పెన్మత్స సురేష్ బాబు
పెనుమత్స వీరవెంకట సూర్యనారాయణరాజు (సురేష్ బాబు) ఆంధ్రప్రదేశ్ రాష్ట్రానికి చెందిన రాజకీయ నాయకుడు. అతను ప్రస్తుతం ఆంధ్రప్రదేశ్ శాసనమండలి సభ్యునిగా పనిచేస్తున్నాడు.
| పెనుమత్స సురేష్ బాబు (పి.వి.వి.సూర్యనారాయణ రాజు) | |||
శాసనమండలి సభ్యుడు
| |||
| అధికారంలో ఉన్న వ్యక్తి | |||
| అధికార ప్రారంభం 2023 మార్చి 30- ప్రస్తుతం | |||
| నియోజకవర్గం | ఎమ్మెల్యేల కోటా | ||
|---|---|---|---|
వ్యక్తిగత వివరాలు
|
|||
| జననం | 06 జులై 1966 విజయనగరం జిల్లా , ఆంధ్రప్రదేశ్ రాష్ట్రం | ||
| రాజకీయ పార్టీ | వైఎస్సార్ కాంగ్రెస్ పార్టీ | ||
| ఇతర రాజకీయ పార్టీలు | కాంగ్రెస్ పార్టీ | ||
| జీవిత భాగస్వామి | పెనుమత్స రోజా రాణి | ||
| నివాసం | మొయిదవిజయరాం పురం గ్రామం, నెల్లిమర్ల మండలం, విజయనగరం జిల్లా | ||
| వృత్తి | రాజకీయ నాయకుడు, డాక్టరు | ||
జననం, విద్యాభాస్యం
మార్చుపెన్మత్స సురేష్ బాబు 1966 జూలై 6న విశాఖపట్నంలో జన్మించాడు. తండ్రి ఉమ్మడి ఆంధ్రప్రదేశ్ మాజీ మంత్రి పెనుమత్స సాంబశివరాజు. సురేష్ బాబు బీడీఎస్‌ (డెంటల్‌) పూర్తి చేశాడు. అతను 2009 ఆంధ్రప్రదేశ్ ప్రభుత్వంలో ఆంధ్రప్రదేశ్ డెంటల్‌ కౌన్సిల్‌ మెంబరుగా పనిచేశాడు. అతను ఇండియన్‌ డెంటిస్ట్స్‌ అధ్యక్షుడిగా పనిచేశాడు.
రాజకీయ జీవితం
మార్చుపెన్మత్స సురేష్ బాబు తన తండ్రి అడుగుజాడల్లో రాజకీయాల్లోకి వచ్చాడు. అతను మొదటిసారి విజయనగరం జిల్లా, నెల్లిమర్ల మండలం, మొయిదనిజయ రాంపురం గ్రామ ఎంపీటీసీగా గెలిచాడు. 2014 ఎన్నికల్లో నెల్లిమర్ల నుండి వైఎస్సార్ కాంగ్రెస్ పార్టీ అభ్యర్థిగా పోటీ చేసి తన సమీప ప్రత్యర్థి తెలుగుదేశం పార్టీ అభ్యర్థి పతివాడ నారాయణస్వామి నాయుడు చేతిలో 6973 ఓట్ల తేడాతో ఓటమి పాలయ్యాడు. ఆ తరువాత వైఎస్సార్‌సీపీ నెల్లిమర్ల నియోజకవర్గ సమన్వయకర్తగా, వైఎస్సార్‌సీపీ రాష్ట్ర కార్యదర్శిగా వివిధ హోదాల్లో పనిచేశాడు. సురేష్ బాబుకు 2019లో జరిగిన అసెంబ్లీ ఎన్నికల్లో కొన్ని కారణాల వల్ల టికెట్ దక్కలేదు, అతనిని ఆంధ్రప్రదేశ్ శాసనమండలికి 2020లో జరిగిన ఉప ఎన్నికలో ఎమ్మెల్యే కోటా స్థానానికి 2020 ఆగస్టు 12న ఎమ్మెల్సీ అభ్యర్థిగా ముఖ్యమంత్రి వై.ఎస్. జగన్మోహన్ రెడ్డి ఖరారు చేశాడు.[1]
సురేష్ బాబు వైఎస్సార్ కాంగ్రెస్ పార్టీ ఎమ్మెల్సీ అభ్యర్థిగా 2020 ఆగస్టు 13న నామినేషన్ దాఖలు చేశాడు.[2] ఈ స్థానానికి ఒక్కటే నామినేషన్ దాఖలు కావడంతో సురేష్ బాబు ఏకగ్రీవంగా ఎన్నికైనట్టు 2020 ఆగస్టు 17న రిటర్నింగ్ అధికారి అధికారికంగా ప్రకటించాడు.[3] పెనుమత్స సూర్యనారాయణ రాజు 2020 అక్టోబరు 6న ఆంధ్రప్రదేశ్ శాసనమండలి సభ్యుడుగా ప్రమాణ స్వీకారం చేశాడు.[4]
మూలాలు
మార్చు- ↑ Sakshi (12 August 2020). "విధేయతకు పట్టం". Sakshi. Archived from the original on 9 July 2021. Retrieved 9 July 2021.
- ↑ TV9 Telugu (13 August 2020). "ఎమ్మెల్సీగా పెన్మత్స సురేష్ బాబు నామినేషన్ - penumatsa suresh babu". Archived from the original on 9 July 2021. Retrieved 9 July 2021.
{{cite news}}: CS1 maint: numeric names: authors list (link) - ↑ Sakshi (17 August 2020). "ఎమ్మెల్సీగా పెన్మత్స సురేష్ బాబు ఏకగ్రీవం". Sakshi. Archived from the original on 9 July 2021. Retrieved 9 July 2021.
- ↑ News18 Telugu (6 October 2020). "'ఇలా ప్రమాణస్వీకారం.. అలా ఇండియా రికార్డు కొట్టిన వైసీపీ మహిళా ఎమ్మెల్సీ'". Archived from the original on 9 July 2021. Retrieved 9 July 2021.
{{cite news}}: CS1 maint: numeric names: authors list (link)