చర్చ:గేదెల శ్రీనుబాబు

ఈ వ్యాసాన్ని మెరుగుపరచడంలో భాగంగా, వ్యాసంలో బొమ్మ(లు) చేర్చమని కోరడమైనది. బొమ్మలు ఎక్కించడంలో సహాయం కోసం ఈ పేజీ చూడండి.

ఈ వ్యాసంలో సమస్యలు

క్రింది చర్చ ముగిసింది. దయచేసి దీనిని మార్చవద్దు. కొత్త వ్యాఖ్యలు ఎవైనా కొత్త విభాగంలో చేర్చండి.

ఈ వ్యాసంలో ప్రచార ధోరణి ఎక్కువ గాను, విజ్ఞాన సర్వస్వ సమాచారం తక్కువగానూ ఉంది. కింది ఉదాహరణలు చూడండి:

1. ప్రవేశికలోని మొదటి రెండు పేరాల్లోనూ ఈ వ్యక్తి గురించి ఉన్నది ఒకే ఒక్క వాక్యం. మిగతావన్నీ ఆయన పనిచేస్తున్న సంస్థల గురించే. సందర్భవశాత్తూ వాటి ప్రస్తావన ఉంటే ఉండొచ్చు గానీ ఇంత విస్తృతంగా ఉండరాదు.
   1. సంస్థల విశ్లేషణ మొదటి రెండు పేరాల నుండి ఒక పేరాకు కుదించాను
2. "జీవిత విశేషాలు" విభాగంలో మూడొంతులు సంస్థల గురించే తప్ప ఈ వ్యాస విషయం గురించి కాదు.
   1. అయన జీవితమే ఆ సంస్థలు వాటి సేవలు
3. ప్రభుత్వం తో కలిసి శ్రీనుబాబు ఉపాధి మరియు పారిశ్రామిక శిక్షణా కార్యక్రమాలు నిర్వహిస్తూ, కొత్త ఉఫాధి అవకాశాలు కలిపిస్తున్నారు అనే చోట ఇచ్చిన ఒక లింకులో ఒక ఈవెంటును కోస్పాన్సరు చేసినట్లు ఉంది. "కార్యక్రమాలు బహుళంగా నిర్వహించినట్లు" రాయాలంటే అది సరిపోదు. అక్కడే ఇచ్చిన మరొక మూలం ఆయన స్వంత వెబ్‌సైటుది -అది పనికిరాదు.
   1. సొంత వెబ్ సైట్ ఐనప్పటికీ వివిధ పత్రికల వ్యాసాల కట్టింగ్స్ ఉన్నాయి
4. "తిత్లీ తుపాను బాధిత లక్ష కుటుంబాలకు శ్రీనుబాబు చేయూత నిచ్చారు, తుఫాన్ ధాటికి దెబ్బతిన్న ప్రాంతాల్లో పర్యటించి, ఒక్కో కుటుంబానికి పది కేజీల బియ్యం, దుప్పట్లు, చీరలు పంపిణీ చేశారు" వాక్యానికి ఇచ్చిన 2 మూలాలో ఒకటి వార్త కాదు, అది స్పాన్సరు చేసిన వార్తాకథనం లాగా ఉంది. రెండవది సముచితమైన మూలమే. కానీ దానిలో ఈ వాక్యం చెప్పిన అంకెలను ధ్రువీకరించడం లేదు.
   1. లక్ష కుటుంబాల సహాయము మూలం [1]
5. "కరోనా వైరస్ సహాయార్థం ఆంధ్ర ప్రదేశ్ ప్రభుత్వానికి ఒక కోటి రూపాయల విరాళాన్ని , తెలంగాణ కు ఇరవై ఐదు లక్షల రూపాయల విరాళాన్ని మరియు వివిధ జిల్లాల లో లక్షల మాస్కులు , శానిటైజర్స్ పంపిణి చేసారు" వాకుయామ్నికిచ్చిన మూలాలు ఇందులోని అంకెలను ధ్రువీకరించడం లేదు. ఆంధ్రకు ఇచ్చిన సహాయపు ప్రస్తావన కూడా లేదు.
   1. కోటి రూపాయలు విరాళము యొక్క మూలం https://www.etvbharat.com/telugu/andhra-pradesh/state/krishna/cm-relief-funds-in-ap/ap20200519185043224
6. 5 లక్షల మందికి స్కిల్ డెవలప్‌మెంటు చేసాం అని చెప్పే రెండు లింకులూ స్వంత ప్రచార లింకులే. అవి పనికిరావు
   1. పల్సస్ డిజిటల్ మార్కెటింగ్ బుక్ లింక్ లో అమిత్ షా ఫొటోస్ ఆవిష్కరణ వివరించారు

