అబ్బాస్ ఆలీ బేగ్
అబ్బాస్ ఆలీ బేగ్ (జననం 1939 మార్చి 19) తెలంగాణకు చెందిన భారతీయ మాజీ క్రికెట్ క్రీడాకారుడు. 1959-1967 మధ్యకాలంలో 10 టెస్టులు మ్యాచ్‌లు ఆడాడు.తన 21 ఏళ్ళ క్రికెట్ కెరీర్‌లో ఫస్ట్-క్లాస్ క్రికెట్‌లో 34.16 సగటుతో 12,367 పరుగులు చేశాడు. 1991 నుండి 1992 వరకు (1992 క్రికెట్ ప్రపంచ కప్‌లో ఆస్ట్రేలియా పర్యటనలో) భారత క్రికెట్ టీంకు కోచ్‌గా పనిచేశాడు.[1]
| వ్యక్తిగత సమాచారం | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| పూర్తి పేరు | అబ్బాస్ ఆలీ బేగ్ | |||||||||||||||||||||||||||||||||||||||
| పుట్టిన తేదీ | 1939 మార్చి 19 హైదరాబాదు, తెలంగాణ | |||||||||||||||||||||||||||||||||||||||
| బ్యాటింగు | కుడిచేతివాటం | |||||||||||||||||||||||||||||||||||||||
| బౌలింగు | లెగ్ బ్రేక్ | |||||||||||||||||||||||||||||||||||||||
| అంతర్జాతీయ జట్టు సమాచారం | ||||||||||||||||||||||||||||||||||||||||
| జాతీయ జట్టు | ||||||||||||||||||||||||||||||||||||||||
| తొలి టెస్టు (క్యాప్ 93) | 1959 జూలై 23 - ఇంగ్లాండ్ తో | |||||||||||||||||||||||||||||||||||||||
| చివరి టెస్టు | 1966 డిసెంబరు 31 - వెస్టిండీస్ తో | |||||||||||||||||||||||||||||||||||||||
| దేశీయ జట్టు సమాచారం | ||||||||||||||||||||||||||||||||||||||||
| Years | Team | |||||||||||||||||||||||||||||||||||||||
| 1954–1976 | హైదరాబాదు క్రికెట్ టీం | |||||||||||||||||||||||||||||||||||||||
| 1959–1962 | ఆక్స్‌ఫర్డ్‌ యూనివర్సిటీ | |||||||||||||||||||||||||||||||||||||||
| 1960–1962 | సమర్సెట్ కౌంటీ క్రికెట్ క్లబ్ | |||||||||||||||||||||||||||||||||||||||
| కెరీర్ గణాంకాలు | ||||||||||||||||||||||||||||||||||||||||
| ||||||||||||||||||||||||||||||||||||||||
మూలం: క్రికెట్ ఆర్కైవ్, 2012 నవంబరు 21 | ||||||||||||||||||||||||||||||||||||||||
జీవిత విశేషాలు
మార్చుఅబ్బాస్ ఆలీ బేగ్ 1939, మార్చి 19న తెలంగాణ రాష్ట్రం హైదరాబాద్‌లో జన్మించాడు. అబ్బాస్ కు ముగ్గురు తమ్ముళ్ళు- ముర్తుజా బేగ్, మజర్ బేగ్, ముజ్తబా బేగ్. వీరందరూ కూడా ప్రొఫెషనల్ క్రికెట్ ఆటగాళ్ళు. ముర్తుజా హైదరాబాద్ తరపున ఫస్ట్ క్లాస్ క్రికెట్ ఆడాడు కానీ అబ్బాస్ కంటే తక్కువ విజయాలను సాధించాడు.[2]
క్రీడాజీవితం
మార్చు1954-55 రంజీ ట్రోఫీలో ఆంధ్రప్రదేశ్‌తో జరిగిన మ్యాచ్‌లో ఫస్ట్ క్లాస్ క్రికెట్ లోకి ప్రవేశించాడు.[3] మైసూర్ క్రికెట్ టీంతో జరిగిన ఆ తరువాతి మ్యాచ్ లో 105, 43 పరుగులు సాధించి నాటౌట్ గా నిలిచాడు.[4] టోర్నమెంట్ మొత్తంలో 62.33 సగటుతో 187 పరుగులు చేసి టీంలో రెండవ అత్యధిక పరుగులు చేసిన ఆటగాడిగా నిలిచాడు.[5]
