దిక్కులు చూడకు రామయ్య
దిక్కులు చూడకు రామయ్య 2014 అక్టోబరు 10న విడుదలైన తెలుగు సినిమా. ఎన్నో చిత్రాలకు సహాయ దర్శకుడిగా పనిచేసిన త్రికోటి ఈ చిత్రం ద్వారా దర్శకుడిగా తెలుగు సినిమాపు పరిచయమయ్యాడు.[2]
| దిక్కులు చూడకు రామయ్య[1] | |
|---|---|
| దస్త్రం:Dikkulu Chudaku Ramaiah.jpg | |
| దర్శకత్వం | త్రికోటి |
| రచన | త్రికోటి |
| నిర్మాత | కొర్రపాటి సాయి |
| తారాగణం | అజయ్ (నటుడు) ఇంద్రజ నాగ సౌర్య సనా ఖాన్ |
| కూర్పు | కోటగిరి వెంకటేశ్వరరావు |
| సంగీతం | ఎం. ఎం. కీరవాణి |
విడుదల తేదీ | అక్టోబరు 10, 2014 |
| భాష | తెలుగు |
కథ
మార్చుచిన్న వయసులోనే పెళ్లి, పిల్లలు వంటి బరువు బాధ్యతలతో యవ్వనం అంతా వృధా పోవడంతో... ఒక అమ్మాయిని ప్రేమించాలి... ఆ ప్రేమ అనే అనుభూతిని ఆస్వాదించాలి అనే కోరికలు అలాగే మిగిలిపోతాయి గోపాలకృష్ణకి (అజయ్). బ్యాంక్‌ ఉద్యోగి అయిన గోపాలకృష్ణ తన వద్దకి లోన్‌ కోసం వచ్చే అమ్మాయిల్ని ట్రాప్‌ చేయాలని చూస్తుంటాడు. అలానే అతనికి ఒక లిటిగేషన్‌లో ఇరుక్కున్న సంహిత (సన) తారసపడుతుంది. ఆమెకి సాయం చేసే నెపంతో దగ్గరవుతాడు. తన వయసుకి ఇంకా ముప్పయ్యేనని, పెళ్లి కాలేదని నమ్మబలికి... ఆమెతో సాన్నిహిత్యం పెంచుకుంటాడు. ఇదిలావుంటే... గోపాలకృష్ణ పెద్ద కొడుకు మధు (నాగ శౌర్య) కూడా సంహితని చూసి మనసు పడతాడు. తనకంటే వయసులో రెండేళ్లు పెద్దదే అయినా కానీ ఆమెని ప్రేమించేస్తుంటాడు. తను ప్రేమిస్తున్న అమ్మాయినే తన తండ్రి కూడా ఇష్టపడుతున్నాడని తెలుసుకున్నాక మధు ఏం చేస్తాడు? ఇదే మిగిలిన కథ.[3][4]
నటవర్గం
మార్చు- గోపాలకృష్ణగా అజయ్
- మధుగా నాగశౌర్య
- సంహితగా సనా మక్బుల్
- భవానిగా ఇంద్రజ
- పోసాని కృష్ణమురళి
- బ్రహ్మాజీ
- హరితేజ
- గెటప్ శ్రీను
సాంకేతికవర్గం
మార్చు- కథ, దర్శకత్వం - త్రికోటి
- నిర్మాత - కొర్రపాటి సాయి
- సంగీతం - ఎం. ఎం. కీరవాణి
సంగీతం
మార్చుదింతనా, రచన: ఎం ఎం కీరవాణి, గానం. రాహూల్ సింప్లీ గంజ్, ఫీట్
చెంబిస్త్రీ , రచన: ఎం ఎం కీరవాణి, గానం.. ఫీట్, రేవంత్
తేలిపోతున్నా , రచన: ఎం ఎం కీరవాణి, గానం.ఫీట్ , రమ్య బెహరా
అంతే ప్రేమంతే , రచన: ఎం ఎం కీరవాణి, గానం.ఫీట్ , కాలభైరవ, మోహన భోగరాజు
అందరి రాతలు , రచన: ఎం ఎం కీరవాణి, గానం.ఫీట్ , రమేష్ వినాయగం , యామిని
దిక్కులు చూడకు రామయ్య, రచన: ఎం ఎం కీరవాణి, గానం.ఫీట్, కల్పన.
ప్రశంసలు
మార్చు‘దిక్కులు చూడకు రామయ్య’ చిత్రాన్ని నందమూరి బాలకృష్ణ 2014 అక్టోబరు 12, ఆదివారం నాడు ప్రసాద్‌ ల్యాబ్‌ ప్రివ్యూ తన కుటుంబసభ్యులతో కలసి చూశారు. సినిమా చూసిన అనంతరం దర్శకుడు త్రికోటిని, నిర్మాత సాయి కొర్రపాటిని ప్రత్యేకంగా అభినందించారు. ఈ సందర్భంగా ఆయన మాట్లాడుతూ ‘ఇటీవలి కాలంలో నేను చూసిన మంచి చిత్రమిది. ఇందులో తండ్రీకొడుకుల మధ్య అనుబంధాన్ని దర్శకుడు త్రికోటి తెరపై చూపించిన తీరు నన్ను కదలించింది. వారాహి బేనరు నుంచి వచ్చేవన్నీ మంచి సినిమాలే అని నిర్మాత సాయి కొర్రపాటి నిరూపిస్తున్నారు. అజయ్, నాగశౌర్య నటన బాగుంది’ అన్నారు. [5]
బయటి లంకెలు
మార్చుమూలాలు
మార్చు- ↑ "ఆర్కైవ్ నకలు". Archived from the original on 2014-10-13. Retrieved 2014-10-10.
- ↑ "ఆర్కైవ్ నకలు". Archived from the original on 2014-10-11. Retrieved 2014-10-10.
- ↑ http://www.123telugu.com/reviews/dikkulu-chudaku-ramayya-telugu-movie-review.html
- ↑ "ఆర్కైవ్ నకలు". Archived from the original on 2014-10-11. Retrieved 2014-10-10.
- ↑ "ఆర్కైవ్ నకలు". Archived from the original on 2014-10-14. Retrieved 2014-10-14.