గుత్తా సుఖేందర్ రెడ్డి
గుత్తా సుఖేందర్ రెడ్డి తెలంగాణ రాష్ట్రానికి చెందిన రాజకీయ నాయకుడు, మాజీ ఎంపి. ఆయన తెలంగాణ శాసనమండలికి 2021లో జరిగిన ఎన్నికల్లో ఎమ్మెల్యే కోటా ఎమ్మెల్సీగా రెండోసారి నవంబర్ 22న ఎన్నికయ్యాడు.[1] ఆయన ఈ పదవిలో 01 డిసెంబర్ 2021 నుండి 30 నవంబర్ 2027 వరకు కొనసాగుతాడు.[2]
| గుత్తా సుఖేందర్ రెడ్డి | |||
 గుత్తా సుఖేందర్ రెడ్డి | |||
తెలంగాణ శాసనమండలి చైర్మన్
| |||
| పదవీ కాలం 14 మార్చి 2022 - ప్రస్తుతం | |||
| నియోజకవర్గం | నల్గొండ | ||
|---|---|---|---|
ఎమ్మెల్సీ
| |||
| ప్రస్తుత పదవిలో | |||
| అధికార కాలం 01 డిసెంబర్ 2021 నుండి 30 నవంబర్ 2027 | |||
| నియోజకవర్గం | ఎమ్మెల్యే కోటా | ||
తెలంగాణ శాసనమండలి చైర్మన్
| |||
| పదవీ కాలం 11 సెప్టెంబర్ 2019 - 3 జూన్ 2021 | |||
| ముందు | కనకమామిడి స్వామి గౌడ్‌ | ||
వ్యక్తిగత వివరాలు
|
|||
| జననం | 1954 ఫిబ్రవరి 2 ఉర్మడ్ల,చిట్యాల మండలం, నల్లగొండ జిల్లా, ఆంధ్ర ప్రదేశ్ | ||
| రాజకీయ పార్టీ | తెలంగాణ రాష్ట్ర సమితి | ||
| జీవిత భాగస్వామి | అరుంధతి | ||
| సంతానం | 1 కొడుకు, 1 కుమార్తే | ||
| మతం | హిందూ మతం | ||
జననం, చదువుసవరించు
ఈయన నల్లగొండ జిల్లాలోని ఉర్మడ్ల గ్రామంలో సరస్వతమ్మ, వెంకట్ రెడ్డి దంపతులకు1954, ఫిబ్రవరి 2న జన్మించాడు.[3][4] నాగక్రమం భగవాన్ దాస్ సైన్స్ కళాశాల ఉస్మానియా విశ్వవిద్యాలయం హైదరాబాద్ లో నుండి బి.యస్సీ. పట్టా పొందాడు.
వివాహంసవరించు
1977, మే 1న అరుంధతితో వివాహం జరిగింది. వీరికి ఒక కుమారుడు, ఒక కుమార్తె.[5]
రాజకీయ జీవితంసవరించు
గుత్తా సుఖేందర్ రెడ్డి మొదట్లో కమ్యూనిస్టు పార్టీలో, ఆ తరువాత తెలుగుదేశం, కాంగ్రెస్ లో పనిచేశాడు. సుఖేందర్‌రెడ్డి 2004 పార్లమెంట్ ఎన్నికల్లో టిడిపి నుంచి, 2009 ఎన్నికల్లో కాంగ్రెస్ పార్టీ తరపున నల్గొండ లోకసభ నియోజకవర్గం నుండి పోటీ చేసి ఎంపీగా గెలిచాడు. 2014 పార్లమెంట్ ఎన్నికల్లో కాంగ్రెస్ పార్టీ నుండి పోటీచేసి గెలిచి 2016, జూన్ 15న తెలంగాణ రాష్ట్ర సమితి పార్టీలో చేరాడు. 2018, మార్చిలో ముఖ్యమంత్రి కెసీఆర్ ఆయనను రైతు సమన్వయ సమితి రాష్ట్ర అధ్యక్షునిగా నియమించాడు. 2018, మార్చి 12వ తేదిన రాష్ట్ర రైతు సమన్వయ సమితి చైర్మన్గా ఆయన ప్రమాణాస్వీకారం చేశాడు. ఆగష్టు 2019లో శాసనమండలికి ఎమ్మెల్యే కోటా నుండి టిఆర్ఎస్ పార్టీ ఎమ్మెల్సీగా ఏకగ్రీవంగా ఎన్నికయ్యాడు. అనంతరం రాష్ట్ర రైతు సమన్వయ సమితి చైర్మన్ పదవికి రాజీనామా చేశాడు. తెలంగాణ శాసనమండలి చైర్మన్గా గుత్తా సుఖేందర్ రెడ్డి ఏకగ్రీవంగా ఎన్నికై, 2019 సెప్టెంబరు 11న బాధ్యతలు చేపట్టాడు.[6][7][8] 2021, జూన్ 3న గుత్తా సుఖేందర్ రెడ్డి పదవీకాలం ముగిసింది.
