కబడ్డీ కబడ్డీ
కబడ్డీ కబడ్డీ 2003 లో వెంకీ దర్శకత్వంలో విడుదలైన ప్రేమకథా చిత్రం.[1] ఇందులో జగపతి బాబు, కల్యాణి ముఖ్య పాత్రలు పోషించగా ఇతర ముఖ్య పాత్రల్లో తనికెళ్ళ భరణి, సూర్య, ఎం. ఎస్. నారాయణ, కొండవలస, జీవా, రఘుబాబు, జయప్రకాష్ రెడ్డి తదితరులు ఇతర ముఖ్య పాత్రల్లో నటించారు. కబడ్డీ ఆట నేపథ్యంలో అల్లుకున్న కథ ఇది. ఈ చిత్రాన్ని నిర్మాత వల్లూరుపల్లి రమేష్ బాబు, మహర్షి సినిమా అనే బ్యానరుపై నిర్మించాడు. చక్రి సంగీతాన్నందించాడు.
| కబడ్డీ కబడ్డీ | |
|---|---|
.jpg) | |
| దర్శకత్వం | వెంకీ |
| రచన | సతీష్ వేగేశ్న (సంభాషణలు) |
| కథ | శంకరమంచి పార్థసారథి |
| నిర్మాత | వల్లూరుపల్లి రమేష్ బాబు |
| తారాగణం | జగపతి బాబు కల్యాణి |
| ఛాయాగ్రహణం | ఎస్. కె. ఎ. భూపతి |
| కూర్పు | బస్వా పైడిరెడ్డి |
| సంగీతం | చక్రి |
నిర్మాణ సంస్థ | మహర్షి సినిమా |
విడుదల తేదీ | 2003 ఫిబ్రవరి 16 |
సినిమా నిడివి | 131 నిమిషాలు |
| దేశం | భారతదేశం |
| భాష | తెలుగు |
కథ సవరించు
వెంకన్నపాళెం అనే ఊర్లో రాంబాబు (జగపతి బాబు) 30 ఏళ్ళ వయసు పైబడినా ఉద్యోగం లేకుండా ఖాళీగా తిరిగే ఒక యువకుడు. చిన్న పెద్ద తేడా లేకుండా అందరితో కాలక్షేపం చేస్తుంటాడు. అతను జీవితంలో స్థిరపడటం లేదని తండ్రి (తనికెళ్ళ భరణి) ఎప్పుడూ అతన్ని తిడుతూ ఉంటాడు. వెంకన్నపాళెం పక్క ఊరైన సఖినేటిపల్లికి గ్రామపెద్ద (సూర్య) కు కావేరి అనే చెల్లెలు ఉంటుంది. రాంబాబు కావేరి (కల్యాణి)తో ప్రేమలో పడతాడు. కానీ ఆమె అన్న మాత్రం రాంబాబు పనీపాట లేకుండా తిరుగుతుంటాడని అతనికి తన చెల్లెలినిచ్చి పెళ్ళి చేయడానికి అంగీకరించడు. పైగా తమ ఊరి కబడ్డీ జట్టును రాంబాబు ఓడిస్తేనే పిల్లనిస్తానని సవాలు చేస్తాడు. రాంబాబు తన ప్రేమను నెగ్గించుకోవడానికి అప్పటి దాకా పలురకాలుగా కాలక్షేపం చేస్తున్న తన ఊరి వాళ్ళను కూడగట్టి కబడ్డీకి సిద్ధం చేసి పోటీలో గెలిచి తన ప్రేమని నెగ్గించుకోవడం సంక్షిప్తంగా ఈ చిత్ర కథ.
తారాగణం సవరించు
- రాంబాబుగా జగపతి బాబు
- కావేరిగా కల్యాణి
- రాంబాబు స్నేహితుడిగా కృష్ణ భగవాన్
- రాంబాబు తండ్రిగా తనికెళ్ళ భరణి
- కావేరి అన్నగా సూర్య
- కావేరి వదినగా ప్రీతి నిగం
- తాగుబోతు కబడ్డీ కోచ్ గా ఎం. ఎస్. నారాయణ
- కొండవలస లక్ష్మణ రావు
- జీవా
- రఘుబాబు
- జయప్రకాష్ రెడ్డి
- గుండు సుదర్శన్
- సుమన్ శెట్టి
- పిచ్చివాడుగా చిన్నా
- ప్రీతి నిగమ్[2][3]
పాటలు సవరించు
| Untitled | |
|---|---|
చక్ర సంగీతాన్నందించిన పాటలు ఆదిత్య మ్యూజిక్ ద్వారా విడుదలయ్యాయి.[4]
| సం. | పాట | పాట రచయిత | గాయకులు | పాట నిడివి |
|---|---|---|---|---|
| 1. | "గోరువంక గోదారి వంక" | భాస్కరభట్ల | రవివర్మ, కౌసల్య | 4:48 |
| 2. | "జాబిల్లి బుగ్గను గిల్లి చూడాలి" | భాస్కరభట్ల | హరిహరన్, కౌసల్య | 5:04 |
| 3. | "కోకిల కోకిల" | భాస్కరభట్ల | చక్రి, కౌసల్య | 3:57 |
| 4. | "ప్రేమ ప్రేమ" | సాయి శ్రీహర్ష | సాందీప్, కౌసల్య | 5:06 |
| 5. | "కబడీ కబడీ" | కలువ కృష్ణ సాయి | రవివర్మ, చక్రి | 4:31 |
| 6. | "కోకిల కోకిల -II" | భాస్కరభట్ల | చక్రి, కౌసల్య | 3:55 |
| Total length: | 27:35 | |||
మూలాలు సవరించు
- ↑ "కబడ్డీ కబడ్డీ చిత్ర సమీక్ష". idlebrain.com. ఐడిల్ బ్రెయిన్. Archived from the original on 10 July 2017. Retrieved 1 December 2016.
- ↑ సాక్షి, ఆంధ్రప్రదేశ్ (13 November 2014). "నా జీవితమే ఓ పుస్తకం". Sakshi. Archived from the original on 18 మే 2020. Retrieved 18 May 2020.
{{cite news}}: CS1 maint: bot: original URL status unknown (link) - ↑ ఆంధ్రజ్యోతి, తెలుగు వార్తలు (17 November 2015). "విలన్‌గా భయపెడుతున్నా". andhrajyothy.com. Archived from the original on 18 మే 2020. Retrieved 18 May 2020.
- ↑ "కబడ్డీ కబడ్డీ పాటలు". Raaga.[permanent dead link]