Chaduvari

ఈ వాడుకరి ఇటీవలి మార్పులను తనిఖీ చేస్తూంటారు.

ఈ వాడుకరి, అయోమయ నివృత్తి పేజీలకు ఉన్న లింకులను పరిష్కరిస్తూంటారు.

"మరియు" అనే మాట వాడుక తెలుగుకు సహజమైనది కాదు. "ఆంధ్రప్రదేశ్ మరియు తెలంగాణ" కాదు, "అంధ్రప్రదేశ్, తెలంగాణ" అంతే.

వాడుకరిగా మామూలు దిద్దుబాట్లు చేస్తూ కూడా, ఆరు నెలల్లో కనీసం 20 నిర్వాహక దిద్దుబాట్లైనా చేసి ఉండనట్లైతే, నిర్వాహకత్వాన్ని సముదాయం తొలగిస్తుందని వికీపీడియా:నిర్వాహకత్వ హక్కుల ఉపసంహరణ విధానం చెబుతోంది. 20 దిద్దుబాట్ల ఈ కనీస పరిమితిని తక్కువగా నేను భావిస్తున్నాను. సముదాయం నిర్ణయాన్ని గౌరవిస్తూనే, నావరకూ నేను దీన్ని 50 దిద్దుబాట్లుగా పరిగణిస్తున్నాను. ఆరు నెలల్లో కనీసం ఒక్ఖ మామూలు దిద్దుబాటైనా చేసే తీరిక ఉండి కూడా, నిర్వాహక దిద్దుబాట్లు కనీసం 50 అయినా చెయ్యకపోతే నేను స్వచ్ఛందంగా నిర్వాహకత్వం నుండి తప్పుకుంటాను. తప్పుకోకపోతే, సముదాయం నన్ను తొలగించవచ్చు. ప్రతీ ఏప్రిల్, అక్టోబరు నెలల్లో ఈ పరిశీలన చేసుకుంటాను. నిర్వాహకుడిగా నేను చేసిన పనులు ఇక్కడ చూడొచ్చు.


తేదీలను ఇలా రాయాలి: YYYY Month DD (ఉదా:2019 సెప్టెంబరు 21) శైలి గురించి మరింత సమాచారం కోసం చూడండి.

నాది కావూరు. నేనిక్కడ తొంభయ్యేడో వాణ్ణి. నేనో నిర్వాహకుణ్ణి, ఓ అధికారినీ.

వాడుకరి:ChaduvariAWB పేరుతో నాకు మరొక వాడుకరిపేరు ఉంది. దాని పేరిట AWB సాయంతో మార్పుచేర్పులు చేస్తూంటాను. ఆ వాడుకరిని అందుకు తప్పించి మరెందుకూ వాడను.

వాడుకరి:ChaduvariAWBNew పేరుతో నాకు ఇంకొక వాడుకరిపేరు ఉంది. దాని పేరిట కూడా AWB సాయంతో మార్పుచేర్పులు చేస్తూంటాను. ఆ వాడుకరిని అందుకు తప్పించి మరెందుకూ వాడను.

పై రెండు వాడుకరిపేర్లతో జరిగే మార్పుచేర్పులన్నిటికీ, వాటిలో దొర్లే తప్పొప్పులన్నిటికీ నాదే బాధ్యత.

నా ఆసక్తులుEdit

తెలుగు భాష, సాహిత్యం: ఛందోబద్ధమైన పద్యాలు (కాస్తో కూస్తో రాయడం కూడా), అవధానాలు వగైరా.. కానీ వీటి గురించి వికీలో పెద్దగా రాయను.

రాజకీయాలు: రాజకీయాలు నాకు బాగా ఇష్టం. రాష్ట్ర, దేశ, అంతర్జాతీయ - ఈ వరసలో ఉంటాయి నా ఇష్టాలు. అయితే రాజకీయాలకు సంబంధమున్న వ్యాసాలను వికీలో రాయడం మానేసాను -నిష్పాక్షికంగా రాయడం కష్టం అనిపించింది కాబట్టి.

అంతరిక్ష యాత్రలు: అంతరిక్ష విజ్ఞానంలో అనేక అంగాలు.. వాటిలో యాత్రలు ఒకటి. నాకెంతో ఇష్టమైన విషయాల్లో ఇదొకటి. కక్ష్యలు, అంతరిక్ష నౌకలు, వాహనాలు, వాటి ఇంజన్లు.. వగైరా. వీటి గురించి వికీలో రాస్తూంటాను.