వీటిని బట్టి చూస్తే, పేజీలో వ్యక్తికి సంబంధించిన సమాచారం తక్కువగాను, సంస్థల సమాచారం ఎక్కువగానూ ఉంది. వ్యక్తి సమాచారం మూలాల్లేకుండా ప్రచార ధోరణిలో ఉంది. ఏవో కొన్ని మూలాలనిచ్చి, సంబంధం లేని విషయాలను రాసే ప్రయత్నం చేసినట్లు కనిపిస్తోంది. ఇలా రాయడం వలన వ్యాస విషయమైన ఆ వ్యక్తిని అవమానించినట్లు అవుతుందని వ్యాసంలో తప్పు సమాచారం చేర్చేవారు గ్రహించడం మంచిది. ఈ కారణాల వల్ల ఈ వ్యాసపు విషయ ప్రాముఖ్యతను తిరిగి పరిశీలించాలని, ఉంచాలని నిర్ణయించే పనైతే,ం సంపూర్ణంగా తిరగ రాయాలనీ నేను అభిప్రాయపడుతున్నాను. __ చదువరి (చర్చ • రచనలు) 07:02, 20 మార్చి 2022 (UTC)

పై సవరణలు తో , మరియు మీ అనుమతి తో చర్చ ముగించి ముసలను తొలగిస్తాను Pkraja1234 (చర్చ) 16:10, 20 మార్చి 2022 (UTC)

Pkraja1234 గారూ, మీరు చెప్పిన విషయాలను పరిశీలించాక నేను గమనించినవివి, నా అభిప్రాయాలతో సహా:

1. ప్రవేశిక ఇంకా (మీరు తగ్గించిన తరువాత కూడా) ఆ సంస్థల పేజీ లాగానే ఉందిగానీ, గేదెల శ్రీనుబాబు గారి పేజీలా లేదు.
2. అయన జీవితమే ఆ సంస్థలు వాటి సేవలు అయ్యే పనైతే, ఆ సంస్థల గురించిన సమాచారమే ఈ పేజీలో రాసే పనైతే, ఆ సంస్థలకే పేజీ పెట్టండి (వాటికి విషయ ప్రాముఖ్యత ఉంటే), ఆయనకు పేజీ ఎందుకు?
3. ఈ వ్యాస విషయమైన వ్యక్తికి చెందిన సొంత వెబ్‌సైటు, ఈ సందర్భంలో మూలంగా పనికి రాదు. అందులో కటింగ్స్ ఉన్నా సరే పనికి రాదు.
4. లక్ష కుటుంబాల సహాయం చేసిన విషయానికి మూలంగా ఇప్పుడు కొత్తగా ఇచ్చిన యూట్యూబు లింకు కూడా పనికిరాదు. ఆ యూట్యూబు వార్త ప్రకారం, సహాయం చేసినది 2 వేల కుటుంబాలకు. లక్ష కుటుంబాలకు చెయ్యాలనేది తన లక్ష్యమని గేదెల గారు చెప్పారని ఆ వార్తలో చెప్పారు. సహాయం చెయ్యడం తన లక్ష్యం అని ఆయన చెప్పారని వార్తలో చెప్పినంత మాత్రాన సహాయం చేసేసినట్టు ఎలా అవుతుంది? దాన్ని మూలంగా ఎలా చూపిస్తారు?
5. కోటి విరాళం గురించి మీరిచ్చిన లింకులో ఉన్నది ఈయన పనిచేసే కంపెనీ ఇచ్చిన విరాళం గురించి, ఈయనిచ్చిన విరాళం గురించి కాదు. ఈ రెండూ ఒకటెలా అవుతాయి?
6. 5 లక్షల మందికి స్కిల్.. విషయం గురించి, మీరు ఇచ్చిన వివరణ తరువాత కూడా ఆ స్వంత లింకులు మూలాలుగా పనికి రావు.

