకడిగా పేరుగాంచాడు.[1]

సమీ అల్-ఖసీమ్
సమీ అల్-ఖసీమ్
పుట్టిన తేదీ, స్థలం(1939-05-11)1939 మే 11
జార్ఖా, ఎమిరేట్ ఆఫ్ ట్రాన్స్ జోర్డాన్
మరణం2014 ఆగస్టు 19(2014-08-19) (వయసు 75)
సఫాద్, ఇజ్రాయిల్
వృత్తికవి, రచయిత
జాతీయతపాలస్తీనీయుడు
కాలం1963-2014
రచనా రంగంజాతీయత, ట్రాజెడీ

జననం మార్చు

సమీ అల్-ఖసీమ్ 1939, మే 11న జోర్డాన్ లోని జార్ఖా నగరానికి సమీపంలోని ఒక గ్రామంలో జన్మించాడు. ఈయన పూర్వీకులు పాలస్తీనా వాసులు, ఇతని తండ్రికి జోర్డాన్ రాజు అబ్దుల్లా ఆస్థానంలో ఉద్యోగం రావడంతో జోర్డాన్ ను వచ్చారు.

సాహిత్యరంగం మార్చు

1948లో ఇజ్రాయిల్ పాలస్తీనాపై దండెత్తి ఆక్రమించుకుంది. అనుక్షణం ఆ యుద్ధం గురించి ఆలోచించిన సమీ అల్-ఖసీమ్ యుద్ధ నేపథ్యంలోనే తన రచనలను కొనసాగించాడు.[2] 1984నాటికి ఇరవై నాలుగు సంపుటాల జాతీయవాద కవితలను రాసిన సమీ అల్-ఖసీమ్ ఆరు కవితా సంకలనాలను కూడా ప్రచురించాడు.[3]

  1. స్లిట్ లిప్స్
  2. సన్స్ ఆఫ్ వార్
  3. కాన్ఫెషన్ ఎల్ మిడ్ డే
  4. ట్రావల్ టిక్కెట్స్
  5. బ్యాట్స్
  6. అబాండోనింగ్
  7. ది స్టోరీ ఆఫ్ ఎ సిటీ
  8. కన్వర్జేషన్ బిట్వీన్ ఇయర్ ఆఫ్ కార్న్ అండ్ జెరూసలేం రోజ్ థోర్న్
  9. హౌ ఐ బికేమ్ ఎన్ ఆర్టికల్
  10. స్టోరి ఆఫ్ ది అన్నోన్ మెన్
  11. ఎండ్ ఆఫ్ ఎ డిస్కషన్ విత్ ఏ జైలర్
  12. ది విల్ ఆఫ్ ఎ మ్యాన్ డైయింగ్ ఇన్ ఎక్సైల్
  13. ది బోరింగ్ ఆర్బిట్
  14. ది క్లాక్ ఆన్ ది వాల్

రాజకీయరంగం మార్చు

తాను నమ్మిన సిద్ధాంతాల ఆచరణకు రాజకీయాలే సరైన దారి అని గుర్తించి, ఇజ్రాయెల్ కమ్యూనిస్ట్ పార్టీలో చేరి అనేకసార్లు అరెస్ట్ అయ్యాడు.[4] కొతంకాలం తరువాత హదాష్ అనే ప్రజాస్వామ్య పార్టీలో చేరి ఇజ్రాయెల్ లో మైనార్టీలైన తోటి అరబ్బులపై వారి జీవన స్థితిగతులపై అనేక ప్రసంగాలు చేయడమేకాకుండా తన రచనల ద్వారా కూడా వ్యక్తీకరించాడు.

ఇతర వివరాలు మార్చు

  1. ఈయన హైఫాలో జర్నలిస్టుగా పనిచేయడంతోపాటు, అక్కడే అరబెస్క్ ప్రెస్, ఫోక్ ఆర్ట్స్ సెంటర్‌ను నడిపాడు. ఇజ్రాయెల్ అరబ్ వార్తాపత్రిక కుల్ అల్-అరబ్ కు ప్రధాన సంపాదకుడిగా పనిచేశాడు.[5]
  2. ఈయన 1997లో, 2000లో సిరియాను సందర్శించాడు.
  3. 2001లో ఒక కవితా కార్యక్రమం కోసం ఇజ్రాయెల్ అధికారులు లెబనాన్ వెళ్ళకుండా ఇతన్ని అడ్డగించారు.[6]

మరణం మార్చు

ఈయన అనారోగ్యంతో 2014, ఆగస్టు 19న ఇజ్రాయిల్ లోని సఫాద్ లో మరణించాడు.

మూలాలు మార్చు

  1. నమస్తే తెలంగాణ, చెలిమె-ప్రపంచ కవిత (4 November 2018). "జీవిక-జీవితం!". మామిడి హరికృష్ణ. Archived from the original on 6 July 2019. Retrieved 6 July 2019.
  2. Palestinian Writers in Israel Archived 2007-11-20 at the Wayback Machine Hardy, Rogers. December 1982, Boston Review
  3. A Bilingual Anthology of Arabic Poetry - Victims of A Map by Samih al-Qasim, Adonis, and Mahmoud Darwish. Al-Saqi Books 26 Westbourne Grove, London W2 1984
  4. Lines of Resistance Palattaella, John. The Nation
  5. Poet Profile: Samih al-Qasim Archived 2013-09-06 at the Wayback Machine PBS Online
  6. Encyclopedia of the Palestinians by Philip Mattar. Facts on File 2005

ఇతర లంకెలు మార్చు