క్షిపణులు వగైరా: భారతీయ క్షిపణులు, యుద్ధనౌకల వంటి భారత రక్షణ వ్యవస్థకు చెందిన విషయాలు నాకు ఇష్టాలు. వికీలో రాస్తూంటాను కూడా.

చరిత్ర: భారత చరిత్రకు సంబంధించిన విషయాలు వికీలో రాస్తూంటాను.

మానవ పరిణామం: నాకు ఆసక్తి ఉన్న మరో అంశం మానవ పరిణామం. ఇందులో నేను కొన్ని వ్యాసాలు రాసాను. అన్నీ ఇంగ్లీషు నుండి చేసిన అనువాదాలే.

యుద్ధాలు: యుద్ధాలు, ముఖ్యంగా భారత చైనా, భారత పాకిస్తాన్ యుద్ధాల గురించి రాయడం కూడా ఇష్టం.

నా కిష్టమైన, నేను చేస్తున్న/చెయ్యాలనుకుంటున్న వికీ పనులుEdit

వికీపీడియాలో నాకోసం నేను నిర్దేశించుకున్న పనులు 2017 నవంబరు నాటికి ఇవి. కింది జాబితా సుమారుగా ప్రాథమ్య పరంగా తయారు చేసాను.

సమాచార నాణ్యత: వికీపీడియాలో చేరుస్తున్న సమాచారపు నాణ్యతను పరిశీలించడం, మెరుగు పరచడం. ఇది నా పనులన్నిటి లోకీ ముఖ్యమైనది. మొట్టమొదటి ప్రాథమ్యం, అత్యధిక ప్రాథమ్యమూ దీనికే.
1. వ్యాసాల్లోని భాషాదోషాలను సరిచెయ్యడం: AWB ని వాడి భాషదోషాలను సవరించడం. అవసరాన్ని బట్టి కొత్త రెగెక్సులను చేర్చడం. ఇవి నిరంతరం జరిగే పనులు.
2. గ్రామాల పేజీల్లో చేర్చిన సమాచారం నాణ్యంగా ఉందో లేదో గమనించడం, అవసరమైన మార్పులను చెయ్యడం, నాణ్యతను మెరుగుపరచడం. తెలంగాణలో జిల్లాల పునర్వ్యవస్థీకరణ తరువాత సమాచారం చేర్చేటపుడు పాత సమాచారాన్ని తగు విధంగా సవరించాల్సి ఉంది.
3. ఆంధ్ర తెలంగాణ రాష్ట్రాల్లోని గ్రామాల పేజీలకు పేర్లు సరిగా లేవు. అనేక గ్రామాల పేర్లు తప్పుగా రాసాం. వాటిని సరైన పేర్లకు తరలించాలి. దాదాపు ఆరేడు వేల పేజీలను తరలించాల్సి ఉంటుందని నా అంచనా.
విధానాలు, మార్గదర్శకాల చేర్పు,మార్పు: అవసరమైన చోట్ల విధానాలను నిర్వచించడం, అందుకోసం అవసరమైన చర్చలను నిర్వహించడం.
నిర్వహణ పనులు
తెలంగాణలో జిల్లాల, మండలాల పునర్వ్యవస్థీకరణ తరువాతి పరిస్థితిని ఇక్కడి వ్యాసాల్లో చేర్చాలి. ఇదొక పెద్ద పని. గ్రామాలు, మండలాల వ్యాసాలు, మండలాల మూసలు, జిల్లాల మూసలు, సంబంధిత వర్గాలు మొదలైన చోట్ల మార్పుచేర్పులు చెయ్యాలి.
ప్రత్యేక పేజీలు: అప్పుడప్పుడూ ప్రత్యేకపేజీలను చూస్తూ, అవసరమైన చోట్ల చర్య తీసుకోవడం. ఉదా: అనాథ పేజీలు, అగాధ పేజీలు, వికీడేటాలో అంశం లేని పేజీలు, భాషాంతర లింకులు లేని పేజీలు, అయోమయ నివృత్తి పేజీకున్న లింకులు, మూసల దిగుమతి వగైరాలు.
సెమీ ఆటోమేషన్: అవకాశాలు ఉన్నచోట్ల సెమీ ఆటోమేషన్ పద్ధతిలో మార్పు చేర్పులు చెయ్యడం.
గ్రామాల పేజీల్లో జనగణన సమాచారం చేర్చడం: ప్రాజెక్టు పేజీలో చూపినట్లుగా అప్లికేషను తయారీ పని అయింది. తెలుగీకరణ పని, టెక్స్టు ఫైళ్ళ తయారీ పనిని పూర్తి చెయ్యాలి. పేజీల్లో సమాచారాన్ని చేర్చాలన్న ఆసక్తి కలిగిన వారికి టెక్స్టు ఫైళ్ళను పంపించాలి.
"మరియు", "యొక్క" - ఈ రెండు పదాలు భాషకు అసహజంగా ఉంటాయి - ముఖ్యంగా "మరియు". 2018 ఆగస్టు 17 నాటికి వికీలో 20539 "మరియు"లు, 31427 "యొక్క"లు ఉన్నాయి. "మరియు"ను వాడకూడదు, ఉన్నవాటిని తొలగించాలి అనేది నా సంకల్పం.
నాణ్యతా మూల్యాంకనం చెయ్యాలి. అందరికీ అమోదయోగ్యమైన పద్ధతి ఒకటి రూపొందించాలి.