మీరిచ్చిన సమాధానాల తరువాత కూడా మొదట లేవనెత్తిన అంశాలన్నీ అలాగే అపరిష్కృతంగా ఉన్నాయి. __చదువరి (చర్చ • రచనలు) 17:29, 20 మార్చి 2022 (UTC)

Pkraja1234 గారూ, మీ సమాధానాలను ఆయా పాయింట్ల వద్దనే రాయకండి, చదవడానికి వీలుగా ఉండదు. విడిగా ఒక్కొక్కటీ కోట్ చేస్తూ కింద రాయండి.__చదువరి (చర్చ • రచనలు) 01:58, 21 మార్చి 2022 (UTC)

చదువరి గారు,

1. 1. మీ యొక్క సలహా మేరకు, సంస్థల విశ్లేషణ కుదించాను
   2. సొంత వెబ్ సైట్ తేసేసాను
   3. లక్ష కుటుంబాలకు సహాయం చేసారు అందువలెనే ఈయనకి అవార్డు ఇచ్చారు అను ఉంది He had also relentlessly supported over a Lakh (1,00,000) families during TiTli Cyclone in Andhra Pradesh by providing their basic needs like Rice bags blankets, Sari / Dhoti to each affected family.[2]
   4. కోటి విరాళం తమ సంస్థ ద్వారా అని మార్పు చేసాను, దయచేసి చూడవలిసినిదిగా ప్రార్థన
   5. 5 లక్షల మందికి స్కిల్.. విషయం గురించి, స్వంత లింకులు తేసేసాను

చర్చను ముగించి, మీరు ఏ విధమైన మార్పులైనను వ్యాసములో చేయవలిసినిదిగా ప్రార్థన. పై సవరణలు తో , మరియు మీ అనుమతి తో చర్చ ముగించి ముసలను తొలగిస్తాను 27.116.16.115 17:12, 21 మార్చి 2022 (UTC)

Pkraja1234 గారూ, వ్యాసంలో సమస్యలు పూర్తిగా తొలగిపోనప్పటికీ తగు సవరణలు చేసి దాన్ని మెరుగుపరచేందుకు మీరు చేసిన ప్రయత్నాలకు గాను ధన్యవాదాలు. నేనూ కొంత ప్రయత్నం చేసి వ్యాసాన్ని మెరుగుపరచే కృషిచేస్తాను. ఆపై మీరూ సంతృప్తి చెందితే నిర్వహణ మూసలను తీసేస్తాను. ధన్యవాదాలు __చదువరి (చర్చ • రచనలు) 08:34, 22 మార్చి 2022 (UTC)

1. చదువరి గారు, మీ యొక్క మార్పులకు అబినందనీయం , మీ సూచనల మేరకు తగిన మూలాలు జతపరిచినాను. సరి చూసి ముసలను తీసివేయమని మనవి. 103.51.116.116 15:36, 23 మార్చి 2022 (UTC)

1. అర్జున గారు, మీ యొక్క మార్పులకు అబినందనీయం, ఇది శ్రీనుబాబు ఒక డైరెక్టర్ గా ఉన్న కంపెనీస్ లో కేస్, ఇది అయన వ్యక్తిగతమైనా విషము కాదు అని నాయొక్క విన్నపము.Pkraja1234 (చర్చ) 05:39, 28 మార్చి 2022 (UTC)

Pkraja1234 గారూ, ఆ కేసులో గేదెల శ్రీనుబాబు గారే వ్యక్తిగతంగా బాధ్యులని చెప్పింది. ఆ తీర్పులో ఇలా ఉంది:

"The district court rightly concluded that Gedela had the requisite knowledge and involvement in his companies’ deceptive practices to be held individually liable for both injunctive and monetary relief."

