అట్లూరి పిచ్చేశ్వర రావు

అట్లూరి పిచ్చేశ్వర రావు (ఏప్రిల్ 12, 1925 - సెప్టెంబర్ 26, 1966), తెలుగు కథకుడు, అనువాదకుడు, నవలా రచయిత, స్క్రీన్ ప్లే రచయిత.

అట్లూరి పిచ్చేశ్వర రావు
Atluri Pitcheswara Rao.jpg
జననం(1925-04-12) 1925 ఏప్రిల్ 12
చౌటపల్లి, కృష్ణా జిల్లా
మరణం1966 సెప్టెంబరు 26 (1966-09-26)(వయసు 41)
మరణానికి కారణంగుండెపోటు
నివాసంచెన్నై
వృత్తికథకుడు, అనువాదకుడు, నవలా రచయిత, సాహిత్యవేత్త
జీవిత భాగస్వామిచౌదరాణి
పిల్లలుఅనిల్ అట్లూరి
తల్లిదండ్రులు
  • సీతారామస్వామి (తండ్రి)
  • శేషారత్నం (తల్లి)

జీవితంసవరించు

పిచ్చేశ్వర రావు ఆంధ్ర ప్రదేశ్ లోని కృష్ణా జిల్లా యందు చౌటపల్లి గ్రామంలో ఏప్రిల్ 12, 1925 న జన్మించాడు. ఆ తర్వాత ఆయన కుటుంబం సమీప గ్రామమైన పులపర్రు గ్రామానికి వలస పోయింది. చౌటపల్లి గ్రామంలోనూ, కైకలూరు పాఠశాలలయందు విద్యాభ్యాసం చేశాడు. హిందీ విశారద పరీక్షలలో ప్రథముడుగా నిలిచాడు. తన ఇంటర్మీడియట్ విద్యను హిందూ కాలేజ్ లో పూర్తి చేశాడు.[1] తన విద్య పూర్తయిన తరువాత 1945 లో భారత నౌకా దళంలో చేరాడు. 1948 లో బి.ఆర్.డబ్ల్యూ, కె.సి.జి. పరీక్షలలో ఉత్తీర్ణుడయ్యాడు. 1953 లో తన ఉద్యోగానికి రాజీనామా చేశాడు.

పిచ్చేశ్వర రావు, ప్రముఖ కవి, సంఘ సంస్కర్త అయిన త్రిపురనేని రామస్వామి గారి కనిష్ఠ పుత్రికైన చౌదరాణిని వివాహం చేసుకున్నాడు. ఆమె కూడా కథా రచయిత్రి, నవలా రచయిత్రి. ఆమె తెలుగు పుస్తక శాలను మద్రాసులో ప్రారంభించింది. ఆమె 1996 లో మరణించింది.

రచనా జీవితంసవరించు

పిచ్చేశ్వర రావు తెలుగు దినపత్రిక అయిన విశాలాంధ్ర దినపత్రికలో కొంత కాలం పాటు పనిచేశాడు. 1962 లో మద్రాసు (ప్రస్తుతం చెన్నై) కు వెళ్ళి చిత్ర పరిశ్రమలో స్క్రీన్ రైటర్ గా స్థిర పడ్డాడు. హిందీ భాషలో గల సాహిత్యాన్ని తెలుగులో అనువాదం చేయుటకు కృషి చేశాడు. అవి గోదాన్, ప్రతిధ్వని, పేకముక్కలు,, గాడిద ఆత్మ కథ. ఆ అనువాదంలో భాగంగా, అనేక కథలు, రేడియో నాటికలు, వంటివి రాసాడు. వాటిలో మనసులో మనిషీ ప్రాధాన్యత పొందింది.

"గౌతమ బుద్ద", "వీరేశ లింగం" అనే స్క్రీప్ట్స్ పిచ్చేశ్వర రావు రచనా ప్రతిభకు తార్కాణాలుగా నిలిచాయి. అవి తెలుగు భాషలో ప్రసిద్ధమైనవి. చిత్ర పరిశ్రమలో ప్రముఖ స్క్రీన్ రైటర్ గా ప్రసిద్ధి పొందాడు.

మరణంసవరించు

పిచ్చేశ్వర రావు సెప్టెంబర్ 26, 1966లో గుండె పోటుతో మరణించాడు.

పనులుసవరించు

రచనలు:

కథలు, గల్పికలు, నాటికలు

విన్నవి - కన్నవి

మనసులో మనిషి

కథాసాగరం

పిచ్చేశ్వరరావు కథలు

అనువాదములు హింది నుండి తెలుగులోకి

గోదాన్ - ప్రేమచంద్

ఒకానొక గాడిద ఆత్మ కథ - కిషన్ చందర్

నేఫాలో గాడిద - కిషన్ చందర్

పేకముక్కలు - అరికెపూడి రమేష్ చౌదరి

అనువాదములు రష్యన్ నుండి తెలుగులోకి

పారిస్ పతనం - ఇల్యా ఎహ్రెన్ బెర్గ్

బాగోగులు - ఇల్యా ఎహ్రెన్ బెర్గ్

ఆదర్శ జీవులు - ఆంతోనినా కోప్తాయేవా - 1959

అపరిచిత -గలీనా నికోలాయేవా

వెండితెర నవలలు

కృష్ణలీలలు -1959

ఇల్లరికం -1, మే, 1959

నమ్మినబంటు -జనవరి, 1960

చివరకు మిగిలేది -1960

భార్యాభర్తలు -1961

వాగ్దానం -1961

బాటసారి -30, June 1961

ఆత్మబంధువు -1962, డిసెంబరు 14

కొడుకులు కోడళ్ళు -1963

అనుబంధాలు -1963

కథనం - సంభాషణలు

చలనచిత్రాలు

చివరకు మిగిలేది -1960

భార్యాభర్తలు -1961

వివాహబంధం -1964

కాంభోజరాజు కథ -1967

లఘు చిత్రాలు

గౌతమ బుద్ధ

కందుకూరి వీరేశలింగం

సూచికలుసవరించు

  1. Unattributed (2011). "History of Machilipatnam". About Machilipatnam. Manakrishanazilla.com. మూలం నుండి 28 జనవరి 2012 న ఆర్కైవు చేసారు. Retrieved 4 January 2012.