మరియుEdit

"మరియు" వాడకం మనభాషకు సహజమైన ప్రయోగం కాదు. ఇంగ్లీషులో ఉందిగదా అని తెలుగులో రాసెయ్యకూడదు. ఇకారంగా ఉంటది.

రాముడు, సీత మరియు లక్ష్మణుడు: చక్కగా రాముడు, సీత, లక్ష్మణుడు అని రాయాలి.
ఇంగ్లీషులో And తో వాక్యాన్ని మొదలెడతారు, ముందరి వాక్యానికి కొనసాగింపు వాక్యం ఇది. దాన్ని మక్కికిమక్కి రాయనక్కర్లా.. అల్ పచీనో చేసిన పని అతడికి పేరు తెచ్చిపెట్టింది. మరియు అతడికి చాలా సంతృప్తి నిచ్చింది. అని రాయగూడదు.. అల్ పచీనో చేసిన పని అతడికి పేరు తెచ్చిపెట్టింది. అదతడికి చాలా సంతృప్తి నిచ్చింది కూడా.
ఏ సంబంధమూ లేని రెండు విడివిడి వాక్యాలను "మరియు" తో కలిపేసి రాస్తూంటాం. గద్వాల చేనేత చీరలకు ప్రసిద్ధి చెందింది మరియు ఇది ఒక చరిత్రాత్మకమైన స్థలం కూడా. నిజానికిది ఒకటి కాదు, రెండు వేరువేరు వాక్యాలు. రెంటి మధ్య ఫుల్‌స్టాప్ పెట్టకుండా మరియు పెట్టారు. ఈ వాక్యాన్ని ఇలా రాయవచ్చు: గద్వాల చేనేత చీరలకు ప్రసిద్ధి చెందింది. ఇది ఒక చారిత్రిక స్థలం కూడా.