కాబట్టి అలా రాయడం సబబే. అర్జున గారు దాన్ని ప్రవేశికలో చేర్చడమూ సబబే ననిపిస్తోంది. ఆ తీర్పు కాపీని కూడా మూలంగా చేర్చాను. పరిశీలించండి. __చదువరి (చర్చ • రచనలు) 06:05, 28 మార్చి 2022 (UTC)

క్షమించండి, బ్రతికున్న వ్యక్తుల పైన అమితమైన దుష్ప్రసారం వికీపీడియా మార్గదర్శకాలు కు విరుద్ధము. అమెరికన్ మార్గదర్శకాలు ప్రకారము వ్యక్తులకు వ్యక్తిగత బాధ్యత డైరెక్టర్ నుంచి తొలిగిపోయిన తరువాత ఉండదు.[3] అందు వలన జరిగిన విషయాన్ని లోపల ప్రస్తావించము కాబట్టి సరిపోతుంది. అందువలననే ఈ కేసు అక్కడితో ఆగిపోయింది . ఒకవేళ కేసు మల్లి మొదలైతే మీరు అన్నట్టు మొదటి అంశం లో చేర్చ వచ్చు Pkraja1234 (చర్చ) 06:33, 28 మార్చి 2022 (UTC)

Pkraja1234 గారూ, మీరు చెప్పినది నిజమే.. దుష్ప్రచారం తగదు. నిరాధారమైన సమాచారం రాస్తే అది దుష్ప్రచారమే అవుతుంది. అయితే, కింది విషయాలను పరిశీలించండి:

1. ఇక్కడ చూపిన మూలాల్లో ఉన్న విషయాన్నే ప్రస్తావించాం కాబట్టి, అది నిరాధారమైన సమాచారం కాదు.
2. దానికి విరుద్ధమైన మూలాన్ని చూపి, ప్రస్తుతం శ్రీనుబాబు గారిపై ఆ కేసు లేదని రాయవచ్చు. అది రాయండి. అయితే మీరు చూపిన మూలంలో శ్రీనుబాబు గారి ప్రస్తావనే లేదు, గమనించండి. అది మూలంగా పనికిరాదు.

__చదువరి (చర్చ • రచనలు) 06:48, 28 మార్చి 2022 (UTC)

క్షమించండి, మూలాలు ఉన్నపటికీ అవి దాదాపు 2 ఏళ్ల క్రతమువి, అందు వలన జరిగిన విషయాన్ని లోపల ప్రస్తావించనము కాబట్టి సరిపోతుంది. ఒకవేళ కేసు మల్లి మొదలైతే మీరు అన్నట్టు మొదటి అంశం లో చేర్చ వచ్చు. ఈ లోపలే ఆర్భాటపు ప్రసారము అవసరము లేదు. ఈలాంటి కేసులు త్వరగా ట్రైల్స్ కు వస్తాయి, అప్పుడు పెడదాము అని నా మనవి. Pkraja1234 (చర్చ) 07:20, 28 మార్చి 2022 (UTC)

Pkraja1234 గారూ, జరిమానా అంశాన్ని ప్రవేశికలో (పేజీలో విషయ సూచిక పై భాగంలో) ప్రచురించడం పైననే మీరు అభ్యంతరం చెబుతున్నారు. నిజానికి వ్యాసంలో ఉన్న సమాచారాన్నే టూకీగా ప్రవేశికలో రాస్తారు. అలా రాయవద్దని మీరు ఎందుకు పట్టుబడుతున్నారో తెలీడం లేదు. ఏది ఏమైనప్పటికీ, నేను ఈ అంశంపై చర్చను ఇక్కడితో ముగిస్తున్నాను. __చదువరి (చర్చ • రచనలు) 07:45, 28 మార్చి 2022 (UTC)