1950ల చివరలో అబ్బాస్ ఇంగ్లాండ్ ఆక్స్‌ఫర్డ్‌లోని యూనివర్సీటీ కాలేజీ వెళ్ళాడు.[6] 1959లో యూనివర్సిటీ టీం తరపున 15 ఫస్ట్-క్లాస్ మ్యాచ్‌లు ఆడాడు. ఫ్రీ ఫారెస్టర్స్‌పై 221 నాటౌట్, 87 పరుగులు చేశాడు. డెరిక్ డి సారమ్ పేర ఉన్న 283 పరుగుల (208, 75) రికార్డును అధిగమించి, ఒక ఫస్ట్-క్లాస్ మ్యాచ్‌లో టీం తరపున అత్యధిక పరుగులు చేసిన ఆటగాడిగా నిలిచాడు.[a] ఆ సమయంలో భారత క్రికెట్ టీం ఇంగ్లాండ్‌లో పర్యటించింది. ఆ సిరీస్‌లోని నాల్గవ మ్యాచ్‌లో విజయ్ మంజ్రేకర్ గాయపడగా, అతని స్థానంలో అబ్బాస్ ను భారతదేశ టీం తరపున ఆడేందుకు పిలిపించారు.[8] 20 సంవత్సరాల 131 రోజుల వయస్సులో భారతదేశ రెండవ ఇన్నింగ్స్‌లో 112 పరుగులు చేయడం ద్వారా అరంగేట్రంలో సెంచరీ చేసిన అతి పిన్న వయస్కుడైన భారతీయ క్రికెటర్ గా నిలిచాడు.[9] భారత్ వెలుపల భారత అరంగేట్రం చేసిన తొలి సెంచరీ కూడా ఇదేకావడం విశేషం.[10] పాలీ ఉమ్రిగర్ మరో సెంచరీ చేసినప్పటికీ, భారత్ మ్యాచ్‌లో ఓడిపోయింది.[8] సిరీస్ చివరి మ్యాచ్‌లో అబ్బాస్ టీంలో తన స్థానాన్ని నిలుపుకున్నాడు. అరంగేట్రం టెస్టు మ్యాచ్‌లో 4వ ఇన్నింగ్స్‌లో సెంచరీ చేసిన తొలి బ్యాట్స్‌మెన్‌గా రికార్డు సృష్టించాడు.[11][12]
ఇంగ్లండ్‌లో సిరీస్ తర్వాత ఆ సంవత్సరం చివర్లో ఆస్ట్రేలియాతో స్వదేశంలో జరిగిన సిరీస్‌లో అబ్బాస్ కు భారత టీంలో చోటు లభించింది. కాన్పూర్‌లో జరిగిన రెండో టెస్టులో, రెండు ఇన్నింగ్స్‌లలో 19, 36 పరుగులు చేశాడు. ఈ మ్యాచ్‌తో ఆస్ట్రేలియాపై భారత్ తొలి టెస్టు విజయం సాధించింది.[13] బాంబేలో జరిగిన తదుపరి మ్యాచ్‌లో మొదటి ఇన్నింగ్స్‌లో 50 పరుగులు చేశాడు, నారీ కాంట్రాక్టర్‌తో కలిసి కీలకమైన 133 పరుగుల భాగస్వామ్యం అందించాడు. ఆ తర్వాత రెండో ఇన్నింగ్స్‌లో 58 పరుగులు చేసిన తర్వాత బేగ్ మరో అర్ధ సెంచరీ చేశాడు. అబ్బాస్ సాధించిన అర్ధ సెంచరీల వల్ల మ్యాచ్ డ్రాగా నిలిచింది.[14] భారతదేశ రెండవ ఇన్నింగ్స్‌లోని విరామం సమయంలో, రామ్‌నాథ్ కెన్నీతో కలిసి పెవిలియన్‌కు వెళ్ళినప్పుడు, ఒక మహిళా ప్రేక్షకురాలు వచ్చి అబ్బాస్ చెంపపై ముద్దు పెట్టుకుంది.[8] మైదానంలో ముద్దుపెట్టుకున్న మొదటి భారతీయ క్రికెటర్‌గా నిలిచాడు.[15] "నేను వందలు, రెండు వందలు స్కోర్ చేస్తున్నప్పుడు ఈ ఔత్సాహిక యువతులందరూ ఎక్కడ ఉన్నారని నేను ఆశ్చర్యపోతున్నాను" అని విజయ్ మర్చంట్ వ్యాఖ్యానించాడు.[16] ఈ సంఘటనను వర్ణిస్తూ "ది కిస్సింగ్ ఆఫ్ అబ్బాస్ అలీ బేగ్" అనే పెయింటింగ్ సల్మాన్ రష్దీ నవల ది మూర్స్ లాస్ట్ సిగ్ (1995) లో ప్రదర్శించబడింది.[17] 1959/60 సీజన్‌లో అబ్బాస్ సాధించిన విజయాలతో "క్రికెటర్స్ ఆఫ్ ది ఇయర్"లో ఒకరిగా పేర్కొనబడ్డాడు.[18]