క్ర సం	వెతికిన తేదీ	వికీలో "మరియు" లు	ప్రగతి ఎలా ఉందంటే
1	2018 ఆగస్టు 17	20,539
2	2019 ఆగస్టు 29	20,838	పనితీరు అసలేం బాలేదు. సంవత్సరం తిరిగేటప్పటికి సంఖ్య తగ్గాల్సింది పోయి బాగా పెరిగింది.
3	2019 డిసెంబరు 30	21,233	తగ్గలేదు సరికదా, నాలుగు నెలల్లో నాలుగొందలు పెరిగాయి. కొత్తగా అనువాద పరికరాన్ని వాడేవారిలో మరింత అవగాహన తీసుకురావాలి
4	2020 ఫిబ్రవరి 9	19,450	దాదాపుగా 2,000 తగ్గాయి. యాంత్రికానువాద వ్యాసాలను తొలగించడం వలన ఇవి తగ్గాయే తప్ప, వ్యాసాలను శుద్ధి చెయ్యడం వలన కాదు.
5	2020 ఫిబ్రవరి 13 ఉదయం: 6:00	18,683	767 పేజీలు తగ్గాయి. ప్రధానంగా మూసల్లో "మరియు" లను తీసెయ్యడంతో ఈ తగ్గుదల వచ్చింది. నాలుగు రోజుల కిందట "మరియు" ఉన్న మూసలు 400 పైచిలుకు ఉండగా, ఇప్పుడవి 85 ఉన్నాయి. ఇంగ్లీషు నుండి మక్కికి మక్కి అనువాదాలు (మూసల పేరులతో సహా) చెయ్యడం దీనికి కారణం. వీటిని సరిదిద్దే క్రమంలో నేను గమనించినవి: అనవసరమైన మూసలు, అసలు ఎక్కడా వాడని మూసలు, అసలు ఒక్క లింకూ లేని మూసలు, మామూలు వ్యాసం లాంటి మూసలు.. ఇలా కొన్ని ఉన్నాయి. ఇంగ్లీషులో కాపీ చేసి ఇక్కడ పేస్టు చేసినవి బోలెడు. మూసలో ఉన్న లింకులకు చెందిన పేజీలు తెవికీలో ఉన్నా, వాటిని లింకు చెయ్యలేదు; ఎర్రలింకు గానో, ఇంగ్లీషు పేజీకి లింకు గానో ఉంచేసారు. మూస పేరు (name), మూస పేజీ పేరూ వేరువేరుగా ఉన్న మూసలు కూడా కొన్ని ఉన్నాయి. (అవి రెండూ ఒకటే కాకపోతే మూస పైపట్టీలో ఉండే ఎడిట్ లింకు (e) పనిచెయ్యదు.) కొన్ని మూసలను మళ్ళీ దిగుమతి చేసుకుని తాజాకరించాల్సి వచ్చింది. అలాంటివి ఇంకా ఉండి ఉండవచ్చు. మరో సంగతి: ఇదే నాలుగు రోజుల సమయంలో గూగుల్ వెతుకులాట ఫలితాలు (మరియు site:te.wikipedia.org -కోసం వెతికినపుడు) 1,08,000 నుండి 97,000 కు తగ్గాయి.
6	2020 ఫిబ్రవరి 25	14669	AWB వాడి, గ్రామాల పేజీల్లో ఉన్న "మరియు" లను తొలగించాను. ఆ విధంగా 4,000 పేజీల శుద్ధి జరిగింది. పంజాబు గ్రామాల పేజీల్లో "భౌగోళిక ప్రాంతం వద్ద మరియు జనాభా" , "కమ్యూనికేషన్ మరియు రవాణా", "మార్కెట్ మరియు బ్యాంకింగ్" అనే విభాగాలను సవరించాను. పనిలో పనిగా కొన్ని పంజాబు గ్రామాల్లో "సమీప" తరువాత ఖాళీ లేకపోవడం, "గ్రామంలో లేదు", "గ్రామంలో ఉంది" లాంటి పునరుక్తులను, " పాఠశాల ఉంది/ఉన్నాయి" లాంటి ఛాయిస్ లనూ తొలగించాను.

కన్నతల్లి, జన్మభూమి, మాతృభాషEdit

కన్నతల్లి, జన్మభూమి, మాతృభాష - ఈ మూడిటి కన్న మిన్నయైనది, గౌరవప్రదమైనది, ఆరాధనీయమైనది మరోటి లేదు. వీటిలో, మాతృభాషను తెలుగువారు ఉపేక్షిస్తున్నారు. మనభాషను మనమే చులకన చేస్తే మనమే పలుచన అవుతాం. తెలుగు జాతిని, తెలుగు భాషను, తెలుగు దేశాన్ని కాపాడుకోవాలని చెప్తూ కాకతీయుల సమకాలికుడైన నన్నెచోడ మహాకవి తెలుగు నిలుపుట అనే మాట చెప్పాడని ప్రముఖ చరిత్ర పరిశోధకుడు, తేరాల సత్యనారాయణ శర్మ రాసాడు. ఆనాడు భాషను కాపాడుకోవలసి వచ్చింది - పర దేశస్థుల దండయాత్రల నుండి, వారి సాంస్కృతిక దురాక్రమణల నుండి. ఇప్పుడు మాత్రం.. మనకు మనమే శత్రువులం. ఎంత విషాదం!