@చదువరి గారు, [4] ప్రకారము ఒమిక్స్ గ్రూప్ పై జరిమానాను ధ్రువీకరించారు, దయచేసి మరియొక సారి అర్ధము చూడవలిచినదిగా మనవి, On September 11, 2020, in a 2-1 decision, FTC lawsuit alleging that an India-based online publisher, OMICS Group, deceptively advertised the quality of its scientific conferences and online journals. In a partial dissent, one of the judges said that the size of the award was not supported by the evidence. ఇది ఒమిక్స్ గ్రూప్ పైనా శ్రీనుబాబు పైన కాదు అని నా మనవి. ఈయన ఒమిక్స్ గ్రూప్ లో డైరెక్టర్ గా ఉండడము వలన ఇక్కడ ప్రస్తావించడం సమంజమే, కానీ ఒమిక్స్ గ్రూప్ అని వ్రాయడం సబబు.Pkraja1234 (చర్చ) 02:16, 2 ఏప్రిల్ 2022 (UTC)

Pkraja1234 గారూ, మీరు మళ్ళీ మొదటికి వచ్చారు. కంపెనీలతో పాటు గేదెల గారు బాధ్యుడని కోర్టు స్పష్టంగా చెప్పింది. పైన దాని గురించి చర్చించాం. కింది అంశాలను మళ్ళీ చూడండి:

1. ఈ కంపెనీలు చేసిన తప్పులకు గేదెల గారు పూర్తిగా బాధ్యుడని కిందికోర్టు స్పష్టంగా చెప్పేసింది. దానికి మూలాన్నిచ్చాను.
2. ఇప్పుడు మీరు అప్పీలు కోర్టు తీర్పుకు సంబంధించిన మూలం తెచ్చి ఇందులో లేదుగా అంటున్నారు. అందులో తీర్పును పాక్షికంగానే ఇచ్చారు. అయినా.., కింది కోర్టు ఇచ్చిన తీర్పు తప్పని అప్పీలు కోర్టు చెప్పిందా? లేదే, పైగా దాన్ని సమర్థించింది. జరిమానా సొమ్ము విషయంలో ముగ్గురిలో ఒక జడ్జి (మైనారిటీ) అసమ్మతి వెలిబుచ్చాడు. మరి ఇందులో లేదుగదా అనే ప్రశ్న ఎలా తలెత్తుతుంది?
3. అప్పీలు కోర్టు తన తీర్పులో స్పష్టంగా కింది విధంగా చెప్పింది కూడా:

The district court properly concluded that Gedela is personally liable for OMICS’sviolations because he had authority over OMICSand either had knowledge of the companies’ misrepresentations or was recklessly indifferent to their truth or falsity.Stefanchik, 559 F.3d at 931.It is undisputed that Gedela was thesole ownerand CEO of OMICS.Gedela also admitted that he responded to complaintsabout OMICS’soperationsand receivedweekly updates from managementaboutall business operations.

ఇంతకు మించి మీకు ఇంకా ఏం ఋజువులు కావాలి? ఇన్ని ఉండగా గేదెల గారికి దీనికీ సంబంధం లేదని ఎందుకు వాదిస్తున్నారు?

దయచేసి, వ్యాసపు నిష్పాక్షికతను కాపాడండి. వికీపీడియా ఉన్నది ఎవరికో కీర్తిగానం చెయ్యడానికో, ఎవరినో విమర్శించడానికో కాదు. ఉన్నదున్నట్టు మూలాల సహితంగా రాయడం వికీ ఉద్దేశం. వికీ విధానాల ప్రకారం నడచుకొమ్మని మీకు విజ్ఞప్తి చేస్తున్నాను. మనిద్దరమూ ఈ వ్యాసంపై ఇలాంటి చర్చలతో ఇంకా సమయం వృథా చేసుకోవడం తెలివైన పని కాదని నా ఉద్దేశం. వికీలో చేసేందుకు బోలెడు పనులున్నై, మీకు ఆసక్తి ఉన్నవాటిపై పనిచెయ్యండి. నాకు ఆసక్తి ఉన్నవాటిపై నేను పనిచేస్తాను.__చదువరి (చర్చ • రచనలు) 03:49, 2 ఏప్రిల్ 2022 (UTC)

