ఫిరోజ్ పాలియా

ఫిరోజ్ ఎడుల్జీ పాలియా (1910 సెప్టెంబరు 5 - 1981 సెప్టెంబరు 9) తొలి తరం భారతీయ క్రికెట్ ఆటగాడు. పాలియా 1932లో లార్డ్స్‌లో తన మొట్టమొదటి టెస్ట్ మ్యాచ్‌ ఆడాడు. ఫీల్డింగ్ చేస్తున్న సమయంలో అతనికి గాయమైంది. రెండో ఇన్నింగ్స్‌లో అతను నడవలేని స్థితిలో ఉన్నప్పటికీ, చివరి వ్యక్తిగా బ్యాటింగ్ చేశాడు. మళ్లీ 1936లో ఇంగ్లండ్‌లో పర్యటించి, లార్డ్స్‌లో ఆడాడు.

ఫిరోజ్ పాలియా

1936 లో ఇంగ్లాండ్ పర్యటనకు ముందు ఫిరోజ్ పాలియా
వ్యక్తిగత సమాచారం
పూర్తి పేరు	ఫిరోజ్ ఎడుల్జీ పాలియా
పుట్టిన తేదీ	(1910-09-05)1910 సెప్టెంబరు 5 బొంబాయి, బాంబే ప్రెసిడెన్సీ, బ్రిటిషు భారతదేశం
మరణించిన తేదీ	1981 సెప్టెంబరు 9(1981-09-09) (వయసు 71) బెంగళూరు
బ్యాటింగు	ఎడమచేతి వాటం
బౌలింగు	Slow left arm orthodox
అంతర్జాతీయ జట్టు సమాచారం
జాతీయ జట్టు	ఇండియా (1932-1936)
తొలి టెస్టు (క్యాప్ 10)	1932 జూన్ 25 - ఇంగ్లాండ్ తో
చివరి టెస్టు	1936 ఆగస్టు 15 - ఇంగ్లాండ్ తో
కెరీర్ గణాంకాలు
పోటీ టెస్టులు First-class మ్యాచ్‌లు 2 100 చేసిన పరుగులు 29 4,536 బ్యాటింగు సగటు 9.67 32.40 100లు/50లు 0/0 8/19 అత్యధిక స్కోరు 16 216 వేసిన బంతులు 42 13,565 వికెట్లు 0 208 బౌలింగు సగటు – 24.06 ఒక ఇన్నింగ్సులో 5 వికెట్లు – 7 ఒక మ్యాచ్‌లో 10 వికెట్లు – 0 అత్యుత్తమ బౌలింగు – 7/109 క్యాచ్‌లు/స్టంపింగులు 0/– 40/–
మూలం: ESPN Cricinfo, 2020 మే 10

అతను రంజీ ట్రోఫీలో యునైటెడ్ ప్రావిన్స్, బాంబే పెంటాంగ్యులర్‌లో పార్సీలకు ప్రాతినిధ్యం వహించాడు. అతని అత్యధిక స్కోరు 1939-40లో మహారాష్ట్రపై చేసిన 216 పరుగులు. అతను ఆకర్షణీయమైన ఎడమ చేతి బ్యాట్స్‌మన్, ఉపయోగకరమైన స్పిన్నర్.

కొంతకాలం పాలియా, విజయనగరం మహారాజ్‌కుమార్ కొలువులో ఉన్నాడు. తరువాత బెంగళూరులో కలప, ఫర్నిచర్ వ్యాపారం చేసాడు. అతని తండ్రి 1920లలో బొంబాయిలోని వ్యాపార వర్గాలలో ప్రముఖ వ్యక్తి.