ప్రియాంక త్రివేది
ప్రియాంక త్రివేది (జననం 1977 నవంబరు 12) ఒక భారతీయ నటి. ఆమె ప్రధానంగా కన్నడ భాషా చిత్రాలలో కనిపిస్తుంది. ఆమె కన్నడ దర్శకుడు, కథా రచయిత, నటుడు అయిన ఉపేంద్ర సతీమణి. ఆమె తమిళం, తెలుగు, బెంగాలీ, హిందీ సినిమాలలో కూడా నటించింది.
ప్రియాంక త్రివేది | |
|---|---|
 2019లో ప్రియాంక ఉపేంద్ర | |
| జననం | 1977 నవంబరు 12 కోల్‌కతా, పశ్చిమ బెంగాల్, భారతదేశం |
| వృత్తి | నటి, నిర్మాత |
| క్రియాశీల సంవత్సరాలు | 1997–ప్రస్తుతం |
| జీవిత భాగస్వామి | |
| పిల్లలు | ఐశ్వర్య ఉపేంద్ర, ఆయుష్ ఉపేంద్ర |
2022లో ప్రియాంక ఉపేంద్ర టైటిల్‌ పాత్రతో తన 50వ చిత్రం డిటెక్టివ్‌ తీక్ష సినిమా ఏడు భాషల్లో రూపొందుతోంది.[1]
కెరీర్ మార్చు
ప్రియాంక త్రివేది కలకత్తాలో 1977 నవంబరు 12న జన్మించింది. ఆమె తల్లి పశ్చిమ బెంగాల్‌కు చెందినది, కాగా తండ్రి ఉత్తరప్రదేశ్‌కు చెందినవాడు. కోల్‌కతాలోని కళాశాల నుండి కామర్స్ పట్టా పొందింది. దీనికి ముందు ఆమె పాఠశాల విద్యను అమెరికాలో మరియు సింగపూర్‌లో పూర్తిచేసింది. ఆమె 1990ల చివరలో బ్రిటానియా, ఓరియంట్ ఎలక్ట్రిక్, పిల్స్‌బరీ వంటి బ్రాండ్‌ల ప్రచారంలో భాగంగా టెలివిజన్ వాణిజ్య ప్రకటనలలో కనిపించింది. ఆ సమయంలో, ఆమెను దర్శకుడు బసు ఛటర్జీ తన మొదటి బెంగాలీ చిత్రం హోతాత్ బ్రిష్టి (1998) కోసం ఎంపిక చేశాడు.[2] ఆ తరువాత మరో రెండు సినిమాలు చుపి చుపి (2001), తక్ ఝల్ మిష్టి (2002) కూడా ఆయన దర్శకత్వంలో చేసింది.[3]
ఆ తరువాత ప్రియాంక త్రివేది బాలీవుడ్ లో అడుగుపెట్టి హిందీ చిత్రం ముఝే మేరీ బీవీ సే బచావో (2001)లో నటించింది. ఆమె నిర్మాతగా మారి తెలుగులో సూరి, రా చిత్రాలను నిర్మించింది. సూరిలో ఆమె జె. డి. చక్రవర్తితో పాటు ముఖ్య పాత్రల్లో నటించింది. దీన్ని హిందీలో దుర్గాగా రీమేక్ చేసారు. ఆమె కన్నడలో H2O, కోటిగొబ్బ చిత్రాలు; తమిళంలో రాజియం, రాజా, కాదల్ సడుగుడు మరియు జననం చిత్రాలలో నటించింది.[3]
మూలాలు మార్చు
- ↑ "తెరపైకి డిటెక్టివ్‌ తీక్ష". web.archive.org. 2022-11-26. Archived from the original on 2022-11-26. Retrieved 2022-11-26.
{{cite web}}: CS1 maint: bot: original URL status unknown (link) - ↑ "Priyanka Upendra remembers her mentor Basu Chatterjee - Times of India". The Times of India (in ఇంగ్లీష్). Retrieved 14 December 2020.
- ↑ 3.0 3.1 Srinivasa, Srikanth (21 September 2003). "Sandalwood calling". Deccan Herald. Archived from the original on 13 April 2005. Retrieved 23 September 2020.