Pkraja1234 గారూ , తెలుగు వికీపీడియా విలువలను కాపాడగలరు. చదువరి గారూ, మీరు ఒకే వ్యాసం మీద ఇప్పటికే చాలా సమయం వృధాచేసారు.వ్యాసంలో ఇప్పుడు ఉన్న స్థితిని పరిశీలించి చదువరిగారి అభిప్రాయాలు సమర్థించుచూ ఈ చర్చలు ముగిసినట్లుగా నిర్ణయించటమైంది.ధన్యవాదాలు.--యర్రా రామారావు (చర్చ) 04:32, 2 ఏప్రిల్ 2022 (UTC)

పై చర్చ ముగిసింది. ఇకపై దానిలో మార్పుచేర్పులేమీ చేయకండి. దీనిపై మరిన్ని వ్యాఖ్యలు చెయ్యాలంటే వేరే చర్చలో లేదా సముచితమైన చర్చ పేజీలో రాయాలి. ఇకపై ఈ చర్చలో మార్పుచేర్పులేమీ చేయరాదు.

దిద్దుబాటు విశ్లేషణ

మేక్ ఇన్ ఇండియా పుస్తకా ఆవిష్కరణ బొమ్మ సరైన స్థానములో ఉంది, అది ఎందుకు తొలగించారు. దయచేసి తిరిగి పెట్టండి లేదా పెడతాను.

ఉత్తరాంధ్ర‌ జిల్లాలలో వ్య‌వ‌సాయం, ఉద్యాన‌వ‌న పంట‌లు, తోట‌ల‌ పెంప‌కం, అడ‌వుల‌లో పెరిగే ఔష‌ధ మొక్క‌లు పెంప‌కం, జల వనరుల లభ్యత మరియు వాటి వినియోగం గురించి శ్రీనుబాబు సంపాదకీయం వ్రాసారు.. ఈ నీటి వినియోగాన్ని 80 టీఎంసీల కి తీసుకెళ్ల కలిగితే ప్రస్తుతం ఉన్న 12 లక్షల ఎకరాల సాగు విస్తీర్ణాన్ని 30 లక్షల ఎకరాలకు పెంచవచ్చు అని జన సేన పవన్ కళ్యాణ్ స్పందించారు. , ఇది రాజకీయాలకు సంబందించేదే, దీనిని వేరే శీర్షిక లో పెట్టమంటే పెడతాను, ఆయన సామజిక విశ్లేషణలు పెడతాను [5] Surya923 (చర్చ) 03:52, 15 ఏప్రిల్ 2022 (UTC)

Surya923 గారూ, ఆ బొమ్మకు వ్యాసానికీ సంబంధం కనబడ లేదు. అందుకే తీసేసాను (గతంలో తీసేసిన బొమ్మనే మళ్ళీ పెట్టారు, గమనించండి). ఆ తోటల పెంపకం వగైరా మాచారంలో వ్యాసానికి అవసరమైనంత వరకు ఉంచాను. మిగతాది వ్యాస పరిధిని దాటి పోతోంది కాబట్టి తీసేసాను. మళ్ళీ మళ్ళీ ఈ సమాచారాన్ని చేర్చకండి. __ చదువరి (చర్చ • రచనలు) 04:52, 15 ఏప్రిల్ 2022 (UTC)