గుత్తా సుఖేందర్ రెడ్డి తెలంగాణ శాసనమండలికి 2021లో జరిగిన ఎన్నికల్లో ఎమ్మెల్యే కోటా ఎమ్మెల్సీ ఎన్నికల్లో 16 నవంబర్ 2021న టిఆర్ఎస్ ఎమ్మెల్సీ అభ్యర్థిగా ఖరారై, నవంబర్ 22న ఎమ్మెల్సీగా ఎన్నికయ్యాడు.[9]గుత్తా సుఖేందర్ రెడ్డి తెలంగాణ శాసనమండలి చైర్మన్గా మార్చి 13న నామినేషన్ దాఖలు చేశాడు,[10] మండలి ఎన్నిక‌కు ఒకే ఒక్క నామినేషన్ రావ‌డంతో చైర్మన్గా మార్చి 14న ఏకగ్రీవంగా ఎన్నికై రెండోసారి భాద్యతలు చేపట్టాడు.[11]
వృత్తిసవరించు
వ్యవపాయదారులు
పదవులుసవరించు
- ఛైర్మన్ - పాల ఉత్పత్తిదారుల సహకార సంఘం (1995-99)
- NARMUL (1990-95)
- NDDB (1998-99)
- 1999లో 13వ లోక్ సభ స్థానానికి మొదటిసారి ఎన్నికై, గృహ నిర్మాణ శాఖ, గ్రామీణ అభివృద్ధి శాఖ, వ్యవసాయ శాఖలలో సభ్యునిగా పనిచేశాడు.
- 2009లో 15వ లోక్ సభ స్థానానికి రెండవసారి ఎన్నికై, Commerce శాఖ (31 ఆగస్టు 2009) కు, Committee on Papers Laid on the Table శాఖ (23 సెప్టంబర్ 2009) కు సభ్యునిగా పనిచేశాడు.
మూలాలుసవరించు
- ↑ Andhrajyothy (23 November 2021). "ఎమ్మెల్సీగా గుత్తా ఏకగ్రీవం". Archived from the original on 23 November 2021. Retrieved 23 November 2021.
- ↑ TNews Telugu (1 December 2021). "'ఎమ్మెల్యే కోటా' ఎమ్మెల్సీల పదవీకాలం షురూ". Archived from the original on 1 December 2021. Retrieved 1 December 2021.
- ↑ "లోకసభ జాలగూడు". Archived from the original on 2013-02-01. Retrieved 2014-01-19.
- ↑ నమస్తే తెలంగాణ, తాజా వార్తలు (11 September 2019). "శాసనమండలి చైర్మన్గా గుత్తా సుఖేందర్ రెడ్డి". ntnews.com. Archived from the original on 11 September 2019. Retrieved 11 September 2019.
- ↑ Namasthe Telangana (13 March 2022). "ఎమ్మెల్సీ గుత్తా సుఖేందర్ రెడ్డి రాజకీయ జీవితం". Archived from the original on 14 March 2022. Retrieved 14 March 2022.
- ↑ "సీఎం కేసీఆర్‌కు కృతజ్ఞతలు : గుత్తా సుఖేందర్ రెడ్డి". ntnews.com. 13 March 2018. Archived from the original on 11 September 2019. Retrieved 11 September 2019.
- ↑ HMTV, తెలంగాణ (11 September 2019). "తెలంగాణ శాసనమండలి చైర్మన్గా గుత్తా సుఖేందర్ రెడ్డి". www.hmtvlive.com. Archived from the original on 27 March 2020. Retrieved 27 March 2020.
- ↑ 10TV, తెలంగాణ (11 September 2020). "తెలంగాణ శాసనమండలి చైర్మన్ గా గుత్తా సుఖేందర్ రెడ్డి". www.10tv.in (in ఇంగ్లీష్). Archived from the original on 27 March 2020. Retrieved 27 March 2020.
- ↑ Andhrajyothy (22 November 2021). "తెలంగాణ: ఆ ఆరు ఎమ్మెల్సీలు ఏకగ్రీవం". Archived from the original on 22 November 2021. Retrieved 22 November 2021.
- ↑ HMTV (13 March 2022). "తెలంగాణ మండలి చైర్మన్ పదవికి గుత్తా సుఖేందర్ రెడ్డి నామినేషన్". Archived from the original on 14 March 2022. Retrieved 14 March 2022.
- ↑ Zee News Telugu (14 March 2022). "రెండోసారి తెలంగాణ శాసనమండలి చైర్మన్ ప‌ద‌వి చేప‌ట్టిన గుత్తా సుఖేందర్ రెడ్డి!!". Archived from the original on 14 March 2022. Retrieved 14 March 2022.