ఉపపేజీలుEdit

నా గణాంకాలు	Chaduvari/AWB	Chaduvari/AWB1	Chaduvari/AWB ప్రయోగం
Chaduvari/అడవి రామవరం (దుమ్ముగూడెం)	Chaduvari/అనాథ వ్యాసాలను చక్కదిద్దడం	Chaduvari/ఇంటర్నెట్లో తెలుగు వ్యాప్తి	Chaduvari/ఎందుకని ఇలా..?
Chaduvari/క్షణభంగురం	Chaduvari/గ్రామం పేజీ1	Chaduvari/గ్రామం పేజీ2	Chaduvari/గ్రామాల పేర్లను సరిచెయ్యడం
Chaduvari/జలవనరులు	Chaduvari/నిఘంటువు	Chaduvari/నేను సృష్టించిన పేజీలు	Chaduvari/నేను సృష్టించిన మొలకలు
Chaduvari/ప్రయోగశాల	Chaduvari/మ్యాప్ప్రయోగాలు	Chaduvari/రంగులు, హంగులూ వగైరా	Chaduvari/వికీపీడియా అంటే..
వ్యాసం చెక్‌లిస్టు	గమనించాల్సినవి	నా నిర్వాకాలు	ఉండాల్సిన పేజీలు

ఏది వికీపీడియా కాదుEdit

వికీపీడియా వంటల పుస్తకమా? కాదు
వికీపీడియా సినిమా పాటల పుస్తకమా? కాదు
వికీపీడియా మొలకల నర్సరీ మాత్రమేనా? కాదు
వికీపీడియా అనాథ పేజీల ఆశ్రమమా? కాదు
వికీపీడియా వ్యాసమంటే విషయం గురించిన ఉపోద్ఘాతం/నిర్వచనం/పరిచయం మాత్రమేనా ? కాదు
వికీలో ఏదో ఒకటి రాసి తీరాల్సిన అవసరం ఏమైనా ఉందా? లేదు
పుంఖానుపుంఖంగా మొలకలు తయారు చేసి వికీలో పడెయ్యాల్సిన అవసరం ఉందా? వికీపీడియాకైతే లేదు
సమాచారమేమీ లేకుండా కేవలం శీర్షికలు, ఉపశీర్షికలతో పేజీలు నింపెయ్యడం అవసరమా? వికీపీడియాకు అలాంటి పేజీల అవసరం లే...దు

కొత్తవారికిEdit

కొత్త సభ్యుడు: వికీపీడియా అంతా గందరగోళంగా ఉంది. నేనూ ఇక్కడ రాయాలంటే ఏం చెయ్యాలి, ఎలా రాయాలి?:

వికీపీడియను: నిజమే, కొత్తలో వికీపీడియా కొంత గందరగోళంగానే ఉంటుంది. (పాతబడ్డాక కూడా కొత్త కొత్తగానే ఉంటుం దిది) ఈ గందరగోళంలోంచి దారి చూసుకుని ముందుకు పోయేందుకు కొన్ని చిట్కాలు ఇస్తున్నాను. అటూ ఇటూ చూడకుండా కింది లింకులను పోట్టుకుని వెళ్ళి పోండంతే!