మేక్ ఇన్ ఇండియా పుస్తకా ఆవిష్కరణ బొమ్మ, శ్రీనుబాబు వ్రాసిన మేక్ ఇన్ ఇండియా పుస్తకాన్ని కేంద్ర హోంశాఖ మంత్రి అమిత్ షా ఆవిష్కరించాడు. పల్సస్ డిజిటల్ మార్కెటింగ్ క్యాంపైన్ ద్వారా వేల మందికి స్కిల్ డెవలప్మెంట్ నిర్వహించాడు. అనే వ్యాఖ్యానికి సంబందించినది, అందుచేతనే పెట్టాను Surya923 (చర్చ) 05:24, 15 ఏప్రిల్ 2022 (UTC)

@Surya923 గారూ, ఆ బొమ్మను మళ్ళీ పెట్టారు. ఇప్పుడు కూడా సమస్య అలాగే ఉంది. 1. ఆ బొమ్మలో గేదెల శ్రీనుబాబు బొమ్మ లేదు. దానికీ వ్యాసానికీ సంబంధమేంటో తెలియడం లేదు. 2. ఆ బొమ్మ రిజల్యూషను చిన్నగా ఉండడం చేత, అది దేన్ని ప్రదర్శిస్తోందో తెలీడం లేదు. అంతకంటే పెద్ద రిజల్యూషనుతో మరింత స్పష్టమైన బొమ్మ ఉంటే పెట్టండి. ఈ బొమ్మ, వ్యాసాన్ని అర్థం చేసుకోవడంలో చేస్తున్న ఉపయోగమేమీ లేదు. అంచేత దీన్ని తీసెయ్యండి. __ చదువరి (చర్చ • రచనలు) 07:03, 15 ఏప్రిల్ 2022 (UTC)

అవును, కానీ ఆ పుస్తకములో శ్రీనుబాబు గారి బొమ్మ తో పాటు మేక్ ఇన్ ఇండియా అని ఉంది దయచేసి పరిశీలించండి Surya923 (చర్చ) 11:41, 16 ఏప్రిల్ 2022 (UTC)

Surya923 గారూ, ఆ బొమ్మలో గేదెల శ్రీనుబాబు బొమ్మ లేదు. ఆ పుస్తకం ఏమిటో తెలీడం లేదు. అంచేత తీసేస్తున్నాను. దయచేసి మళ్ళీ పెట్టకండి.__చదువరి (చర్చ • రచనలు) 04:59, 28 ఏప్రిల్ 2022 (UTC)

ఇంగ్లీష్ వికిపీడియా లో సాదారణముగా పరిశోధకుల పేజీలలో వారియొక్క ప్రముఖ ప్రచురణలు, వాటి విశ్లేషణ ఉంచుతారు. తెలుగు వికీపీడియా లో కూడా ఆలా ఫాలో ఐతే మంచిది. గేదెల శ్రీనుబాబు పేజీలో ఇంతకూ ముందు పెట్టిన ప్రముఖ ప్రచురణలు మీరు తొలిగించారు, మీరు అనుమతిస్తే మల్లి పెడతాను. 1. [[6]] 2. [[7]] 3. https://te.m.wikipedia.org/wiki/గౌతమ్_రాధాకృష్ణ_దేసిరాజు 4. https://te.m.wikipedia.org/wiki/అలెగ్జాండర్_ఫ్లెమింగ్

Surya923 (చర్చ) 11:42, 27 ఏప్రిల్ 2022 (UTC)

@Surya923 గారూ, పరిశోధనా వ్యాసాలు 23 ప్రచురించారు అని రాస్తే చాలునండి. అవన్నీ జాబితా చెయ్యనక్కర్లేదు. ఇప్పటికి మూడూ రాసారు గదా.. ఇక రాయకండి. గతంలో ఫొటో

ఇక ఇంగ్లీషు వికీపీడియా సంగతంటారా.. అసలక్కడ Srinubabu Gedela అనే వ్యాసం ఉండనే కూడదని తేల్చి వ్యాసాన్ని రెండు సార్లు తొలగించేసారు, మీకు తెలిసే ఉంటుంది. ఆ లింకులు ఇవిగో చూడండి:

en:Wikipedia:Articles for deletion/Srinubabu Gedela

en:Wikipedia:Articles for deletion/Srinubabu Gedela (2nd nomination)

__ చదువరి (చర్చ • రచనలు) 04:57, 28 ఏప్రిల్ 2022 (UTC)

స్పామర్లు, సాక్ పప్పెట్లూ సృష్టించి పోషించిన ఈ పేజీని ఏం చెయ్యాలి?

