ధనికొండ హనుమంతరావు

ధనికొండ హనుమంతరావు తెలుగులో లబ్ధ ప్రతిష్ఠుడైన రచయిత. ఇతడు క్రాంతి పబ్లికేషన్స్, క్రాంతి ప్రెస్సులను స్థాపించాడు. రేరాణి పత్రికకు సంపాదకుడిగా పనిచేశాడు. ఇంద్రజిత్ అనే కలం పేరుతో కూడా రచనలు చేశాడు. ఇతడు గుంటూరు జిల్లా, ఇంటూరులో 1919వ సంవత్సరంలో జన్మించాడు. బి.ఎ. చదువు మధ్యలోనే ఆపివేసి రచనలపై దృష్టి కేంద్రీకరించాడు.

ధనికొండ హనుమంతరావు
ధనికొండ హనుమంతరావు
జననం	ధనికొండ హనుమంతరావు 1919 ఇంటూరు గ్రామం,అమృతలూరు మండలం, గుంటూరు జిల్లా, ఆంధ్రప్రదేశ్ రాష్ట్రం
మరణం	డిసెంబర్ 21, 1989 మద్రాసు
ప్రసిద్ధి	రచయిత, ప్రచురణకర్త, పత్రికా సంపాదకుడు
మతం	హిందూ

రచనలు

ఇతని రచనలు యువ, అభిసారిక, పుస్తకం, జ్యోతి, సుభాషిణి, వాణి, ఆహ్వానం, ఆంధ్రజ్యోతి, ప్రజాబంధు, భారతి, చిత్రగుప్త, నీలిమ, ఆంధ్రప్రభ, కథాంజలి, ఆనందవాణి, పత్రిక తదితర పత్రికలలో ప్రచురింపబడ్డాయి.

పత్రికలు

జ్యోతి మాస పత్రిక, చిత్రసీమ, అభిసారిక పత్రిక వ్యవస్థాపకుడు, ముద్రాపకుడు ధనికొండ హనుమంతరావు. తన స్వంత క్రాంతి ప్రెస్స్ వ్యవహారాలతో తీరిక దొరకనందున, జ్యోతి మాసపత్రికని వేమూరి రాఘవయ్యకి, అభిసారికని రాంషాకి (సామర్లకోట), చిత్రసీమని కొలను బ్రహ్మానందరావుకి ధనికొండ ఇచ్చేసాడు. జ్యోతిని రాఘవయ్య నడిపినా కొంత కాలం ధనికొండ పేరే సంపాదకుడిగా ప్రచురించాడు.

నవలలు, నవలికలు

1. లోకచరిత్ర
2. గుడ్డివాడు
3. మగువమనసు
4. ఏకాకి
5. ఇలవేలుపు
6. దూతికావిజయం
7. జ్ఞాని
8. తీర్పు
9. జగదేకసుందరి
10. క్లియోపాట్రా

కథాసంపుటాలు

1. పరిశోధన
2. గర్వభంగం
3. ప్రియురాలు
4. కాముకి
5. సంజీవి
6. కుక్కతోక
7. బుద్ధిశాలి
8. ప్రణయాన్వేషి
9. అనాథ
10. చక్రి
11. అపనింద
12. గళ్లరుమాలు
13. పన్నాగం
14. వృత్తిధర్మం
15. నా కొడుకు (పెద్దకథ)

నాటికలు, నాటకాలు

1. ఎర్రబుట్టలు
2. ఉల్టా సీదా
3. ప్రొఫెసర్ బిండ్సన్
4. చికిత్స
5. జ్ఞాని
6. మధురకళ్యాణం

మరణం

ఇతడు తన 71వ యేట డిసెంబరు 21, 1989న మద్రాసులో మరణించాడు.