ముందుగా కొన్ని వ్యాసాలను చదవండి. ఆ వ్యాసాల ఆకృతిని పరిశీలించండి. ఎలా మొదలుపెడుతున్నారు (ఉపోద్ఘాతంతో), ఎలా ముగిస్తున్నారు (మూలాలు వనరులతో) వగైరాలను గమనించండి. ఉదాహరణకు ఈ వ్యాసాలు చూడండి: కలివికోడి, పొందూరు, యోగా, ఛందస్సు, పోతులూరి వీరబ్రహ్మేంద్రస్వామి. ఈ వ్యాసాల్లో తప్పులేమైనా ఉన్నాయేమో గమనించండి. తప్పులు సరిదిద్దవచ్చు. అది మీ హక్కు అని మీకు చెబుతున్నాం. త్వరలోనే అది మీ బాధ్యతగా భావిస్తారు. అయితే, దిద్దుబాట్లు చెయ్యబోయే ముందు...
వికీలో ఓ ఖాతా సృష్టించుకోండి: పేజీకి పైన కుడిపక్కన ఉన్న లింకును చూడండి, ఇక సృష్టించుకోండి.
..కున్నాక, లాగినవండి
తెలుగులో ఎలా రాయాలో తెలుసుకోండి. మీరు ఇంగ్లీషులో టైపు చేసుకుంటూ పోతుంటే, వికీపీడియా తెలుగులోకి మార్చుకుంటూ పోతుంది.
పేజీకి పైన ఉన్న మీ పేరును నొక్కితే మీ వాడుకరి పేజీకి వెళ్తారు. అక్కడ మీకు కావలసిన ప్రయోగాలు చేసుకోవచ్చు.
అక్కడ తెలుగులో రాయడం సాధన చెయ్యండి. రాయడానికి అలవాటు పడ్డాక, ఇక మొదలుపెట్టండి.
ముందుగా..
1. మీ ఊరి పేరుతో వెదకండి. (వెదకడానికి పేజీలో పైన కుడిపక్కన వెతుకుపెట్టె ఉంటుంది, చూడండి.) 90 శాతం మీ ఊరి పేరిట పేజీ ఉండే ఉంటుంది. ఉంటే, ఆ పేజీలో ఉన్న సమాచారాన్ని చదవండి. కొత్త సమాచారాన్ని చేర్చాలని అనిపిస్తే చేర్చెయ్యండి, వెనకాడకండి. తప్పు జరుగుతుందేమోనని భయపడకండి. తప్పులను సరిచేసుకుందాం. కానీ మీరు రాసే సమాచారంలో తప్పేమీ లేకుండా చూసుకోండి.
పేజీకి ఎడమవైపున ఉన్న లింకులను చూసారా? కొన్ని లింకులను గురించి చెబుతా నిక్కడ:
1. వికీపీడియాలో ఏ పని ఎలా చెయ్యాలో సహాయసూచిక చెబుతుంది.
2. వికీపీడియాలో ఏం జరుగుతోందో ఇటీవలి మార్పులు చెబుతుంది.
3. వికీపీడియాలో ఏం చెయ్యాలో, ఎలా చెయ్యాలో చర్చించవచ్చు రచ్చబండ లో.
వ్యాసాల్లో వాడుతున్న భాషలో మార్పులు చేసుకోవాల్సి ఉంది. వికీలో వ్యావహారికం వాడాలి. శిష్ట వ్యావహారికం వాడరాదు. సరళ గ్రాంథికం, శిష్ట గ్రాంథికం అసలే కుదరదు. కొన్ని ఉదాహరణలిక్కడ.

ఏం వాడకూడదు	ఏం వాడాలి
వచ్చెను	వచ్చాడు, వచ్చారు, వచ్చింది
మూలము	మూలం
కలదు, కలవు	ఉంది, ఉన్నాయి
కారణములు కలవు	కారణాలున్నాయి / కారణాలు ఉన్నాయి

గమనిస్తూ ఉండాల్సినవిEdit

పేజీ నుండి బయటికి పోయే లింకులు
- అగాధ పేజీలు
- బాగా తక్కువ అంతర్గత లింకులున్న పేజీలు
పేజీకి వచ్చే లింకులు: అనాథ పేజీలు
పేజీ సైజు: మొలకలు
మూలాలు: మూలాల్లో దోషాలున్న పేజీలు

ఇతరత్రా.త్రా..త్రా...Edit

श्रीश्री: श्रीश्री: तेलुगु साहित्य की महाकवी श्रीरंगं श्रीनिवासराव (१९१० अप्रैल ३०- १९८३ जून, १५) है। वे श्रीश्री के नाम पर प्रसिद्ध हुये। क्रांतिकारी कवि के रूप मे, पारंपरिक, छंदोयुत् कवित्व को धिक्कार्ने वाले श्रीश्री, प्रगतिशील लेखक संघ के अध्यक्ष, और क्रांतिकारी लेखक संघ के संस्थापक अध्यक्ष रहे। फिल्म गीत लेखन मे भी वह प्रसिद्ध है।

గుర్తింపుEdit

ఇక్కడ నేను చేసిన పనులకు నాకు లభించిన బహుమతులివి:

అలుపెరగని కృషీవలుడు చదువరికి సముదాయానికి పందిరేసినందుకు - వైఙాసత్య

తెవికీ మూలస్తంభాలలో ఒకరైన చదువరికి 10వేల దిద్దుబాట్లు పూర్తిచేసుకున్న సందర్భంగా వేసుకో ఒక ఘనమైన వీరతాడు - వైఙాసత్య

తెలుగు వికీ కొరకు విశేష సేవలందిస్తున్నందుకు విశ్వనాధ్ అందించే కృతజ్ఞతల చిరు బహుమతి

Certificate of komarraju lakshmanarao Award for who are given long and good service to Telugu Wikipedia (తెలుగు వికీపీడియాలో విశేషసేవలు అందించినందుకు కొమర్రాజు లక్ష్మణరావు పురస్కార గ్రహీతలకు ఇవ్వబడిన ప్రశంసాపత్రం)