క్రింది చర్చ ముగిసింది. దయచేసి దీనిని మార్చవద్దు. కొత్త వ్యాఖ్యలు ఎవైనా కొత్త విభాగంలో చేర్చండి.

ఈ పేజీని ఒక ప్రచార పేజీగా సృష్టించారు. స్పామర్లు, సాక్ పప్పెట్లూ పెంచి పోషించారు. అనేకసార్లు ఇక్కడి సమచారాన్ని నేను సవరించడం, మళ్ళీ వాళ్ళు తిరగదోడడం జేరిగింది. పేజీ చరిత్రలో దాన్ని చూడొచ్చు. చివరికి ఆ సాక్ పప్పెట్లందరినీ గుర్తించి, వాళ్ళను గ్లోబలుగా నిరవధికంగా నిరోధించారు. నిర్వాహకుల నోటీసుబోర్డులో ఈ విషయం గురించి చర్చ జరిగాక, ఆ సాక్ పప్పెట్లను ఇక్కడ కూడా నిరోధించారు. కానీ, కానీ ఇక్కడ ఈ ప్రచారం అలాగే ఉండిపోయింది. సాక్ పప్పెట్లు తయారు చేసిన ఈ వ్యాసాన్ని తొలగించాలని నా అభిప్రాయం. చర్చించగలరు. __ చదువరి (చర్చ • రచనలు) 01:56, 16 సెప్టెంబరు 2023 (UTC)

వికీపీడియా ఎవరికీ ప్రచారవేదిక కాదు.కేవలం ఈ పేజీ ప్రచారం కోసం సృష్టించారు.దీనిమీద సుదీర్ఘ చర్చలు జరిగినవి.ఈ పేజీని పోషించిన స్పామర్లు, సాక్ పప్పెట్లూ నిరోధం కోసం వికీపీడియా:నిర్వాహకుల నోటీసు బోర్డు నందు జరిగిన చర్చలో ఈ పేజీని వెంటనే తొలగించాలనే అభిప్రాయం తెలిపాను.తొలగించాలనే అదే అభిప్రాయం ఇక్కడకూడా తెలుపుతున్నాను. యర్రా రామారావు (చర్చ) 03:45, 16 సెప్టెంబరు 2023 (UTC)

@Chaduvari: గారూ, @యర్రా రామారావు: గారూ ఇక్కడ, నిర్వాహకుల నోటీసు బోర్డులోనూ, మెటాలోనూ కూడా జరిగిన చర్చలు చూశాను. వ్యాసం రూపొందించిన విధానమూ, దానిలోని ఫోటోలూ, తయారుచేసిన ఖాతాలూ - అన్నీ పరిశీలించి, మీ అభిప్రాయాలు కూడా గమనించిన మీదట ఈ వ్యాసం పూర్తిగా ప్రచార దృష్టితో రూపొందిందని, దీనిని తొలగించడమే సబబు అని నిర్ణయిస్తున్నాను. అందుకు అనుగుణంగా చర్యలు తీసుకుంటున్నాను. --పవన్ సంతోష్ (చర్చ) 09:57, 24 సెప్టెంబరు 2023 (UTC)

పై చర్చ ముగిసింది. ఇకపై దానిలో మార్పుచేర్పులేమీ చేయకండి. దీనిపై మరిన్ని వ్యాఖ్యలు చెయ్యాలంటే వేరే చర్చలో లేదా సముచితమైన చర్చ పేజీలో రాయాలి. ఇకపై ఈ చర్చలో మార్పుచేర్పులేమీ చేయరాదు.