తరువాత జరిగిన సీజన్‌లో, పాకిస్తాన్‌పై విఫల ఔటింగ్‌ను ఎదుర్కొని, నాలుగు ఇన్నింగ్స్‌లలో కేవలం 34 పరుగులు మాత్రమే చేయగలిగాడు. దానివల్ల అబ్బాస్ తదుపరి సిరీస్‌కు దూరం చేయబడ్డాడు. అయినప్పటికీ, దేశవాలీ క్రికెట్ లో ఆకట్టుకున్నాడు. రంజీ, దులీప్ ట్రోఫీ టోర్నమెంట్‌లలో భారీ స్కోర్ చేశాడు. 1966లో, స్వదేశంలో వెస్టిండీస్‌తో జరిగిన సిరీస్‌లో టీంలో చేర్చబడ్డాడు. ఆ సిరీస్‌లో ఆడిన రెండు టెస్టుల్లో 48 పరుగులు చేశాడు. ఆ తరువాత టీం నుండి మళ్ళీ తొలగించబడ్డాడు, ఆ తరువాత టెస్టు క్రికెట్ ఆడలేదు. 1971 వెస్టిండీస్ పర్యటనలో తొలగించబడటానికి ముందు టీంలోకి వచ్చాడు. ఆ తరువాత 1971 లో ఇంగ్లండ్‌లో పర్యటించిన భారత టీంలో ఎంపికయ్యాడు.
మూలాలు
మార్చు- ↑ "ఆస్ట్రేలియా Tour 1991–92". Archived from the original on నవంబరు 17 2016. Retrieved 2021-12-24.
{{cite web}}: Check date values in:|archive-date=(help) - ↑ Ramnarayan 2015, pp. 140–141.
- ↑ "Hyderabad v Andhra". CricketArchive. Retrieved 2021-12-24.
- ↑ "Hyderabad v Mysore". CricketArchive. Retrieved 2021-12-24.
- ↑ "Batting and fielding in Ranji Trophy 1954/55 (ordered by runs)". CricketArchive. Retrieved 2021-12-24.
- ↑ "Abbas Ali Baig". CricketArchive.
- ↑ "Most Runs in a Match for Oxford University". CricketArchive. Retrieved 2021-12-24.
- ↑ 8.0 8.1 8.2 Ramnarayan 2015, p. 140.
- ↑ "A true competitor". ESPNcricinfo. Retrieved జూలై 27 2017.
{{cite web}}: Check date values in:|access-date=(help) - ↑ Ramchand, Partab. "Abbas Ali Baig". ESPNcricinfo. Retrieved 2021-12-24.
- ↑ "Records | Test matches | Batting records | Hundred on debut | ESPN Cricinfo". Cricinfo. Retrieved 2021-12-24.
- ↑ "4th Test: England v India at Manchester, Jul 23-28, 1959 | Cricket Scorecard | ESPN Cricinfo". Cricinfo. Retrieved 2021-12-24.
- ↑ "Second Test Match: India v Australia". Wisden Cricketers' Almanack. reprinted by ESPNcricinfo. Retrieved 2021-12-24.
- ↑ "Third Test Match: India v Australia". Wisden Cricketers' Almanack. reprinted by ESPNcricinfo. Retrieved 2021-12-24.
- ↑ "Dhoni sets a world record". The Economic Times. జూలై 16 2008. Retrieved 2021-12-24.
{{cite news}}: Check date values in:|date=(help) - ↑ Banerjee, Malini; Roy, Priyanka (ఆగస్టు 2 2009). "Misses with kisses". The Telegraph (India). ఇండియా. Retrieved ఆగస్టు 25 2015.
{{cite news}}: Check date values in:|access-date=and|date=(help) - ↑ Rushdie, Salman (2011). The Moor's Last Sigh. Random House. p. 233. ISBN 978-1-4090-5887-8.
- ↑ "ఇండియాn Cricket Cricketers of the Year". CricketArchive. Retrieved 2021-12-24.
బయటి లింకులు
మార్చు
ఉల్లేఖన లోపం: "lower-alpha" అనే గ్రూపులో <ref> ట్యాగులు ఉన్నాయి గానీ, దానికి సంబంధించిన <references group="lower-alpha"/> ట్యాగు కనబడలేదు